ເມຍ ກິ ດາວເພັດ ໜູຫ່ວງ ໂພສຂອບໃຈ ທຸກກໍາລັງໃຈທີ່ສົ່ງໃຫ້ລູກຊາຍເຂົ້າຫ້ອງຜ່າຕັດ

ເມຍ ກິ ດາວເພັດ ໜູຫ່ວງ ໂພສຂອບໃຈ ທຸກກໍາລັງໃຈທີ່ສົ່ງໃຫ້ລູກຊາຍເຂົ້າຫ້ອງຜ່າຕັດ

9th June 2020 0 By Education

ແອັດມິນເຄີຍແຈ້ງໄປແລ້ວກ່ອນໜ້ານີ້ ສໍາລັບຂ່າວຮ້າຍ ລູກຊາຍ ກິ ດາວເພັດ ໜູຫ່ວງ ລາຊາເພງລູກທົ່ງລາວ ທີ່ລ່ວງຫຼັບໄປເມື່ອທ້າຍເດືອນເມສາ ທີ່ຜ່ານ ຕ້ອງຖືກສົ່ງຕົວເຂົ້າຫ້ອງຜ່າຕັດດ່ວນ ເຊິ່ງເປັນເລື່ອງລາວທີ່ສ້າງຄວາມຕົກໃຈໃຫ້ສັງຄົມຢ່າງກ້ວາງຂວາງ ເນື່ອງຈາກ ຜູ້ເປັນພໍ່ຫາກໍ່ເສຍຊີວິດໄປ ແຕ່ລູກຊາຍກັບເຈັບໜັກຕ້ອງເຂົ້າຜ່າຕັດດ່ວນ.

ແຕ່ຫຼ້າສຸດ ມື້ນີ້ ວັນທີ 9 ມິຖຸນາ 2020 ເອື້ອຍຄໍາພຸດ ເມຍນັກຮ້ອງດັງ ກິ ດາວເພັດໜູຫ່ວງ ໄດ້ອອກມາໂພສພາບລູກຊາຍ ພ້ອມຂໍ້ຄວາມສະແດງຄວາມຂອບໃຈຕໍ່ທຸກໍາລັງໃຈທີ່ສົ່ງໃຫ້ ໂດຍລະບຸວ່າ: ຂໍຂອບໃຈນຳທຸກໆທ່ານທີ່ຮ່ວມສົ່ງກຳລັງໃຈໃຫ້ຄອບຄົວຜູ້ຂ້ານ້ອງປອດໄພແລ້ວອີກປະມານ4-5ມື້ກໍ່ສິໄດ້ອອກໂຮງໝໍແລ້ວຂອບໃຈຫລາຍໆທີ່ເປັນຫ່ວງ ແລະ ຮັກແພງຄອບຄົວໜູຫ່ວງຂໍໃຫ້ທຸກທ່ານຈົ່ງມີແຕ່ຄວາມສຸກໂຊກດີຕະຫຼອດໄປ.

ແນວໃດກໍ່ຕາມ ຈາກທີ່ແອັດມິນນໍາສະເໜີຂ່າວໄປໃນມື້ວານນີ້ ເຫັນໄດ້ເຖິງກໍາລັງໃຈຈາກທົ່ວສັງຄົມຢ່າງລົ້ນຫຼາມ ທີ່ສົ່ງໄປໃຫ້ນ້ອງບອຍ ແລະ ຄອບຄົວໜູຫ່ວງ ເຊິ່ງແອັດກໍ່ເປັນໜຶ່ງໃນນັ້ນ ແລະ ຖືເປັນຂ່າວດີແກ່ທຸກຄົນທີ່ຕອນນີ້ນ້ອງປອດໄພ ກັບມາສູ່ອ້ອມກອດຂອງແມ່ແລ້ວ.