ຊົມເຊີຍ! ຊາວນາເມືອງຫຼາ ສ້າງຊົນລະປະທານດ້ວຍເງິນຕົນເອງ

ຊົມເຊີຍ! ຊາວນາເມືອງຫຼາ ສ້າງຊົນລະປະທານດ້ວຍເງິນຕົນເອງ

25th May 2020 0 By Education

ປັດຈຸບັນຫຼາຍຂົງເຂດໃນທົ່ວປະເທດເລີ່ມກຽມພ້ອມເຂົ້ສູ່ການຜະລິດລະດູແລ້ງ ແລະ ແນ່ນອນວ່າການຜະລິດລະດູນີ້ ການມີຊົນລະປະທານສະໜອງນໍ້າໃຫ້ຢ່າງພຽງພໍຄືໝາກຫົວໃຈສໍາຄັນ. ແຕ່ທັງນີ້ທັງນັ້ນ ໃນບາງເຂດກໍ່ບໍ່ມີຊົນລະປະທານເຂົ້າເຖິງເທື່ອໂດຍສະເພາະແມ່ນເຂດບ້ານວຽງຄໍາ ເມືອງຫຼາ ແຂວງອຸດົມໄຊ. ດັ່ງນັ້ນ, ປະຊາຊົນຈອ່ງເຕົ້າໂຮມໃຊ້ທຶນຕົນເອງສ້າງຊົນລະປະທານຂຶ້ນມາ ດ້ວຍມູນຄ່າ 176ລ້ານກີບ.

ໂຄງການກໍ່ສ້າງຊົນລະປະທານນາອ່າງ ບ້ານ ວຽງຄຳ ເມືອງຫຼາ ແຂວອຸດົມໄຊ ໂດຍແມ່ນທຶນກໍ່ສ້າງຂອງກຸ່ມ ຊາວນາເອງ ຈຳນວນ 18 ຄອບຄົວ ມີມູນຄ່າກໍ່ສ້າງ 176 ລ້ານກີບ, ໂດຍເລີ່ມລົງມືກໍ່ສ້າງ ແຕ່ວັນທີ 13 ມີນາ 2020 ເປັນຕົ້ນມາ ປັດຈຸບັນມີຄວາມຄືບໜ້າແລ້ວ 85 % ຂອງໜ້າວຽກທັງໝົດ ຄາດວ່າຈະໃຫ້ສຳເລັດໃນຮໄວໆນີ້ ພ້ອມຈະສາມາດສະໜອງນ້ຳໃສ່ນາໄດ້ຢ່າງພຽງພໍ.

ແນວໃດກໍ່ຕາມ ແອັດຂໍຊົມເຊີຍຕໍ່ຄວາມເສຍສະລະໃນການສ້າງສິ່ງອໍານວຍຄວາມສະດວກໃຫ້ແກ່ປະຊາຊົນພາຍໃນບ້ານ ໂດຍບໍ່ຄອງຄອຍພຽງແຕ່ການຊ່ວຍເຫຼືອຈາກລັດຖະບານ ແລະ ຖືເປັນແບບຢ່າງຂອງຊາວນາທີ່ສ້າງຊົນລະປະທານໃຊ້ເອງ.