ໜ້າເຫັນໃຈ ຕ້ອງສົ່ງນັກທ່ອງທ່ຽວ ແລະແຮງງານ 300 ກວ່າຄົນກັບສູ່ ສປ ຈີນ

ໜ້າເຫັນໃຈ ຕ້ອງສົ່ງນັກທ່ອງທ່ຽວ ແລະແຮງງານ 300 ກວ່າຄົນກັບສູ່ ສປ ຈີນ

20th May 2020 0 By Education

ໂຄວິດມາຄາວນີ້ບໍ່ທຳມະດາເລີຍ ເຮັດໃຫ້ຫຼາຍໆຄົນໃນທົ່ວໂລກດຳລົງຊີວິດຢ່າງຍາກລຳບາກຈັກຈະຕົກວຽກ, ຫາເງິນບໍໄດ້ໄປໃສກໍ່ຕ້ອງກວດສອບເຄັ່ງຄັດ ໜັກໄປທຸກຂະແໜງການ, ຫຼ້າສຸດນີ້ເຂດເສດຖະກິດພິເສດສາມຫລ່ຽມຄຳເຖິງກັບຕ້ອງສົ່ງແຮງງານກັບຄືນ ສປ ຈີນ ເນື່ອງຈາກຕ້ອງປິດຊົ່ວຄາວ ພ້ອມສົ່ງນັກທ່ອງທ່ຽວທີ່ຕົກຄ້າງອີກລວມແລ້ວ 300 ກວ່າຄົນ.

ໃນວັນທີ 19 ພຶດສະພາ 2020 ນີ້ເຂດເສດຖະກິດພິເສດ ສາມຫຼ່ຽມທອງຄໍາ,​ ແຂວງບໍ່ແກ້ວ ຫນ່ວຍງານຮັບຜິດຊອບໄດ້ຈັດສົ່ງນັກທ່ອງທ່ຽວ ແລະ ແຮງງານທີ່ຕົກຄ້າງສັນຊາດຈີນ,​ຈຳນວນ 300 ກວ່າຄົນກັບຄືນປະເທດ.

ທັງນີ້, ກໍ່ເນື່ອງຈາກ ໄດ້ຮັບຜົນກະທົບຈາກການລະບາດຂອງພະຍາດໂຄວິດ-19 ເຮັດໃຫ້ເຂດເສດຖະກິດພິເສດ ປະຕິບັດມາດຕະການປ້ອງກັນ ແລະ ຄອບຄຸມການລະບາດຂອງໂຄວິດ-19​ ໂດຍມີການ ປິດກິດຈະການຊົ່ວຄາວມາໄລຍະໜຶ່ງ ໂດຍສະເພາະມາດຕະການ ຄຸມເຂັ້ມການເຂົ້າ-ອອກ.