ສັງຄົມເປີດກວ້າງ! ຊາວຈີນໃຫ້ໂອກາດຄົນພິການ ເປີດໃຈຮັບຂົນສົ່ງໄຮ້ສຽງ

ສັງຄົມເປີດກວ້າງ! ຊາວຈີນໃຫ້ໂອກາດຄົນພິການ ເປີດໃຈຮັບຂົນສົ່ງໄຮ້ສຽງ

27th August 2020 0 By Education

ເມື່ອບໍ່ດົນມານີ້ ຕາມເສັ້ນທາງຂອງນະຄອນຊຽງໄຮ້ ປະເທດຈີນ ມີພະນັກງານໄຮ້ສຽງ ກຸ່ມໜຶ່ງກະຈາຍເຮັດວຽກຢູ່ ເຂົາເຈົ້າຈະເລາະລັດເຂົ້າຕາມຊອກຊອຍ ຮ່ອມຕ່າງໆທຸກມື້ ໃຫ້ບໍລິການສົ່ງພັດສະດຸ ຈາກການສື່ສານກັນຢ່າງຍາດລໍາບາກໃນຊ່ວງເລີ່ມຕົ້ນ ໄປສູ່ຄວາມສາມາດໃນການສົ່ງພັດສະດຸໄດ້ຮອດມື້ລະ 200ອັນ ຈົນໄດ້ຮັບການຍອມຮັບຈາກຜູ້ຄົນ.

ນັບຕັ້ງແຕ່ເຊົ້າປະມານ 6:30 ໂມງ ພັດສະດຸຊຸດທໍາອິດ ເດີນທາງຮອດສະຖານີຮັບສົ່ງພັດສະດຸ ຖະໜົນຫຼຽງເສິງ ເຂດຫົງໂຂ່ ຂອງນະຄອນຊຽງໄຮ້ໃນບັນດາແນວໜ້າຂອງສາຍຄັດແຍກມີພະນັກງານ 5ຄົນ ຮັບຜິດຊອບການຂົນສົ່ງສິນຄ້າ ແລະ ສະແກນບາໂຄ໊ດ ເໍິ່ງເຂົາເຈົ້າລ້ວນເປັນຄົນປາກກືກ. ເມື່ອພັດສະດຸເດີນທາງມາຮອດອາຄານທີ່ພັກອາໃສ ເຂົາເຈົ້າຈະໂທຫາຜູ້ຮັບພ້ອມເປີດສຽງທີ່ບັນທຶກໄວ້ບອກວ່າ: ຂ້ອຍເປັນພະນັກງານຂົນສົ່ງພັດສະດຸຄົນປາກກືກ ພັດສະດຸດ່ວນຂອງທ່ານມາຮອດແລ້ວ ເມື່ອຜູ້ຮັບເປີດປະຕູທາງເຂົ້າອາຄານ ເຂົາເຈົ້າກໍ່ຈະຮີບແລ່ນຂຶ້ນໄປຍັງຊັ້ນທີ່ຕ້ອງການ.

ໃນໄລຍະເວລາເຄິ່ງປີມານີ້ ປະຊາຊົນສ່ວນໃຫຍ່ໃນຊຸມຊົນຮູ້ຈັກພະນັກງານຂົນສົ່ງພັດສະດຸດ່ວນຄົນປາກກືກກຸ່ມນີ້ ແລະ ຊື່ນຊົມການໃຫ້ບໍລິການຂອງເຂົາເຈົ້າ ພ້ອມທັງຍັງເປັນຫ່ວງວ່າ ຊ່ວງໜ້າຮ້ອນເຂົາເຈົ້າມີເຫື່ອອອກຫຼາຍອາດເຮັດວຽກອິດເມື່ອຍແທ້ໆ.

ການມີໂອກາດເຮັດວຽກໄດ້ຄືກັບຄົນທໍາມະດາ ແລະ ມີລາຍໄດ້ເທົ່າທຽມກັນ ຖືເປັນຄວາມສະເໝີພາບໃນສັງຄົມ ຕະຫຼອດຈົນຍັງມີຄວາມໝາຍພິເສດຕໍ່ເຂົາເຈົ້າອີກດ້ວຍ.