ນໍ້າຕາແຫ່ງຄວາມດີໃຈ! ອ້າຍທະຫານສໍາເລັດພາລະກິດ ພ້ອມຂອບໃຈທຸກແຮງໃຈທີ່ສົ່ງໃຫ້ຈາກລາວເຖິງລັດເຊຍ

ນໍ້າຕາແຫ່ງຄວາມດີໃຈ! ອ້າຍທະຫານສໍາເລັດພາລະກິດ ພ້ອມຂອບໃຈທຸກແຮງໃຈທີ່ສົ່ງໃຫ້ຈາກລາວເຖິງລັດເຊຍ

6th September 2020 0 By Education

ສິ້ນສຸດໄປແລ້ວ ສໍາລັບການແຂ່ງຂັນກິລາທະຫານ ທີ່ປະເທດລາວເຮົາໄດ້ເຂົ້າຮ່ວມຢູ່ລັດເຊຍ ແລະ ສາມາດຍາດໄດ້ໄຊຊະນະອັນສໍາຄັນມາເປັນຂອງຂວັນໃຫ້ກັບຄົນລາວທັງຊາດ ໂດຍນໍາເອົາລາງວັນທີ 2 ກັບມາຕ້ອນປະເທດເຮົາ.

ໃນໄລຍະການແຂ່ງຂັນ ເຊື່ອວ່າມີຄົນລາວບໍ່ໜ້ອຍທີ່ສົ່ງກໍາລັງໃຈໃຫ້ທີມອ້າຍທະຫານຫ້າ ຕາງໜ້າປະເທດແຂ່ງຂັນກິລາດັ່ງກ່າວ ເປັນຕົວແທນປະເທດສະແດງໃຫ້ໂລກໄດ້ເຫັນເຖິງຄວາມສາມາດຂອງທະຫານລາວ ແລະ ແອັດກໍ່ເຊື່ອວ່າຕົວແທນເຂົ້າແຂ່ງຂັນທຸກທ່ານຈະຮັບຮູ້ ແລະ ສໍາຜັດໄດ້ເຖິງແຮງໃຈດັ່ງກ່າວ.

ເປັນດັ່ງທີ່ແອັດກ່າວມາຂ້າງເທິງ ພວກເຂົາໄດ້ຮັບທຸກກໍາລັງໃຈທີ່ສົ່ງໄປ ໂດຍຫຼ້າສຸດ ມີອ້າຍທະຫານຕົວແທນທີ່ເຂົ້າຮ່ວມແຂ່ງຂັນໂພສຂອບໃຈຄົນລາວວ່າ: ຂອບໃຈກັບທຸກກຳລັງໃຈທີ່ມີໃຫ້ພວກເຮົາຈົນເຮັດສຳເລັດ.

ພິເສດກໍ່ຄືທາງຂັ້ນເທິງທີ່ມີທິດຊີ້ນຳນຳພາໃຫ້ພວກເຮົາເຮັດຈົນສຳເລັດໜ້າທີ່ ພວກເຮົາບໍ່ມີຫຍັງເມືອຝາກເມືອຕ້ອນ ມີແຕ່ລາງວັນທີ 2ກັບເມືອໃຫ້ປະເທດເຮົາເດີ້, ພິມໄປນ້ຳຕາໄຫຼໄປ ພູມໃຈໃນຄວາມເປັນລາວ.

ແນວໃດກໍ່ຕາມ ແອັດຂໍເປັນໜຶ່ງສຽງ ຍ້ອງຍໍຊົມເຊີຍໃນຜົນງານທີ່ທຸກທ່ານຍາດມາໄດ້ ມັນຄືໃບໜ້າໃບຕາຂອງປະເທດເຮົາ ເຊິ່ງທຸກທ່ານເຮັດໄດ້ດີຫຼາຍ ສາມາດຍາດໄດ້ລາງວັນກັບມາຕ້ອນຄົນລາວທັງຊາດທີ່ລໍຖ້າຢູ່ທາງຫຼັງ.