ຢ່າພາດເດັດຂາດ! ລົດຈັກມືສອງໂຄລາວລາຄາຖືກ ເປີດສາງຂາຍຕົວຈິງ 8ກໍລະກົດນີ້

ຢ່າພາດເດັດຂາດ! ລົດຈັກມືສອງໂຄລາວລາຄາຖືກ ເປີດສາງຂາຍຕົວຈິງ 8ກໍລະກົດນີ້

6th July 2020 0 By Education

ກ່ອນໜ້ານີ້ ຊ່ວງຕົ້ນເດືອນ ກໍລະກົດ 2020 ໄດ້ມີສື່ສັງຄົມອອນລາຍແຊກັນຕະພຶດຕະພືກ່ຽວກັບການປະກາດຂາຍລົດຈັກໂຄລາວອອກຈາກສາງຈໍານວນຫຼາຍ ໃນລາຄາບໍ່ເກີນ 2ລ້ານກີບ ຂະນະທີ່ຂ່າວດັ່ງກ່າວຖືກເຜີຍແຜ່ອອກໄປບໍ່ດົນກໍ່ມີຜູ້ຄົນຫຼັ່ງໄຫຼເຂົ້າໄປເບິ່ງສິນຄ້າຕົວຈິງ ແຕ່ໃນວັນທີ 2 ກໍລະກົດ ສາງດັ່ງກ່າວແຈ່້ງປິດກະທັນຫັນ ແລະ ເຮັດໃຫ້ສັງຄົມຕ່າງກໍ່ງຸນງົງຕໍ່ສິ່ງທີ່ເກີດຂຶ້ນ.

ແຕ່ຫຼ້າສຸດ ວັນທີ 6 ກໍລະກົດ 2020 ແຫຼງຂ່າວທີ່ເຊື່ອຖືໄດ້ ຂ່າວເສດຖະກິດການຄ້າ ໄດ້ອອກມາເຜີຍແຜ່ພາບລົດຈັກໂຄລາວຈໍານວນຫຼາຍເຊິ່ງແມ່ນພາບດຽວກັນກັບທີ່ສື່ອອນລາຍແຊອອກໄປຢ່າງຫຼວງຫຼາຍດັ່ງທີ່ແອັດກ່່າວມາຂ້າງເທິງ ພ້ອມລະບຸຂໍ້ຄວາມວ່າ ຂາຍລົດຈັກມືສອງຫຼາຍລຸ້ນ ລາຄາບໍ່ເກີນ(ສອງລ້ານກີບ)ທ່ານໃດສົນໃຈ ສາມາດເລືອກເອົາໄດ້ທີ່ສາງທົ່ງປົ່ງ ເປີດໃຫ້ເຂົ້າເບິ່ງລົດຕົວຈິງໃນວັນພຸດທີ 8 ກໍລະກົດ 2020 ນີ້ເລີ່ມແຕ່ເວລາ9:00ໂມງ, ສ່ວນສະຖານທີ່ເບິ່ງລົດແມ່ນ ສາງທົ່ງປົ່ງກົງກັນຂ້າມກັບໂຍທາ, ເມືອງສີໂຄດຕະບອງ ນະຄອນຫຼວງວຽງຈັນ.

ນັ້ນໝາຍຄວາມວ່າ ທຸກຄົນສາມາດໄປເລືອກຊື້ລົດຈັກໂຄລາວລາຄາຖືກໄດ້ອີກຄັ້ງ ຕາມສະຖານທີ່, ວັນ ແລະ ເວລາ ທີ່ແອັດກ່າວມາຂ້າງເທີງ ແຕ່ຕ້ອງຮີບຟ້າວ ເພາະມີຄົນຈໍານວນບໍ່ໜ້ອຍລໍຖ້າລົດລາຄານີ້ຢູ່, ສິ່ງສໍາຄັນໃຜໄປກ່ອນມີສິດເລືອກກ່ອນເດີ້.