ຝົນ​ຍັງ​ຈະ​ສືບ​ຕໍ່​ຕົກ ຂໍ​ໃຫ້​ທຸກ​ຄົນ​ມີ​ສະ​ຕິ​ລະ​ວັງ ແລະ ກຽມ​ພ້ອມ​ສະ​ເໝີ ໂດຍ​ສະ​ເພາະ​ເຂດ​ພາກ​ກາງ

ຝົນ​ຍັງ​ຈະ​ສືບ​ຕໍ່​ຕົກ ຂໍ​ໃຫ້​ທຸກ​ຄົນ​ມີ​ສະ​ຕິ​ລະ​ວັງ ແລະ ກຽມ​ພ້ອມ​ສະ​ເໝີ ໂດຍ​ສະ​ເພາະ​ເຂດ​ພາກ​ກາງ

24th August 2020 0 By Entertain

​ອຸຕຸຄາດອາທິດນີ້ ຍັງມີຝົນຕົກເປັນບໍລິເວນກວ້າງໃນແຕ່ລະພາກ ແລະ ຕົກໜັກຢູ່ບາງທ້ອງຖິ່ນແຂວງພາກກາງ‼️

ກົມອຸຕຸນິຍົມ ແລະ ອຸທົກກະສາດ ຄາດຄະເນສະພາບອາກາດ ໃນໄລຍະວັນທີ 24 ຫາ 30 ສິງຫາ 2020:
ໃນໄລຍະວັນທີ 24 ຫາ 26 ສິງຫາ 2020 ຮ່ອງຄວາມກົດດັນອາກາດຕໍ່າຈະປົກຄຸມຢູ່ແຂວງພາກເໜືອ ແລະ
ພາກກາງ ພ້ອມດຽວກັນລົມມໍລະສຸມຕາເວັນຕົກສ່ຽງໃຕ້ພັດປົກຄຸມເປັນສ່ວນໃຫຍ່, ຊຶ່ງຈະເຮັດໃຫ້ມີຝົນຕົກໃນ
ລະດັບຄ່ອຍເປັນບໍລິເວນກວ້າງ ແລະ ຕົກປານກາງໃນແຕ່ລະພາກ ແລະ ຕົກໜັກຢູ່ບາງທ້ອງຖິ່ນແຂວງພາກກາງ.

ຈາກນັ້ນວັນທີ 27 ຫາ 30 ສິງຫາ 2020 ລົມມໍລະສຸມຕາເວັນຕົກສ່ຽງໃຕ້ຈະເພີ່ມກຳລັງແຮງຂື້ນ ພັດປົກຄຸມເປັນສ່ວນໃຫຍ່, ຊຶ່ງຈະເຮັດໃຫ້ມີຝົນຕົກຟ້າຮ້ອງຟ້າເຫຼື້ອມໃນລະດັບຄ່ອຍເປັນບໍລິເວນກວ້າງ ໃນແຕ່ລະພາກ ແລະ ຕົກປານກາງ ຢູ່ບາງທ້ອງຖິ່ນໃນແຕ່ລະພາກຕື່ມອີກ ພ້ອມຈະມີລົມພັດແຮງເປັນບາງໂອກາດ.