ປັບມາໃໝ່! ຊັ້ນຮຽນ ປ2 ທົ່ວປະເທດ ຈະໄດ້ນຳໃຊ້ປຶ້ມແບບຮຽນຫຼັກສູດປັບປຸງໃໝ່ ສົກຮຽນ 2020-2021

ປັບມາໃໝ່! ຊັ້ນຮຽນ ປ2 ທົ່ວປະເທດ ຈະໄດ້ນຳໃຊ້ປຶ້ມແບບຮຽນຫຼັກສູດປັບປຸງໃໝ່ ສົກຮຽນ 2020-2021

19th May 2020 0 By Education

ຂ່າວດີໃຫ້ແກ່ນ້ອງໆນັກຮຽນຊັ້ນປະຖົມສຶກສາປີທີ 2 ໃນສົກຮຽນ 2020-2021 ນີ້ ຈະໄດ້ນໍາໃຊ້ປື້ມແບບຮຽນຫຼັກສູດປັບປຸງໃໝ່, ເຊິ່ງຈະເລັ່ງນໍາສົ່ງໄປຫາໂຮງຮຽນປະຖົມສົມບູນທຸກແຫ່ງໃນທົ່ວປະເທດ ໃຫ້ທັນ​ກ່ອນ​ການ​ເປີດ​ສົກ­ຮຽນ​ໃໝ່​ທີ່​ຈະ​ມາ​ເຖິງ​ນີ້.

ລັດ­ຖະ­ບານ​ອົດ​ສະ​ຕຣາ​ລີ ຮ່ວມ​ມື​ກັບ​ສະ­ຫະພາບ​ເອີ​ຣົບ ໃຫ້­ການ​ສະ­ໜັບ­ສະ­ໜູນ​ກະ­ຊວງ​ສຶກ​ສາ​ທິ​ການ ແລະ ກີ­ລາ ເພື່ອ​ທົບ​ທວນ­ຄືນ​ຫຼັກ­ສູດ​ຊັ້ນ​ປະ­ຖົມ​ສຶກ​ສາ ແລະ ການ­ຈັດ­ຕັ້ງ​ປະ­ຕິ­ບັດ​ຫຼັກ­ສູດ​ສະ­ບັບ​ປັບ­ປຸງ​ໃໝ່ ນັບ​ແຕ່​ປີ 2015 ເປັນ­ຕົ້ນ​ມາ ພາຍ​ໃຕ້​ວິ​ກິດ​ການ​ແຜ່​ລະ­ບາດ​ຂອງ​ເຊື້ອ​ພະ­ຍາດ​ໂຄ​ວິດ-19 ແລະ ເລັ່ງ​ໃສ່​ປຶ້ມ​ແບບ­ຮຽນ ພ້ອມ​ອຸ­ປະ­ກອນ​ປະ­ກອບ​ການ​ຮຽນ-ການ​ສອນ ສຳ­ລັບ​ຂັ້ນ ປ2 ແລະ ກຽມ­ພ້ອມ​ນຳ​ສົ່ງ​ໄປ​ຫາ​ໂຮງ­ຮຽນ​ປະ­ຖົມ​ສົບ​ບູນ​ແຫ່ງ​ຕ່າງໆ ໃນ​ທົ່ວ​ປະ­ເທດ ໃຫ້​ຖ່ວງ​ທັນ ຫຼັງ​ຈາກ​ມີ​ຄຳ​ສັ່ງ​ຍົກ­ເລີກ​ມາດ​ຕະ­ການ “ສັ່ງ​ປິດ” (Lock Down) ເພື່ອ​ໃຫ້​ທັນ​ກ່ອນ​ການ​ເປີດ​ສົກ­ຮຽນ​ໃໝ່​ທີ່​ຈະ​ມາ​ເຖິງ​ນີ້.

ໃນ​ວັນ​ທີ 15 ພຶດ­ສະ­ພາ 2020 ທີ່​ສາງ​ຈັດ​ເກັບ​ອຸ­ປະ­ກອນ​ການ​ຮຽນ ທີ່​ບ້ານ​ໜອງ​ປີງ ນະ­ຄອນ­ຫຼວງ​ວຽງ​ຈັນ ໄດ້​ຈັດ​ສົ່ງ​ອຸ­ປະ­ກອນ​ການ​ຮຽນ-ການ​ສອນ ເພື່ອ​ນຳ​ສົ່ງ​ໄປ​ຫາ​ເປົ້າ​ໝາຍ​ຄື: ຫ້ອງ­ການ​ສຶກ​ສາ​ທິ​ການ ແລະ ກີ­ລາ​ເມືອງ 148 ເມືອງ​ໃນ​ທົ່ວ​ປະ­ເທດ ເຊິ່ງ​ປະ­ກອບ​ມີ​ປື້ມ​ອ່ານ​ເສີມ​ຈຳ­ນວນ 683.645 ຫົວ ປຶ້ມ​ນິ­ທານ​ຈຳ­ນວນ 159.205 ຫົວ ແລະ ຮູບ​ພາບ​ປະ­ກອບ​ຄຳ​ສັບ​ຈຳ­ນວນ 18.730 ຊຸດ ໄດ້​ຖືກ​ບັນ­ຈຸ​ເຂົ້າ​ໃນ​ແກັດ​ທັງ​ໝົດ 9.365 ແກັດ.

ຂ່າວ-ພາບ: ບຸນ​ມີ