ໂຄວິດ-19ຈະຫາຍ ໄຂ້ຍຸງລາຍກໍ່ມາຕໍ່ ພາກເອົາຄົນລາວໄປແລ້ວ 5 ຊີວິດ ແຖມຕິດເຊື້ອອີກ 1 ພັນກວ່າຄົນ

ໂຄວິດ-19ຈະຫາຍ ໄຂ້ຍຸງລາຍກໍ່ມາຕໍ່ ພາກເອົາຄົນລາວໄປແລ້ວ 5 ຊີວິດ ແຖມຕິດເຊື້ອອີກ 1 ພັນກວ່າຄົນ

9th June 2020 0 By Education

ນັບເປັນຂ່າວດີທີ່ສຸດສໍາລັບມື້ນີ້ ທີ່ຜູ້ຕິດເຊື້ອໂຄວິດ-19 ໃນ ສປປ ລາວ ໄດ້ອອກໂຮງໝໍຄົບທັງໝົດ 19 ຄົນແລ້ວ ແລະ ສາມາດເວົ້າໄດ້ເລີຍວ່າ ຍອດຜູ້ຕິດເຊື້ອໃນລາວເປັນ 0 ບໍ່ມີຄົນຕິດເຊື້ອໃໝ່ ສ່ວນຄົນເກົ່າກໍ່ປິ່ນປົວຫາຍດີຄົບທຸກຄົນແລ້ວ. ແຕ່ໂຊກຮ້າຍ ໂຄວິດຄ້າຍຄືຈະໝົດໄປ ແຕ່ພະຍາດໃໝ່ທີ່ຄວາມອັນຕະລາຍບໍ່ຕ່າງກັນ ຍັງຄຸກຄາມຄົນລາວຢູ່ ນັ້ນຄື ໄຂ້ຍຸງລາຍ ທີ່ພາກເອົາຊີວິດຄົນລາວໄປແລ້ວເຖິງ 5ຄົນ.

ທ່ານ ດຣ. ພອນປະເສີດ ໄຊຍະມຸງຄຸນ, ຮອງຫົວໜ້າ ກົມຄວບຄຸມພະຍາດຕິດຕໍ່, ກະຊວງສາທາລະນະສຸກ ໄດ້ໃຫ້ຂໍ້ມູນກ່ຽວກັບໄຂ້ຍຸງລາຍ ໃນໂອກາດຖະແຫຼງຂ່າວລາຍງານສະພາບການລະບາດຂອງພະຍາດໂຄວິດ-19 ເມື່ອວັນທີ 9 ມິຖຸນາ 2020 ວ່າ: ຄຽງຄູ່ກັບພະຍາດ ໂຄວິດ-19 ກໍ່ຍັງມີ ພະຍາດຕາມລະດູການ, ໂດຍສະເພາະແມ່ນ ພະຍາດໄຂ້ຍຸງລາຍ ພວມກຳລັງມີການລະບາດ ເຊິ່ງມີຕົວເລກສະສົມ 1.676 ຄົນ ແລະ ມີການເສຍຊີວິດ 5 ຄົນ.

ແນວໃດກໍ່ຕາມ ເຊື້ອພະຍາດດັ່ງກ່າວ ຖືເປັນອີກ 1ພະຍາດທີ່ມີຄວາມອັນຕະລາຍຫຼາຍ ດັ່ງນັ້ນ ຮຽກຮ້ອງທຸກຄົນມີສະຕິລະວັງຕົວ ເລັ່ງທໍາລາຍຖິ້ມແຫຼ່ງເພາະພັນຂອງຍຸງ ພ້ອມປ້ອງກັນຕົນເອງດີ ໃຫ້ຫ່າງໄກຈາກພະຍາດດັ່ງກ່າວ.