ຄຳຂຶ້ນລາຄາບໍ່ເປັນບັນຫາ ແມ່ນມິ່ງເມືອງລາວປົງຄ່າດອງສົດ ພ້ອມ 9 ບາດຂໍສາວຈ້ອຍ

ຄຳຂຶ້ນລາຄາບໍ່ເປັນບັນຫາ ແມ່ນມິ່ງເມືອງລາວປົງຄ່າດອງສົດ ພ້ອມ 9 ບາດຂໍສາວຈ້ອຍ

1st September 2020 0 By Education

ບ່າວແມນ ມິ່ງເມືອງລາວເຈົ້າຂອງບົດເພງຂໍດາວຄ່າດອງ ກະຮ້ອງໄປແບບນັ້ນແລ ແຕ່ຕົວຈີງບໍແມ່ນເລີຍນໍ! ເພິ່ນຂົນເງິນເປັນກ້ອນ ພ້ອມຄຳອີກ 9 ບາດທ່າມກາງລາຄາຄຳສູງເກືອບບາດລະ 10 ລ້ານກີບ ໄປຂໍສາວມາເປັນເມຍຢ່າງສະຫງ່າຜ່າເຜີຍ ງານນີ້ເຮັດໃຫ້ແອັດແອບອິດສາຢູ່ໄກໆ!!!

ບ່າວແມນບອກວ່າ ຄັນບໍ່ມາໂຮງງານນ້ຳດື່ມປະທຸມມາໃນມື້ນັ້ນກະຄົງຊິບໍ່ມີມື້ນີ້ທີ່ໄດ້ແກ່ວດອງກັບທາຍາດບໍລິສັດປະທຸມມາ ຂາເຂົ້າ-ຂາອອກຈຳກັດ ບໍ່ໄດ້ສາວງາມຕະກຸນດັງມາເປັນສີພັນລະຍາໃນວັນນີ້ດອກ!!! ວ້າວບໍ່ທຳມະດາ!

ໂດຍໃນວັນທີ 31/08/2020 ໜຸ່ມ ແມນ ມິ່ງເມືອງລາວ! ຊາຍໜຸ່ມທີ່ຫຼາກຫຼາຍຄວາມສາມາດ ເປັນທັງຜູ້ຈັດການຝ່າຍບໍລິຫານ ແລະ ບຸກຄະລາກອນ ບໍລິສັດ ລາວ ໂຄຄາ-ໂຄລາ ບ໊ອດຕລິງ ຈຳກັດ, ເຈົ້າຂອງຄ້າຍເພງ ຈຳປາ ສະຕູດິໂອ, ເຈົ້າຂອງຜົນງານເພງດັງຫຼາຍເພງ ເຊັ່ນ: ເຮັດໄດ້ໃຫ້ເປັນເຂີຍ, ບໍ່ມັກແມ່ເຖົ້າ, ຂໍດາວຄ່າດອງ ແລະ ອື່ນໆ, ໄດ້ພາເຖົ້າແກ່ ພໍ່ແມ່ ແຫ່ຂໍສາວ ລັດຕະນາ ບຸນມານະວົງ ທາຍາດ ບໍລິສັດ ປະທຸມມາ ຂາອອກ-ຂາເຂົ້າ ຈຳກັດ ມາເປັນພັນລະຍາແລ້ວ.

ເຖົ້າແກ່ລຸງຕາມາຮ່ວມເປັນສັກຂີພິຍານໃນວັນຈົດປະຫວັດ

ຍິນດີນຳສອງຄົນຂໍໃຫ້ເປັນຜົວແກ້ວເມຍທິບ ອັນໜຶ່ງທີ່ຫຼາຍຄົນຢາກຮູ້ກໍ່ແມ່ນເງິນຄ່າດອງສູງເຖິງ 99.999.900 ກີບ, ຄໍາອີກ 9 ບາດ, ແຕ່ງານນີ້ ບໍ່ມີດາວຄ່າດອງ ເອີ້ນວ່າຈ່າຍສົດໆໄປເລີຍ, ສ່ວນງານແຕ່ງເອົາໄວ້ອອກພັນສາເຂົ້າ 2021 ຄ່ອຍວ່າກັນ ຕອນນີ້ຂໍຕາປະເພນີໄປກ່ອນນໍ!!!