ນໍ້າໃຈໃນຍາມຍາກ! ຕູ້ແບ່ງປັນຄວາມສຸກ ໃຜຂາດເຂີນແທ້ໄປຢິບຈັບມາໄດ້ໂດຍບໍ່ຕ້ອງຈ່າຍເງິນ ແຕ່ເອົາໃຫ້ພໍເໝາະ

ນໍ້າໃຈໃນຍາມຍາກ! ຕູ້ແບ່ງປັນຄວາມສຸກ ໃຜຂາດເຂີນແທ້ໄປຢິບຈັບມາໄດ້ໂດຍບໍ່ຕ້ອງຈ່າຍເງິນ ແຕ່ເອົາໃຫ້ພໍເໝາະ

19th May 2020 0 By Education

ກ່ອນໜ້ານີ້ ແອັດມິນ ເຊື່ອວ່າຫຼາຍທ່ານຈະພົບເຫັນກັນແລ້ວສໍາລັບນໍ້າໃຈການຊ່ວຍເຫຼືອມະນຸດດ້ວຍກັນເອງຂອງປະເທດເພື່ອນບ້ານ ໂດຍສະເພາະແມ່ນ ການສ້າງຕູ້ແບ່ງປັນຄວາມສຸກ ນໍາເອົາເຄື່ອງໃຊ້ທີ່ຈໍາເປັນ, ເຂົ້າສານອາຫານແຫ້ງຕ່າງໆ ໄປວາງໄວ້ໃນຕູ້ ແລ້ວໃຫ້ຜູ້ທີ່ຂາດເຂີນ ທຸກຍາກອີຫຼີ ໄປຢິບຈັບມາໃຊ້ ຫຼື ບໍລິໂພກໄດ້ ໂດຍບໍ່ເສຍຄ່າ.

ຫຼ້າສຸດ, ຢູ່ລາວເຮົາມີແລ້ວ ໂດຍມີຜູ້ໃຊ້ເຟສບຸກຊື່ Kou Viengxay ອອກມາໂພສພາບພ້ອມຂໍ້ຄວາມລະບຸວ່າ: ຕູ້ແບ່ງປັນຄວາມສຸກ ທ່ານໃດທີ່ຮູ້ສຶກວ່າ ຂາດເຂີນແທ້ແທ້ ແມ່ນສາມາດມາຢິບໄດ້ຟີເດີ້ ແຕ່ເອົາໃຫ້ພໍເຫມາະພໍຄວນ ຕັ້ງຢູ່ຫນ້າວັດມີໄຊ ສ່ວນທ່ານໃດທີ່ມີເຫລືອຢູ່ເຫລືອກິນແລ້ວ ແມ່ນສາມາດມາເຕີມວັດຖຸສິ່ງຂອງອາຫານການກິນໄດ້ ຫລືມີຕູ້ກັບເຂົ້າເກົ່າສາມາດໄປວາງໄວ້ຕາມຈຸດຕ່າງຕ່າງໄດ້ ເພື່ອຊ່ວຍເຫລືອມະນຸດດ້ວຍກັນ.

ນັບວ່າເປັນເລື່ອງລາວດີໆທີ່ເກີດຂຶ້ນໃນສັງຄົມລາວຍາມທີ່ປະເທກພົບວິກິດແບບນີ້ ແອັດຂໍຍ້ອງຍໍຊົມເຊີຍໃນນໍ້າໃຈຂອງພົນລະມືອງດີຄົນນີ້, ສ່ວນການຢິບຈັບເອົາສິ່ງຂອງໃນຕູ້ນັ້ນ ຂໍເຕືອນສະຕິໄວ້ເລັກນ້ອຍ ວ່າຢ່າເຫັນແກ່ຕົວ, ເອົາພຽງພໍເໝາະ ພໍປະມານ ເພາະຍັງມີຄົນອີກຈໍານວນຫຼາຍທີ່ເຂົາເຈົ້າກໍ່ຕ້ອງການສະບຽງອາຫານເຫຼົ່ານຮີ້ ບໍ່ຕ່າງກັບເຮົາເລີຍ.

ແອັດຂໍຢໍ້າສະຖານທີ່ອີກຄັ້ງເຜື່ອຄົນທີ່ບໍ່ຮູ້ຈັກເຂດວັດມີໄຊ ເຊິ່ງຜູ້ໂພສໃຫ້ຂໍ້ມູນເພີ່ມເຕີມວ່າຢູ່ແຖວວັດອິນແປງ ນະຄອນຫຼວງວຽງຈັນ.