ເພີ່ມຂຶ້ນເລື້ອຍໆ! ໂຄວິດຍັງບໍ່ຊາລົງ ທົ່ວໂລກຕິດເຊື້ອທະລຸ 6 ລ້ານກວ່າຄົນແລ້ວ

ເພີ່ມຂຶ້ນເລື້ອຍໆ! ໂຄວິດຍັງບໍ່ຊາລົງ ທົ່ວໂລກຕິດເຊື້ອທະລຸ 6 ລ້ານກວ່າຄົນແລ້ວ

1st June 2020 0 By Education

ເຖິງແມ່ນວ່າປັດຈຸບັນສະພາບການລະບາດຂອງພະຍາດໂຄວິດ-19 ໃນ ສປປ ລາວ ຈະເລີ່ມງຽບຫາຍ ແລະ ເບົາບາງລົງ ໂດຍບໍ່ພົບຜູ້ຕິດເຊື້ອໃໝ່ເປັນເວລາ ເກືອບ2 ເດືອນແລ້ວກໍ່ຕາມ ແຕ່ກົງກັນຂ້າມ ສະພາບການລະບາດຂອງພະຍາດດັ່ງກ່າວໃນທົ່ວໂລກ ກັບຍັງຮ້າບຍແຮງ ແລະ ບໍ່ມີທ່າທີຢຸດເຊົາລົງ ໂດຍມາຮອດປັດຈຸບັນວັນທີ 1 ມິຖຸນາ 2020 ທົ່ວໂລກມີຜູ້ຕິດເຊື້ອແລ້ວ 6,1ລ້ານກວ່າຄົນ.

ຕາມ​ຂໍ້​ມູນ​ ລວບ​ລວມ ​ໂດຍ​ມະຫາ ວິທະຍາ​ໄລ ຈອນ ຮອບ​ກິນ ​ຂອງສ.ອາ​ເມ​ລິ​ກາ ​ໃນ​ວັນ​ທີ 1 ມິຖຸນາ ພົບ​ວ່າ: ທົ່ວ​ໂລກ ມີ​ຜູ້​ຕິດ​ເຊື້ອ​ໂຄ​ວິດ-19 ຈຳນວນ 6.164.784 ຄົນ ​ແລະ ​ ​ໃນ 188 ປະ​ເທດ ​ແລະ ​ເຂດ​ແຄ້ວ​ນ ​ໂດຍ 5 ອັນ​ດັບ ປະ​ເທດ ທີ່​ມີ​ຜູ້​ຕິດ​ເຊື້ອ ​ຫລາຍ​ທີ່​ສຸດ ອັນ​ດັບ​ໜຶ່ງ ຍັງ​ຄົງ​ເປັນ ສ.ອາ​ເມ​ລິ​ກາ ມີ​ຜູ້​ຕິດ​ເຊື້ອ 1.789.368 ຄົນ ຕາມ​ມາ​ດ້ວຍ ບຣາຊິນ 514.849 ຄົນ, ຣັດ​ເຊຍ 405.843 ຄົນ, ອັງກິດ 276.156 ຄົນ ​ແລະ ​ແອັດ​ສະ​ປາຍ 239.479 ຄົນ.

ຂະນະ​ທີ່ ຈຳນວນ​ຜູ້​ເສຍ​ຊີວິດ ສະ​ສົມ​ທົ່ວ​ໂລກ ​ເພີ່ມ​ຂຶ້ນ 371.987 ​ຄົນ ​ໃນ​ນີ້ ສ.ອາ​ເມ​ລິ​ກາ ​ເສຍ​ຊີວິດ ​ຈາກ​ໂຄ​ວິດ-19 ຈຳນວນ104.357 ຄົນ ຕາມ​ມາ​ດ້ວຍ ອັງກິດ 38.571 ຄົນ, ອີ​ຕາ​ລີ 33.415 ຄົນ, ບຣາຊິນ 29.314 ຄົນ ​ແລະ ຝຣັ່ງ 28.805 ຄົນ. ສ່ວນ​ປະ​ເທດ ​ເປຣູ ມີ​ຜູ້​ຕິດ​ເຊື້ອ​ໃໝ່​ເຖິງ 8.805 ຄົນ ​ແລະ ອິນ​ເດຍ ມີ​ຜູ້​ຕິດ​ເຊື້ອ​ໃໝ່ 8.782 ຄົນ.

ທີ່ມາ: ປະເທດລາວ