“ຍາມ​ເຈັບ​ປ່ວຍ​ເຮົາ​ໄດ້​ແນ​ມ​ເຫັນ​ມິດ​ໄມ​ຕີ” ແອ​ນ້ອຍ ນິ​ພົນ ຂອບ​ໃຈ​ທຸ​ກ​ຄົນ​ທີ່​ຫ້​ກຳ​ລັງ​ໃຈ ຈະ​ຕໍ່​ສູ້​ກັບ​ພະ​ຍາດ​ຮ້າຍ​ສຸດ​ກຳ​ລັງ

“ຍາມ​ເຈັບ​ປ່ວຍ​ເຮົາ​ໄດ້​ແນ​ມ​ເຫັນ​ມິດ​ໄມ​ຕີ” ແອ​ນ້ອຍ ນິ​ພົນ ຂອບ​ໃຈ​ທຸ​ກ​ຄົນ​ທີ່​ຫ້​ກຳ​ລັງ​ໃຈ ຈະ​ຕໍ່​ສູ້​ກັບ​ພະ​ຍາດ​ຮ້າຍ​ສຸດ​ກຳ​ລັງ

24th July 2020 0 By Entertain

“ຍາມ​ເຮົາ​ຍັງ​ຫາຍ​ໃຈ ເຮົ​າ​ຍັງ​ເຫັນ​ໜ້າ ເຮົາ​ແນມ​ເຫັນ​ນ້ຳ​ໃຈ ຍາມ​ເຈັບ​ປ່ວຍ​ເຮົາ​ໄດ້​ແນ​ມ​ເຫັນ​ມິດ​ໄມ​ຕີ ຍາມ​ມີ​ກຳ​ລັງ​ວັງ​ຊາ​ເຮົາ​ກໍ​ໄດ້​ຮ້ອງ​ເພງ ຄັບ​ກ່ອມ​ພີ່​ນ້ອງ​ແຟນ​ເພງ ນີ້​ຄື​ຄວາມ​ສຸກ​ທີ່​ສຸດ​ໃນ​ຊີ​ວິດ​ນີ້”

ນີ້​ເປັນ​ຄຳ​ເວົ້າ​ຂອງ ນັກ​ຮ້ອງ​ລູກ​ທົ່ງ​ລາວ​ທີ່​ເປັນ​ລາ​ຊາ​ລູກ​ທົ່ງ​ມາ​ດົນ​ນານ​ແລ້ວ ຫຼາຍ​ຄົນ​ໂດຍ​ສະ​ເພາະ​ລຸ້ນ​ໃຫຍ່​ຮູ້​ຈັກ​ດີ ລວມ​ທັງ​ໄວ​ໜຸ່ມ ກໍ​ເຄີຍ​ໄດ້​ຍິນ​ເພງ ແລະ ຊ​ື່​ຂອງ​ເພິ່ນ​ມາ​ບໍ່​ນ້ອຍ​ເລີຍ ເພາະ​ຜົນ​ງານ​ຂອງ​ເພິ່ນ​ມີຫຼາກຫຼາຍ

ແລະ​ປັດ​ຈຸ​ບັນ ແອ​ນ້ອ​ຍ ນິ​ພົນ​ກໍ​ຕ້ອງ​ປະ​ເຊີນ​ກັບ​ພະ​ຍາດ​ຮ້າຍ​ ຄື​ເປັນ​ມະ​ເຮັ່ງ​ທໍ່​ສົ່ງ​ນ້ຳ​ບີ ແລະ ໄດ້​ປິ່ນ​ປົວ​ເຊິ່ງ​ກໍ​ໃຊ້​ກຳ​ລັງ​ຊັບຫຼາຍ​ພໍ​ສົມ​ຄວນ ບວກ​ກັບ​ການ​ເຈັບ​ປ່ວຍ​ນັ້ນ ອອກ​ງານ​ບໍ່​ໄດ້ ລາຍ​ໄດ້​ກໍ​ລຸດ​ລົງ ສະ​ນັ້ນ​ຄ່າ​ໃຊ້​ຈ່າຍ​ທີ່​ມີ​ປົວ​ກັນ​ມາ​ກໍຫຼຸດ​ນ້ອຍ​ຖອຍ​ລົງ ບັນ​ດາ​ໝູ່​ເພື່ອນ​ແຟນ​ເພງ​ເຫັນ​ແນວ​ນັ້ນ ກໍ​ໄດ້​ຈັດ​ການ​ລະ​ດົມ​ທຶນ​ຊ່ວຍ​ເຫຼືອ​ແອ​ນ້ອຍ​ນິ​ພົນ ໂດຍ​ການ​ຈັດ​ຄອນ​ເສີດ​ການ​ກຸ​ສົນ​ຂຶ້ນ

ເຊິ່ງ​ເຈົ້າ​ໂຕ​ກໍ​ໄດ້​ອອກ​ມາ​ອັດ​ຄ​ຣິບ​ຂອບ​ໃຈ​ທຸກ​ຄົນ​ຕາມ​ນີ້

​ຄອນ​ເສີດ​ການ​ກຸ​ສົນ​ຈັດຂຶ້ນ​ມື້​ນີ້​ທີ່ ສະ​ຕູ​ບໍ​ລິ​ສັດ ລາວ​ຈະ​ເລີນ​ສິນ ເລີ່ມ​ເວ​ລາ 19:00 ເປັນ​ຕົ້ນ​ໄປ

ສຳ​ລັບ​ໃຜ​ທີ່​ຢາກ​ຮ່ວມ​ສົມ​ທົບ​ທຶນ​ເປັນ​ກຳ​ລັງ​ໃຈ​ໃຫ້​ແອ​ນ້ອຍ​ນິ​ພົນ ກໍ​ສາ​ມາດ​ໄປ​ຮ່ວມຫຼື ຊົມ​ການ​ໄລ​ສົດ ຫຼື ບໍ​ລິ​ຈາກ​ຕາມ​ບັນ​ຊີ​ສ່ວນ​ໂຕ​ຂອງ ແອ​ນ້ອຍ ນິ​ພົນ​ໄດ້