ແພດໝໍສຸດດີໃຈ ປະຕິບັດໜ້າທີ່ຕໍ່ສູ້ໂຄວິດ 80ມື້ ໄດ້ຮັບຜົນສໍາເລັດ ສົ່ງຄົນເຈັບຜູ້ສຸດທ້າຍກັບຄືນສູ່ຄອບຄົວ

ແພດໝໍສຸດດີໃຈ ປະຕິບັດໜ້າທີ່ຕໍ່ສູ້ໂຄວິດ 80ມື້ ໄດ້ຮັບຜົນສໍາເລັດ ສົ່ງຄົນເຈັບຜູ້ສຸດທ້າຍກັບຄືນສູ່ຄອບຄົວ

9th June 2020 0 By Education

ເປັນເວລາເກືອບ 3ເດືອນທີ່ທຸກພາກສ່ວນເຮັດວຽກໜັກຕໍສູ້ກັບພະຍາດໂຄວິດ-19 ແຕ່ທີ່ໜັກໜ່ວງກວ່າທຸກຄົນແມ່ນບຸກຄະລາກອນທາງການແພດ ທີ່ຕ້ອງທຸ້ມເທ ພ້ອມເສຍສະລະທຸກຢ່າງເພື່ອເອົາຊະນະພະຍາດຮ້າຍນີ້ ແລະ ມາຮອດມື້ນີ້ 9 ມິຖຸນາ 2020 ລາວເຮົາເຮັດໄດ້ ປິ່ນປົວຫາຍດີພ້ອມສົ່ງຄົນເຈັບທັງ 19 ຄົນກັບບ້ານຄົບທຸກຄົນແລ້ວ.

ມື້ນີ້ເຮົາໄດ້ເຫັນພາບບັນຍາກາດການປະຕິບັດພາລະກິດອັນມີກຽດສະຫງ່າທີມງານແພດນັກຮົບປະຕິວັດເສື້ອຂາວ ສຳເລັດການປິ່ນປົວ ແລະ ສົ່ງຜູ້ປ່ວຍຕິດເຊື້ອໂຄວິດ-19 ຜູ້ສຸດທ້າຍກໍລະນີ (8) ແລະ ລວມເປັນທັງໝົດ 19 ກໍລະນີ ແລະ ເປັນເວລາທັງໝົດ 80 ວັນທີ່ປະຈຳການ.

ທີມແພດໝໍທີ່ທຳການປິ່ນປົວໃກ້ຊິດກັບຜູ້ປ່ວຍລະບຸເຖິງບັນຍາກາດ ມື້ທີ 80 ສົ່ງຄົນເຈັບຄົນສຸດທ້າຍກັບສູ່ຄອບຄົວ ຂໍໃຫ້ດູແລຮັກສາສຸຂະພາບ ຕິດຕາມຕົວເອງ ທັງຄົນເຈັບ ແລະ ທີມແພດເຮົາເດີ!!

.

ພ້ອມນີ້ກໍ່ຂໍສະແດງຄວາມຮູ້ບຸນຄຸນ ແລະຂອບໃຈນຳການນຳພັກ-ລັດ ການຈັດຕັ້ງໂຮງໝໍມິດຕະພາບທຸກພາກສ່ວນທີ່ຄອຍດູແລເອົາໃຈໃສ່ຕະຫຼອດມາ ທີມເຮົາຈະກຽມພ້ອມທຸກເວລາ

ທ້າຍນີ້ ຂໍຄວາມຮ່ວມມືນຳທຸກຄົນຂໍໃຫ້ປະຕິບັດຕາມຄຳແນະນຳ ແລະ ມາດຕະການການປ້ອງກັນໃຫ້ດີ ເພື່ອຢຸດເຊື້ອເພື່ອຊາດ 😷 ໃສ່ຜ້າອັດປາກ-ດັງ ແລະ ໝັ່ນລ້າງມືເລື້ອຍໆ!!!

ຂອບໃຈຮູບ: Phengphanh Bounphayong