ສຸດທີ່ສົງສານ! ພໍ່ຖືກໄຟຊັອດເຮັດວຽກໜັກບໍ່ໄດ້ ແຕ່ສູ້ຕາຍບໍ່ຍອມຖອຍເພື່ອລູກສາວໂຕນ້ອຍ

ສຸດທີ່ສົງສານ! ພໍ່ຖືກໄຟຊັອດເຮັດວຽກໜັກບໍ່ໄດ້ ແຕ່ສູ້ຕາຍບໍ່ຍອມຖອຍເພື່ອລູກສາວໂຕນ້ອຍ

30th August 2020 0 By Education

ທຸກຄົນເກີດມາມີຕົ້ນທຶນຊີວິດທີ່ແຕກຕ່າງກັນ ບາງຄົນມີພື້ນຖານຊີວິດທີ່ດີເຫຼືອເກີນ ເກີດມາບໍ່ຈໍຕ້ອງເຮົດຫຍັງກໍ່ມີຢູ່ມີກິນ ແຕ່ກັບບາງຄົນທຸກຍາກຂາດເຂີນ ແມ້ກະທັ້ງເຂົ້າຊິກິນເຮືອນຊິຢູ່ກໍ່ບໍ່ມີ ແຕ່ທັງນີ້ທັງນັ້ນ ກໍ່ຕ້ອງດີ້ນຮົນເອົາຕົວລອດຫາລ້ຽງຕົນເອງ ແລະ ຄອບຄົວ ດັ່ງຄອບຄົວນີ້ທີ່ມີກັນຢູ່ພຽງ 2 ຄົນພໍ່ລູກ ສູ້ຊີວິດຫາເກັບຂີ້ເຫຍື້ອຂາຍ ແຕ່ລະມື້ລູກສາວໂຕນ້ອຍຕ້ອງນັ່ງຢູ່ຫຼັງເສົາລີ້ແດດເພື່ອລໍຖ້າພໍ່ກັບມາຈາກເກັບຂີ້ເດຫຍື້ອ.

ເລື່ອງລາວທີ່ແອັດກ່າວມາຂ້າງເທິງແມ່ນເກີດຂຶ້ນຢູ່ປະເທດໄທ ໂດຍມີຜູ້ໃຊ້ເຟສບຸກຊື່ Amnaj Laongbua ໄດ້ໂພສບອກຕໍ່ເລື່ອງລາວຂອງ 2 ພໍ່ລູກ ທີ່ພໍ່ເກັບຂີ້ເຫຍື້ອ ແລະ ຂອງເກົ່າຂາຍ ຍູ້ລົດຄັນເກົ່າໆທີ່ມີລູກສາວໂຕນ້ອຍນັ່ງຢູ່ ເປັນພາບທີ່ຜູ້ພົບເຫັນຈົນລື້ງເຄີຍຕາ ແຕ່ກໍ່ຍັງອົດສົງສານບໍ່ໄດ້ ຄອຍໃຫ້ຄວາມຊ່ວຍເຫຼືອຢູ່ເປັນໄລຍະ ແຕ່ກໍ່ຍັງບໍ່ພຽງພໍ.

ໂດຍຜູ້ໃຊ້ເຟສບຸກຊື່ Amnaj Laongbua ຍັງບອກເລົ່າອີກວ່າ ນ້ອງໜ້າສົງສານຫຼາຍ ພໍ່ເກັບຂີ້ເຫຍື້ອ ເຄື່ອງເກົ່າຂາຍ ພໍ່ນ້ອງຖືກໄຟຊັອດຕົກມາຈາກທີ່ສູງ ເຮັດວຽກໜັກບໍ່ໄຫວ ເລີຍອາໄສຍູ້ລົດເຂັນເກັບເຄື່ອງເກົ່າ ແລະ ຂີ້ເຫຍື້ອຂາຍ ໂດຍ 2ພໍ່ລູກຈະພາກັນອອກມາເກັບຂີ້ເຫຍື້ອທຸກມໍື້ ໂດຍທີ່ລູກສາວໂຕນ້ອຍຈະໄປນັ່ງລີ້ແດດຢູ່ຫຼັງເສົາຂົວແຫ່ງໜຶ່ງເພື່ອລໍຖ້າພໍ່ທີ່ອອກໄປເລາະເກັບຂີ້ເຫຍື້ອກັບມາຫາ. ແນວໃດກໍ່ຕາມ 2ພໍ່ລູກນີ້ຈະເຮັດແບບນີ້ທຸກມື້ ເຊິ່ງຫຼັງຈາກເກັບຂີ້ເຫຍື້ອ ແລະ ເຄື່ອງເກົ່າແລ້ວ ຕົກແລງມາກໍ່ຈະກັບເຮືອນເຊົ່າທີ່ຢູ່ຂ້າງວັດແຫ່ງໜຶ່ງ.

ແນວໃດກໍ່ຕາມ ເລື່ອງລາວດັ່ງກ່າວນີ້ ເຫດຜັນທີ່ແອັດນໍາມາແບ່ງປັນໃຫ້ທຸກທ່ານໄດ້ຮູ້ນໍາກັນນັ້ນ ກໍ່ເພື່ອຢາກໃຫ້ເລື່ອງນີ້ເປັນກໍາລັງໃຈໃຫ້ກັບຄົນສູ້ຊີວິດ ບໍ່ມີໃຜທີ່ເກີດມາມີພຽບພ້ອມໝົດທຸກຢ່າງ ແຕ່ເຖິງຈະມີ ທຸກຄົນກໍ່ຕ້ອງໄດ້ດີ້ນຮົນ ແລະ ຕໍ່ສູ້ເພື່ອສິ່ງໃດສິ່ງໜຶ່ງຢູ່ແລ້ວ ແລະ ຢາກໃຫ້ຜູ້ທີ່ທໍ້ຢູ່ຄິດໃນມຸມກັບກັນນໍາເອົາເລື່ອງນີ້ໄປປຽບທຽບກັບໂຕທ່ານເອງ ທ່ານອາດຍັງໂຊກດີກວ່າຄູ່ພໍ່ລູກນີ້ກໍ່ເປັນໄດ້.

ແຫຼ່ງທີ່ມາ: Amnaj Laongbua