ປະຊາຊົນເດືອດຮ້ອນ ວອນພາກສ່ວນກ່ຽວຂ້ອງກວດສອບດ່ວນ ເຫດເຫຼັກຊີ້ຂື້ນຕາມເສັ້ນທາງ 13ເໜືອ ໜ້າເຂື່ອນນໍ້າອູ 1

ປະຊາຊົນເດືອດຮ້ອນ ວອນພາກສ່ວນກ່ຽວຂ້ອງກວດສອບດ່ວນ ເຫດເຫຼັກຊີ້ຂື້ນຕາມເສັ້ນທາງ 13ເໜືອ ໜ້າເຂື່ອນນໍ້າອູ 1

19th May 2020 0 By Education

ກາຍເປັນເລື່ອງລາວທີ່ສ້າງຄວາມເດືອດຮ້ອນ ແລະ ສ່ຽງອັນນຕະລາຍໃຫ້ກັບປະຊາຊົນຂຶ້ນມາທັນທີເມື່ອມີຄົນອອກມາໂພສພາບເສັ້ນທາງທີ່ເຕັມໄປດ້ວຍເຫຼັກຊີ້ພົ້ນຂຶ້ນຈາກໜ້າດິນອອກມາ ແລະ ບໍ່ແມ່ນຫາກໍ່ເກີດຂຶ້ນ ມັນມີມາດົນແລ້ວ ແຕ່ຍັງບໍ່ໄດ້ຮັບການກວດກາ ຫຼື ແກ້ໄຂເທື່ອ.

ໂດຍຜູ້ໃຊ້ເຟສບຸກຊື່ ຊ້າງ ພົງສະຫວັດ ອອກມາໂພສພາບພ້ອມຂໍ້ຄວາມລະບຸວ່າ: ວອນພາກສ່ວນທີ່ກ່ຽວຂ້ອງຊວ່ຍແກ້ໄຂເລື່ອງເຫຼັກທີ່ໂຜ່ຂື້ນກາງທາງເລກທີ 13ເໜືອຈຸດໜ້າເຂື່ອນນ້ຳອູ​1 ​ບ້ານຄອນຄຳ ເມືອງປາກອູ ແຂງຫລວງພະບາງ ເພາະເຫຼັກພວກນີ້ມັນໂຜ່ຂື້ນເປັນເວລາເກືອບສອງສາມປີມາແລ້ວ​ ແລະ​ ມັນກະກະສ້າງຄວາມເສຍຫາຍແກ່ຢາງລົດຂອງພາຫະນະທີ່ທຽວໄປມາຫລາຍສົມຄວນໂດຍສະເພາະລົດຂອງຂ້າພະເຈົ້າທຽວໄປມາຢາງຈີກຫລາຍເສັ້ນແລ້ວ.

ແນວໃດກໍ່ຕາມ ວອນພາກສ່ວນກ່ຽວຂ້ອງເຂົ້າໄປກວດກາ ແລະ ແກ້ໄຂໃຫ້ປະຊາຊົນດ້ວຍ ທັງນີ້ກໍ່ເພື່ອເປັນການຮັກສາສະພາບເສັ້ນທາງໃຫ້ນໍາໃຊ້ໄດ້ຍາວນານນໍາອີກ.