ໃບໜ້າອັນໃໝ່ຂອງນະຄອນຫຼວງ ກຽມທົດລອງຝັງສາຍໄຟຟ້າລົງດິນ ໄວໆນີ້

ໃບໜ້າອັນໃໝ່ຂອງນະຄອນຫຼວງ ກຽມທົດລອງຝັງສາຍໄຟຟ້າລົງດິນ ໄວໆນີ້

25th July 2020 0 By Education

ຄວາມຈີງໂຄງການນີ້ໄດ້ມີແຜນລິເລີ່ມມາແຕ່ປະມານ 10 ກວ່າປີຜ່ານມາ ແຕ່ດ້ວຍງົບປະມານທີ່ຈຳກັດຂອງລັດຖະບານ ຈິ່ງເຮັດໃຫ້ແກ່ຍາວມາຮອດມື້ນີ້ ແຕ່ກໍ່ມີຫຼາຍເຂດສ້າງໃໝ່ເລືອກວິທີເອົາສາຍໄຟລົງດິນເຫັນວ່າສະອາດສະອ້ານສວຍງາມ ກໍ່ຫວັງວ່າໂຄງການເອົາສາຍໄຟໃນຕົວເມືອງລົງດິນຈະເກີດໃນໄວໆນີ້ ເພື່ອເສີມສ້າງ ສ ສະອາດ ແລະ ສ ຫວ່າງສະໄຫວໃຫ້ເປັນຈີງ.

ແນວໃດກໍ່ຕາມ ອີກບໍ່ດົນຈາກນີ້ ນະຄອນຫຼວງວຽງຈັນ ຈະມີໃບໜ້າໃບຕາ ແລະ ຄວາມເປັນລະບຽບຮຽບຮ້ອຍ ຫຼາຍຂຶ້ນ ພາຍຫລັງ ອຳນາດການປົກຄອງ ນະຄອນຫຼວງວຽງຈັນ ໄດ້ໃຫ້ໄຟຂຽວແກ່ 3 ບໍລິສັດ ເພື່ອດໍາເນີນ ໂຄງການທົດລອງ ການຝັງສາຍໄຟຟ້າລົງໃຕ້ດິນ ເພື່ອປັບຄວາມສວຍງາມ ທິວທັດຂອງນະຄອນຫຼວງວຽງຈັນ ໃຫ້ສົມເປັນນະຄອນຫຼວງຂອງປະເທດ.

ໃນເບື້ອງຕົ້ນ ຈະມີການນໍາສາຍໄຟຟ້າ ລົງໃຕ້ດິນ ຢູ່ 3 ເສຫ້ນທາງ ປະກອບມີ: ຖະໜົນ 23ສິງຫາ ຈາກອະນຸສາວະລີ ໄປຫາກະຊວງການເງິນ, ຖະໜົນ ໄກສອນພົມວິຫານ ຈາກ ປະຕູໄຊ ເຖິງ ໂພນສະອາດ ແລະ ຈາກ ຫ້ອງການສຳນັກງານປະທານປະເທດ ໄປຫາໂຮງ ໝໍ ມະໂຫສົດ.

ໃນເບື້ອງຕົ້ນ ຈະແມ່ນບັນດາບໍລິສັດ ຈາກ ສປ ຈີນ ໃຫ້ການໃຫ້ການຊ່ວຍເຫຼືອ ໃນການສະໜອງທຶນ ໃຫ້ແກ່ໂຄງການທົດລອງດັ່ງກ່າວ. ຈາກນັ້ນ ເຈົ້າໜ້າທີ່ກ່ຽວຂ້ອງ ຂອງ ສປປ ລາວ ຈຶ່ງຈະເຮັດການປະເມີນ ເພື່ອກຳນົດວ່າຈະສືບຕໍ່ປັບປຸງລະບົບສາຍໄຟຟ້າຄືນໃໝ່ ຕາມເສັ້ນທາງອື່ນໆ ໃນນະຄອນຫຼວງວຽງຈັນຕື່ມ.

ສັງລວມຈາກ Vientianetimes