ຄືເຮັດແນວນີ້ນໍ້? ລູກຄ້າອົດສາໄປອຸດໜູນສຸດທ້າຍເຕີມນໍ້າມັນປົນນໍ້າໃຫ້

ຄືເຮັດແນວນີ້ນໍ້? ລູກຄ້າອົດສາໄປອຸດໜູນສຸດທ້າຍເຕີມນໍ້າມັນປົນນໍ້າໃຫ້

21st August 2020 0 By Education

ເອົາແຕ່ຊິເປັນໄປເນາະສັງຄົມນີ້, ຈັນຍາບັນຂອງຜູ້ຂາຍ, ຈັນຍາບັນຂອງແມ່ຄ້າຊາວຂາຍຢູ່ໃສ ຄືມາເຮັດໃສ່ໃຈລູກຄ້າແທ້, ຫວັງເອົາກໍາໄລຈົນບໍ່ຄິດເຫັນຄົນອື່ນເລີຍບໍ ເຮັດໄດ້ແນວໃດ ຂາຍນໍ້າມັນປົນນໍ້າລ້າ, ລູກຄ້າໃສ່ໄປແລ້ວຈັກຄັນ, ເຮັດແບບນີ້ຕໍ່ໄປ ອີກບໍ່ດົນເຈົ້າເຈັ້ງແນ່ນອນ.

ເລື່ອງລາວທີ່ແອັດເກິ່ນມາຂ້າງເທິງແມ່ນເກີດຂຶ້ນກັບໜຸ່ມຄົນໜຶ່ງຜູ້ໃຊ້ເຟສບຸກຊື່ ເລັ່ງ ຟອງປະດິດ ທີ່ອອກມາໂພສລະບາຍສຸດເຈັບໃຈຈາກເຫດການທີ່ພົບພໍ້ ໂດຍຜູ້ກ່ຽວເຜີຍພາບ, ຄລິບ ພ້ອມຂໍ້ຄວາມວ່າ: ຊ່ວງນີ້ນ້ຳມັນແພງ ແລະ ຝົນຕົກແດ່ ເຈົ້າຂອງປ້ຳນ້ຳມັນກໍ່ເລີຍຈັດໂປຣພິເສດຊື້ນ້ຳມັນແຖມນ້ຳຝົນ, ເຈັບເສັ້ນເດ.

ຫຼັງຈາກທີ່ໜຸ່ມຄົນນີ້ໂພສໄປບໍ່ດົນກໍ່ມີຊາວເນັດເຂົ້າມາສະແດງຄວາມເຫັນຕໍ່ເລື່ອງລາວດັ່ງກ່າວໄປຕ່າງໆນາໆ ເຊິ່ງຈາກທີ່ແອັດໄປສ່ອງມາ ປໍ້າທີ່ເຮັດການກະທໍາແບບນີ້ແມ່ນຢູ່ແຂວງໄຊຍະບູລີ ແຕ່ແອັດກໍ່ບໍ່ຮູ້ລາຍລະອຍດ ຫຼື ຊື່ປໍ້າດັ່ງກ່າວ.

ແນວໃດກໍ່ຕາມ ຫາກເຈົ້າຂອງປໍ້າທີ່ມີການກະທໍາເອົາປຽບລູກຄ້າແບບນີ້ ຫາກໄດ້ເຫັນຂ່າວນີ້ ຮຽກຮ້ອງໃຫ້ທ່ານປ່ຍນແປງພຶດຕິກໍາຕົນເອງດ່ວນ ເພາະຫາກຍັງບໍ່ເຊົາມື້ໜຶ່ງທ່ານອາດຖືກປະຈານ ຊື່ສຽງຮຽງນາມ ທຸກລະກິດຂອງທ່ານອາດບໍ່ຍືນຍົງໄດ້ອີກ ຝາກໄວເໃຫ້ຄິດ.