ບໍ່ແກ້ວຈັດໜັກຈັດເຕັມ! ປ້າຍໃດຜິດລະບຽບຮື້ຖອນອອກໃຫ້ໝົດ ບໍ່ມີໂຍະຍານ

ບໍ່ແກ້ວຈັດໜັກຈັດເຕັມ! ປ້າຍໃດຜິດລະບຽບຮື້ຖອນອອກໃຫ້ໝົດ ບໍ່ມີໂຍະຍານ

6th June 2020 0 By Education

ເວົ້າເລື່ອງປ້າຍມາແລ້ວຫຍຸ້ງຫົວໃຈ ບ້ານເຮົາເຖິງຈະມີກົດໝາຍວ່າດ້ວຍປ້າຍແລ້ວ ແຕ່ຂອດຂັ້ນໃນການປະຕິບັດຍັງບໍ່ທັນເປັນໄປຕາມກົດໝາຍຢ່າງຈີງຈັງ ຍ້ອນຮ້າຍປ້າຍຫຼາຍບ່ອນແມ່ນຜະລິດອອກມາຕາມຄວາມຕ້ອງການຂອງລູກຄ້າເປັນຫຼັກ ເລື່ອງຫຼັກພາສາລາວ ແລະຄວາມຖືກຕ້ອງເປັນປະເດັນສຳຮອງຈິ່ງເຮັດໃຫ້ປ້າຍກາຍເປັນບັນຫາໜຶ່ງທີ່ຕ້ອງຕິດຕາມແກ້ໄຂເລື້ອຍມາ.

ຫຼ້າສຸດ ໃນວັນທີ 3 ມິຖຸນາ 2020 ນີ້ ໂດຍປະຕິບັດຕາມທິດຊີ້ນໍາຂອງທ່ານເຈົ້າແຂວງບໍ່ແກ້ວ ກໍ່ຄືທິດຊີ້ນໍາຂອງຄະນະບໍລິຫານງານພັກເມືອງ ຕົ້ນເຜິ້ງບັນດາຫ້ອງການທີ່ກ່ຽວຂ້ອງຂອງເມືອງ ນໍາໂດຍ ທ່ານ ແສງເພັດ ຈິດຕະພົງ ຫົວໜ້າຫ້ອງການ ໂຍທາທິການ ແລະ ຂົນສົ່ງເມືອງ ສົມທົບກັບ ປກສ – ປກຊ ແລະ ຄະນະຄຸ້ມຄອງເຂດເສດຖະກິດພິເສດສາມແຂວງບໍ່ແກ້ວ ໄດ້ລົງຮື້ຖອນປ້າຍໂຄສະນາທີ່ບໍ່ຖືກຕ້ອງຕາມລະບຽບວັດທະນະທໍາ ແລະ ລະບຽບໂຍທາ ເຊັ່ນ ປ້າຍທີ່ບໍ່ມີພາສາລາວ, ປ້າຍທີ່ມີພາສາຕ່າງປະເທດຢູ່ເທິງພາສາລາວ,

ປ້າຍທີ່ຂະໜາດຂອງພາສາລາວນ້ອຍກວ່າພາສາຕ່າງປະເທດ, ປ້າຍທີ່ສີພື້ນ ແລະ ສີຕົວໜັງສືບໍ່ຖືກຕ້ອງຕາມລະບຽບການທີ່ກະຊວງ ຖວທ ກຳນົດ, ປ້າຍທີ່ຕິດຕັ້ງກວມເອົາເຂດສະຫງວນທາງຫຼວງ, ຢູ່ຕິດຂອບທາງ ຫຼື ຫ່າງຈາກຂອບທາງບໍ່ເຖິງ 6 ແມັດ ເຊິ່ງເຮັດໃຫ້ບັງປ້າຍເຄື່ອງໝາຍຈະລາຈອນ ຫຼື ກີດຂວາງໄລຍະການເບິ່ງເຫັນໃນເວລາຂັບຂີ່.

ພ້ອມດຽວກັນຍັງມີປ້າຍທີ່ຕິດຮູບພາບໂປ້ເປືອຍ ລາມົກອານາຈານ ບໍ່ສອດຄ່ອງກັບວັດທະນະທໍາ – ຮີດຄອງປະເພນີອັນດີງາມຂອງຊາດ ລວມທັງໝົດ 89 ປ້າຍ ຢູ່ເຂດເຊື່ອມຕໍ່ ລະຫວ່າງເມືອງ ຕົ້ນເຜິ້ງ ແລະ ເຂດເສດຖະກິດພິເສດສາມຫຼ່ຽມຄໍາ.