ເຜີຍ 3 ສູດເດັດ! ຂັດໝໍ້ຂາວວິ້ງ ຈະດໍາ ຫຼື ເກົ່າສໍ່າໃດກໍ່ຂັດໃຫ້ກັບມາຂາວໃໝ່ໄດ້ແບບສະບາຍ

ເຜີຍ 3 ສູດເດັດ! ຂັດໝໍ້ຂາວວິ້ງ ຈະດໍາ ຫຼື ເກົ່າສໍ່າໃດກໍ່ຂັດໃຫ້ກັບມາຂາວໃໝ່ໄດ້ແບບສະບາຍ

21st June 2020 0 By Education

ມື້ນີ້ ເຮົາຈະມາບອກເທັກນິກການລ້າງກົ້ນໝໍ້ທີ່ມີເຄືອບດໍາຕິດຢູ່ ລ້າງໃຫ້ສະອາດໝົດຄາບເປື້ອນ ເພາະແອັດເໍື່ອວ່າຫຼາຍຄົນຖອດໃຈກັບການລ້າງຄາບດັ່ງກ່າວ, ທັ້ງທີ່ຈິງແລ້ວມັນສາມາດລ້າງ ຫຼື ຂັດອອກໄດ້ແບບງ່າຍໆ ເຊິ່ງແອັດມິນນໍາມາຝາກໃນມື້ນີ້ມີ 3ວິທີນໍາກັນ.

1 ນໍ້າສັ້ມສາຍຊູ ແລະ ເບກກິ້ງໂຊດາ: ໃຊ້ເບກກິ່ງໂຊດາຈໍານວນ 1 ຖ້ວຍຕວງ ມາປະສົມກັບນໍ້າສົ້ມສາຍຊູ ຄົນໃຫ້ເປັນເນື້ອດຽວກັນ, ຫຼັງຈາກນັ້ນລ້າງຫຼືຂັດໝໍ້ຕາມປົກກະຕິກ່ອນ 1ຮອບ ແລ້ວກໍ່ນໍາເນື້ອຄີມທີ່ປະສົມໄວ້ທາທີ່ກົ້ນໝໍ້ຖິ້ມໄວ້ປະມານ 1ມື້ ຫຼັງຈາກນັ້ນກໍ່ນໍາມາຂັດທໍາຄວາມສະອາດ ໂດຍເທເບກກິ້ງໂຊດາລົງໃສ່ອີກ 3ບ່ວງແກງ ແລະ ນໍ້າສົ້ມສາຍຊູອີກ 2ບ່ວງແກງ ຖືເປັນອັນສໍາເລັດ.

2 ມັນຝຣັ່ງດິບ: ວິທີນີ້ເຮັດໄດ້ງ່າຍໆ ໂດຍທໍາອິດໃຫ້ໂຮຍເບກກິ້ງໂຊດາ ແລະ ເກືອລົງທີ່ກົ້ນໝໍ້ກ່ອນ ຫຼັງຈາກນັ້ນມັນຝຣັ່ງມາຜ່າແບ່ງເຄິ່ງນໍາມາຂັດໃຫ້ທົ່ວ ຖິ້ມໄວ້ໄລຍະໜຶ່ງແລ້ວລ້າງອອກ ຈະເຫັນວ່າໝໍ້ສະອາດງາມ ບໍ່ເຫຼືອຄາບດໍາຢູ່ເລີຍ.

3 ນໍ້າຮ້ອນ ແລະ ເບກກິ້ງໂຊດາ: ວິທີນີ້ກໍ່ເຮັດໄດ້ແບບງ່າຍໆເຊັ່ນກັນ ແນະນໍາວ່າໃຫ້ເທນໍຶາຮ້ອນປະສົມເບກກິ້ງໂຊດາລົງໃນອ່າງແລ້ວຄົນໃຫ້ເຂົ້າກັນ ແລ້ວນໍ້າໝໍ້ມາແຊ່ໄວ້ປະມານ 1 ຊົ່ວໂມງ ແລ້ວຈຶ່ງນໍາມາຂັດອອກ.

3 ວິທີນີ້ເປັນພຽງສ່ວໜໜຶ່ງໃນຫຼາຍໆວິທີ ທີ່ແອັດມິນຍົກຂຶ້ນມາ ແນວໃດກໍ່ຕາມ ຫາກໃຜໄດ້ລອງນໍາໄປໃຊ້ ໄດ້ຜົນແນວໃດຢ່າລືມນໍາມາແບ່ງປັນໃຫ້ແອັດມິນຮູ້ນໍາແນ່ເດີ້.