ບາດຊິເຮັງ! ໜຸ່ມລາວດີ້ນດົ້ນໄປຫາເງິນຢູ່ໄທ ສຸດໂຊກດີຖືກເລກລາງວັນທີ​ 1 ໄດ້ 6ລ້ານມາແບບງ່າຍໆ

ບາດຊິເຮັງ! ໜຸ່ມລາວດີ້ນດົ້ນໄປຫາເງິນຢູ່ໄທ ສຸດໂຊກດີຖືກເລກລາງວັນທີ​ 1 ໄດ້ 6ລ້ານມາແບບງ່າຍໆ

2nd September 2020 0 By Education

ເວົ້າເລື່ອງໂຊກລາບມັນບໍ່ເຂົ້າໃຜອອກໃຜອີຫຼີ, ນອດຍາມດວງເຮັງຢິບຈັບຫຍັງກໍ່ເປັນເງິນເປັນຄໍາໄປໝົດ, ດັ່ງໜຸ່ມລາວຂ້າມແດນໄປຫາເງິນຢູ່ໄທ ສຸດໂຊກດີ ຖືກເລກລາງວັນທີ 1 ຮັບໄປເຕັມໆ 6ລ້ານບາດ.

ໜຸ່ມຜູ້ໂຊກດີຄົນນີ້ເປັນຄົນ ແຂວງຈຳປາສັກ ພາກໃຕ້ຂອງ ສປປ ລາວ ເຊິ່ງຜູ້ກ່ຽວໄດ້ມາເຮັດງານຢູ່ໄທຊື້ຫວຍໄທຖືກລາງວັນທີ່ 1 ຂອງງວດ ວັນທີ 1 ກັນຍາ 2020 ຮັບໄປເຕັມໆ 6 ລ້ານບາດ ກາຍເປັນເສດຖີໃນຊົ່ວຂ້າມຄືນ ແຖມຍັງກະຕັນຍູອີກຈະໂອນເງີນກັບໄປໃຫ້ແມ່ທີ່ ສປປ.ລາວ ອີກດ້ວຍ.

ໃນເວລາ 09:30 ນາທີ ວັນທີ 02 /09/20 ທ້າວບຸນຄ້ຳ ເພັງພັນ ອາຍຸ 34 ປີ ສັນຊາວລາວ ຢູ່ຫ້ອງເຊົ່າເລກທີ 54/69 ຕຳບົນບ້ານປຶກ ອຳເພີເມືອງ ຈັງຫວັດຊົນບຸຣີ ປະເທດໄທ ມາເຮັດງານຢູ່ຮ້ານອາຫານຊົມທະເລ ປາກຄອງອ່າງສີລາ ໄດ້ນຳເອົາລັອດເຕີລີ້(ຫວຍ) ທີ່ຖືກລາງວັນທີ່ 1 ຈຳນວນ 1ໃບ ເຂົ້າໄປຫາ ພັນຕຳຫລວດໂທ ມົງຄົນ ສິຣິເວດ ສາລະວັດສືບສວນ ສະຖານີຕຳຫລວດພູທອນ ແສນສຸກ ເພື່ອໃຫ້ລົງບັນທຶກ ໄວ້ເປັນຫລັກຖານ.

ທ້າວບຸນຄ້ຳ ກ່າວວ່າ ທຳອິດເຫັນເລກຂ້າງ 999997 ແລ້ວກໍ່ບໍ່ຢາກຊື້ແຕ່ມັກເລກ 97 ຈຶ່ງຊືິ້ກັບແມ່ຄ້າຂາຍເລ້ພຽງໃບດຽວ ແຕ່ທັງຫມົດມີຢູ່ 3 ໃບ ຫາກໄດ້ໄປຮັບເງີນແລ້ວຈະໂອນໄປໃຫ້ແມ່ທີ່ ສປປ.ລາວກ່ອນ ຖ້າເປີດດ່ານແລ້ວຈະເດີນທາງກັບບ້ານເກີດ.