ສາວນ້ອຍນັກສູ້! ພໍ່ແມ່ຖິ້ມໄວ້ກັບປູ່ຍ່າ ສຸດລໍາບາກດິ້ນຮົນຊ່ວຍເພິ່ນພ້ອມລ້ຽງນ້ອງອີກ 5ຄົນ

ສາວນ້ອຍນັກສູ້! ພໍ່ແມ່ຖິ້ມໄວ້ກັບປູ່ຍ່າ ສຸດລໍາບາກດິ້ນຮົນຊ່ວຍເພິ່ນພ້ອມລ້ຽງນ້ອງອີກ 5ຄົນ

28th August 2020 0 By Education

ສະບາຍດີ ມື້ນີ້ແອັດມິນມີເລື່ອງລາວດີໆມາເລົ່າໃຫ້ແຟນເພຈໄດ້ຮູ້ນໍາກັນ ກ່ຽວກັບເດັກນ້ອຍຄົນໜຶ້ງທີ່ອາໄສຢູ່ກັບປູ່ຍ່າມາແຕ່ນ້ອຍ ເພາະພໍ່ແມ່ໄປເຮັດວຽກຢູ່ຕ່າງແຂວງ ແລ້ວທັງສອງກໍ່ແຍກຍ້າຍໄປມີຄອບຄົວໃໝ່ ປູ່ກັບຍ່າຈຶ່ງຕ້ອງຮັບພາລະລ້ຽງດູເດັກນ້ອຍທັງ 5ຄົນ ຈຶ່ງຕ້ອງດີ້ນຮົນເພື່ອຄວາມຢູ່ລອດຂອງບັນດາຫຼານ ເຊິ່ງການເຮັດໜ້າທີ່ລ້ຽງດູຄອບຄົວນັ້ນ ບຸ໋ມ ສາວນ້ອຍສຸດແກ່ງ ໄດ້ເຮັດໜ້າທີ່ຊ່ວຍປູ່ກັບຍ່າເພື່ອເບິ່ງແຍງນ້ອງໆ ຕັ້ງແຕ່ຮຽນຢູ່ຊັ້ນປະຖົມສຶກສາປີທີ 2.

ພ້ອມນີ້ຍັງເຄີຍຄິດເສຍສະລະອອກຈາກໂຮງຮຽນ ເພື່ອມາເຮັດວຽກ ແລະ ສົ່ງເສຍນ້ອງໃຫ້ໄດ້ຮຽນໜັງສື, ໃນທຸກເຊົ້າກ່ອນໄປໂຮງຮຽນ ຕ້ອງໄປຮັບຈ້າງເດັດກະຈຽບ(ສົ້ມພໍດີ) ໂດຍຈະມີນ້ອງສາວ ແລະ ຍ່າໄປຊ່ວຍອີກແຮງ ຈຶ່ງຈະໄດ້ໄປໂຮງຮຽນ ແລະ ຍ່າກໍ່ໄປຮັບຈ້າງຕໍ່ ສ່ວນປູ່ຕ້ອງດູແລທວດຢູ່ບ້ານຢູ່ເຮືອນ.

ການໃຊ້ຊິວິດຢູ່ກັບປູ່ ແລະ ຍ່ານັ້ນ ຍ່າຈະຜໍ່າສອນສອນຕະຫຼອດ ປູ່ກັບຍ່າ ຄືກໍາລັງໃຈ ແລະ ຢາກເຮັດໃຫ້ປູ່ກັບຍ່າ ແລະ ນ້ອງໄດ້ສະບາຍ ເຖິງແມ່ນວ່າຈະທຸກຍາກຂາດເຂີນ ແຕ່ຍ້ອນໄດ້ກໍາລັງໃຈຈາກປູ່ ແລະ ຍ່າ ແລະ ມີຄູຫຼາຍທ່ານ ທີ່ຊ່ວຍກັນປະຄອງບຸ໊ມຈຶ່ງເຫັນຫົນທາງສູ້ຕໍ່ເພື່ອອະນາຄົດທີ່ດີກວ່າ.

ເວລາທີ່ເຫຼືອບຸ໊ມຈະຮັບຈ້າງເຮັດວຽກທຸກຢ່າງຈາກຄູອາຈານຢູ່ໂຮງຮຽນ ເປັນທຶນເສີມນໍາ ໂດຍຈະເກັບທຶນແບ່ງໄວ້ໃຊ້ໃນຍາມທີ່ປູ່ກັບຍ່າຂາດແຄນ ລາວ ແລະ ນ້ອງໆຈະໄດ້ມີທຶນໄປໂຮງຮຽນ.

ແນວໃດກໍ່ຕາມ ກ່ອນທີ່ບຸ໊ມຈະລຸກຂຶ້ນສູ້ ບຸ໊ມກໍ່ຮູ້ສຶກທໍ້ ບາງເທື່ອບໍ່ມີຫຍັງກິນໄປໂຮງຮຽນ ບາງເທື່ອຢາກລາອອກຈາກໂຮງຮຽນໄປຫາວຽກເຮັດແບບຈິງຈັງ ເພື່ອແບ່ງເບົາປູ່ກັບຍ່າ ແຕ່ທັງສອງທ່ານຂໍໄວ້ຫຼາຍເທື່ອ ຄູອາຈານຢູ່ໂຮງຮຽນກໍ່ຈະຊ່ວຍເຫຼືອ ໂດຍການຈ້າງປອກສາຍໄຟໃນຊ່ວງວັນເສົາ-ອາທິດ.

ນອກຈາກນີ້ ບຸ໋ມຍັງເປັນເດັກນ້ອຍທີ່ໜ້າຮັກ, ດຸໝັ່ນ, ໜັກເອົາເບົາສູ້ ຄູອາຈານມັກຍ້ອງວ່າລາວເຮັດວຽກດີ ແລະ ຮູ້ຈັກປະຢັດ ເພາະສາວນ້ອຍຄົນນີ້ ຫ່ວງ ແລະ ຄິດຮອດຄົນໃນຄອບຄົວຫຼາຍ.