10 ສັນຍານເຕືອນທີ່ບົ່ງບອກວ່າເຟສບຸກຂອງທ່ານກໍາລັງຖືກແຮັກ

10 ສັນຍານເຕືອນທີ່ບົ່ງບອກວ່າເຟສບຸກຂອງທ່ານກໍາລັງຖືກແຮັກ

6th January 2020 0 By Education

ໃນໂລກສັງຄົມອອນລາຍປັດຈຸບັນນີ້ ປະຕິເສດບໍ່ໄດ້ເລີຍວ່າ Facebook ມີອິດທິພົນຕໍການໃຊ້ຊີວິດປະຈໍາວັນຂອງຄົນເຮົາຫຼາຍ, ໂດຍບັນຊີຂອງເຮົານັ້ນໃຊ້ເປັນເຄື່ອງມືຕິດຕໍ່ສື່ສານ ຫຼື ປຽບທຽບເປັນຕົວຕົນຂອງເຮົາເອງທີ່ເຂົ້າໄປຢູ່ໃນໂລກອິນເຕີເນັດ. ດັ່ງນັ້ນ, ເຮົາຈຶ່ງມັກຈະໄດ້ຍິນຂ່າວເລື່ອງການແຮັກບັນຊີເຟສບຸກເພື່ອລັກລອບນໍາຂໍ້ມູນຂອງຜູ້ຫຼິ້ນໄປໃຊ້ໃນທາງທີ່ບໍ່ດີຢູ່ຕະຫຼອດເວລານັ້ນເອງ.


ເຊິ່ງມື້ນີ້ແອັດມິນໄດ້ຮຽບຮຽງເອົາ 10ສັນຍານເຕືອນທີ່ຈະເຮັດໃຫ້ຜູ້ຫຼິ້ນເຟສບຸກ ຫຼື ເຈົ້າຂອງບັນຊີຜູ້ໃຊ້ນັ້ນ ໄດ້ຮູ້ຕົວ ຫຼື ໄຫວຕົວທັນຫາກເກີດສິ່ງຜິດປົກກະຕິຕໍ່ບັນຊີເຟສບຸກຂອງຕົນເອງ ເພື່ອຮີບແກ້ໄຂ ແລະ ປ້ອງກັນບໍ່ໃຫ້ຖືກລັກຂໍ້ມູນສ່ວນຕົວອອກໄປນໍາໃຊ້ໃນທາງທີ່ບໍ່ດີ. ເຊິ່ງ 10ຂໍ້ທີ່ວ່ານັ້ນ ມີຄື:


1 ພົບໂພສແປກປະຫຼາດຂຶ້ນໃນບັນຊີຂອງເຮົາໂດຍທີ່ເຮົາບໍ່ໄດ້ໂພສສິ່ງນັ້ນ
2 ມີອີເມວແຈ້ງເຕືອນຈາກເຟສບຸກວ່າມີຄົນພະຍາຍາມຈະ log in ເຂົ້າສູ່ບັນຊີຂອງທ່ານ
3 ພົບບັນຊີທີ່ປອມເປັນຕົວຂອງທ່ານເອງ

ພາບປະກອບຂ່າວເທົ່ານັ້ນ
4 ບາງຢ່າງໃນເຟສບຸກທີ່ເຮົາຕັ້ງຄ່າເປັນສ່ວນຕົວ (private) ໄວ້ ແຕ່ກໍ່ມີຄົນອື່ນເຫັນ
5 ມີຂໍ້ຄວາມໃນຊ່ອງປະຫວັດແຊັດທີ່ເຮົາບໍ່ໄດ້ເປັນຄົນສົ່ງເອງ
6 ມີຂໍ້ຄວາມແຈ້ງເຕືອນຈາກເຟສບຸກຂໍ ຣີເຊັດລະຫັດຜ່ານ

ພາບປະກອບເທົ່ານັ້ນ
7 ໝູ່ຂອງທ່ານຖືກ unfriend ໄປຫຼາຍຄົນໂດຍທີ່ທ່ານບໍ່ໄດ້ເຮັດເອງ
8 ມີໝູ່ໃໝ່ເພີ່ມເຂົ້າມາຈໍານວນຫຼາຍໂດຍທີ່ເຮົາບໍ່ໄດ້ກົດຮັບ

ພາບປະກອບເທົ່ານັ້ນ
9 ມີເພຈແປກປະຫຼາດທີ່ເຮົາບໍ່ຮູ້ຈັກເດັ້ງຂຶ້ນມາໜ້າຟີສຈໍານວນຫຼາຍ ໂດຍທີ່ທ່ານບໍ່ເຄີນໄປກົດຖືກໃຈມາກ່ອນ
10 ລະຫັດຜ່ານຖືກປ່ຽນໂດຍທ່ານຈະບໍ່ສາມາດ Log in ເຂົ້າສູ່ບັນຊີຂອງທ່ານໄດ້ ເຊິ່ງກໍລະນີນີ້ຢືນຢັນໄດ້ 100% ວ່າຖືກແຮັກແລ້ວ

ຂໍ້ມູນຈາກ: ITNews