ເກັ່ງເກີນ! ມິດສາຊີບຍຸກ 4.0 ຕວົະວ່າເປັນລູກຄ້າ ເຮັດສະລິບໂອນເງິນປອມ ແລກຊື້ໂທລະສັບ

ເກັ່ງເກີນ! ມິດສາຊີບຍຸກ 4.0 ຕວົະວ່າເປັນລູກຄ້າ ເຮັດສະລິບໂອນເງິນປອມ ແລກຊື້ໂທລະສັບ

18th August 2020 0 By Education

ສະບາຍດີແຟນເພຈທີ່ຮັກແພງ ມື້ນີ້ແອັດມິນມີເລື່ອງລາວມາເຕືອນສະຕິໃຫ້ກັບທຸກຄົນ ໂດຍສະເພາະແມ່ນພໍ່ຄ້າແມ່ຄ້າທີ່ມັກຂາຍເຄື່ອງຜ່ານໂອນລາຍ ໄວ້ໃຈໃຫ້ລູກຄ້າໂອນເງິນໃຫ້ ລະວັງຖືກຕວະຄືກັບກໍລະນີນີ້, ຖືກລູກຄ້າຕວະສົ່ງສະລິບໂອນເງິນປອມມາໃຫ້ ອ້າງວ່າໂອນແລ້ວ ຈຶ່ງປ່ອຍໂທລະສັບໃຫ້ ແຕ່ມາກວດບັນຊີບໍ່ເຫັນເງິນພໍກີບ ສຸດທ້າຍຖິ້ມໂທລະສັບລ້າ.

ໂດຍຜູ້ໃຊ້ເຟສບຸກຊື່ Xai Saengchoi ໄດ້ໂພສຂໍ້ຄວາມເຕືອນໄພໄວ້ວ່າ:  ເຕືອນໄພ ການປອມແປງສະລີບການໂອນເງິນໂຄດນຽນ ມິດສາຊີບລະດັບປະເທດ, ເລື່ອງມີຢູ່ວ່າ ໃນວັນທີ່ 16 ສິງຫາ 2020 ໝູ່ຂ້ອຍໄດ້ປະກາດຂາຍໂທລະສັບ ແລະ ມີຄົນຕິດຕໍ່ມາຊື້(ມິດສາຊີບ) ຫຼັງຈາກໄດ້ຕົກລົງລາຄາກັນແລ້ວ ຜູ້ຊື້(ມິດສາຊີບ)ເລີຍເວົ້າວ່າ ຂ້ອຍຢູ່ຕ່າງແຂວງໄປສົ່ງໃຫ້ໝູ່ຂ້ອຍໄດ້ບໍ ໄປຮອດແລ້ວຈຶ່ງໂອນເງິນໃຫ້ ໝູ່ຂ້ອຍຕອບຕົກລົງ.

ຫຼັງຈາກໝູ່ຂ້ອຍໄປຮອດຈຸດນັດໝາຍເລີຍໂທບອກວ່າ ຂ້ອຍມາຮອດລະເດີ ຜູ້ຊື້(ມິດສາຊີບ)ເລີຍວ່າໂອເຄດ່ຽວຂ້ອຍຈະໂອນເງິນໃຫ້ ແລະ ເຫັນຄົນໜຶ່ງມາຮັບເຄື່ອງໂດຍແມ່ນມິດສາຊີບຄົນໆດຽວກັນທີ່ແຊັດຢູ່ ຫຼັງຈາຜູ້ຊື້(ມິດສາຊີບ) ສົ່ງສະລີບການໂອນມາຄິດວ່າເປັນຂອງແທ້ໂດຍບໍ່ໄດ້ເຊັກໃນແອັບ ໝູ່ຂ້ອຍເລີຍສົ່ງໂທລະສັບໃຫ້ ແລະ ມັນກໍຂີ່ລົດໄປ.

ຫຼັງຈາກໝູ່ຂ້ອຍກັບຮອດເຮືອນ ເລີຍແປກໃຈວ່າຫຼາຍຊົ່ວໂມງແລ້ວຄືບໍ່ເຫັນມີການແຈ້ງເຕືອນໃນ ແອັບ ແລະ ເຂົ້າໄປເຊັກກະບໍ່ເຫັນເງິນຈັກກີບພໍຄິດໄດ້ແຊັດໄປຫາຜູ້ຊື້(ມິດສາຊີບ)ກໍປິດເຟສ ປິດວັອດແອັບໜີໄປແລ້ວ ເລີຍໄປຫາທະນາຄານວ່າບັນຊີນີ້ແມ່ນຂອງໃຜ ທາງທະນາຄານກໍບໍ່ຮ່ວມມືນຳເພາະວ່າບັນຊີນັ້ນຈັກມັນເອົາຂອງໃຜມາຕັດຕໍ່ໃສ່.

ສະນັ້ນ ຈຶ່ງຢາກມາເຕືອນພໍ່ແມ່ພີ່ນ້ອງ ອ້າຍເອື້ອຍນ້ອງ ໝູ່ເພື່ອນມິດສະຫາຍໃຫ້ລະວັງຕົວກັບກົນເລ່ຫຼ່ຽມຂອງມິດສາຊີບຍຸກ4.0 ເວລາຈະຂາຍຂອງໃນອອນລາຍຖ້າໃນໂປຟາຍຮູບບໍ່ໃສ່ຮູບຄົນ ຫຼື ບໍ່ໃສ່ຮູບ ຢ່າໄປຫຼົງເຊື່ອເດັດຂາດ ແຊຣ໌ຕໍ່ໆໄປເພື່ອເປັນອຸດທາຫອນໃຫ້ແກ່ຄົນທີ່ທ່ານຮັກ. ດັ່ງນັ້ນ, ໃຜທີ່ເຄີຍເຈີຮູບການລວງແບບນີ້ຄອມເມັ້ນໃຕ້ໂພດນີ້ເພື່ອແຊຣ໌ປະສົບການໃຫ້ທຸກຄົນຮູ້ແດ່ເດີ.

ແນວໃດກໍ່ຕາມ ຈາກທີ່ແອັດມິນໄປສ່ອງມາ ຫຼັງຈາກໜຸ່ມຄົນນີ້ໂພສເຕືອນໄພລົງໄປ ກໍ່ມີຄອມເມັ້ນເຂົ້າມາຢ່າງຫຼວງຫຼາຍ ວ່າເຄີຍພົບກັບເຫດການທີ່ຖືກມິດສາຊີບຕວະແບບນີ້ ດັ່ງນັ້ນ ຫາກໃຜບໍ່ຢາກຕົກເປັນຜູ້ໂຊກຮ້າຍລາຍຕໍ່ໄປຢ່າລືມກວດເຊັກການໂອນເງິນເຂົ້າແຕ່ລະຄັ້ງໃຫ້ດີໆ ຢ່າເຊື່ອພຽງສະລິບໂອນເງິນເດັດຂາດ.