ເປັນຫຍັງເລື່ອງເງິນຈຶ່ງສໍາຄັນກັບຊີວິດຄູ່? ຫາກໃຜທີ່ກໍາລັງເລືອກຄູ່ຊີວິດຢູ່ ລອງອ່ານບົດຄວາມນີ້!

ເປັນຫຍັງເລື່ອງເງິນຈຶ່ງສໍາຄັນກັບຊີວິດຄູ່? ຫາກໃຜທີ່ກໍາລັງເລືອກຄູ່ຊີວິດຢູ່ ລອງອ່ານບົດຄວາມນີ້!

8th September 2020 0 By Education

ກໍລະນີການຢ່າຮ້າງຂອງຄູ່ຜົວເມຍໜຸ່ມສອນລາມ ເທບພິທັກ ພະເອກຊື່ດັງຂອງໄທ ແລະ ເມຍ ຖືເປັນກໍລະນີຕົວຢ່າງໄດ້ເລີຍ ສໍາລັບຄົນໜຶ່ງເກັບທ້ອນ ແຕ່ອີກຄົນໃຊ້ເກັ່ງ ແຖມສ້າງໜີ້ທີ່ເກີນຕົວ ຈົນກາຍເປັນດິນພອກຫາງໜູ ລາມໄປຈົນເຖິງບັນຫາອື່ນໆທີ່ຕາມມາຈົນເຮັດໃຫ້ຊີວິດຄູ່ເຖິງຈຸດຈົບ.

ແນວໃດກໍ່ຕາມ ມື້ນີ້ແອັດມິນມີບົດຄວາມດີໆທີ່ແຝງຂໍ້ຄິດໄດ້ຫຼາຍຢ່າງມາໃຫ້ທຸກທ່ານໄດ້ລອງອ່ານນໍາກັນຈາກເພຈ Wee Ariyachot ໄດ້ກ່າວໄວ້ວ່າ: ການຈະເລືອກແຟນ ຫຼືຄູ່ຊີວິດຈັກຄົນ ນອກຈາກເລື່ອງໜ້າຕາແລ້ວ ເຮົາຄົງຕ້ອງເອົາປັດໃຈເລື່ອງການເງິນ ເຂົ້າມາປະເມີນນໍາ (ບໍ່ແມ່ນຫາແຟນລວຍ) ແຕ່ໃຫ້ເບິ່ງນິໄສການໃຊ້ເງິນ ຂອງຄົນໆນັ້ນນໍາວ່າ Lifestyle ຂອງເຂົາເປັນແບບໃດ ແລະ ເຮົາຮັບໄດ້ບໍ່.

ຂໍຍົກຕົວຢ່າງຂ້ອຍມີຮຸ້ນອ້າຍຄົນໜຶ່ງ ເປັນຄົນທີ່ເກັ່ງ ແລະ ຮັ່ງມີຫຼາຍ ລາວບອກວ່າເວລາທີ່ຈະເລືອກຜູ້ຍິງຜູ້ໜຶ່ງ ລາວມັກຈະຖາມວ່າ ເຈົ້າມີບັດເຄຣດິດຈັກໃບ ກູ້ເງິນຜ່ອນຫຍັງຢູ່ແນ່… ລາວບອກວ່າມັນອາດເປັນຄໍາຖາມທີ່ຟັງແລ້ວແປກ ແຕ່ນີ້ຄືຄໍາຖາມທີ່ສາມາດບົ່ງບອກອິຫຍັງໄດ້ຫຼາຍຢ່າງ ກ່ຽວກັບ Lifestyle ການໃຊ້ຊີວິດຂອງຄົນນັ້ນໆໄດ້ເລີຍ.

ການມີແຟນ ຫຼື ຄູ່ຊີວິດທີ່ມີ ທັດສະນະຄະຕິທາງການເງິນດີ ບໍ່ວ່າຈະແນວໃດໃນອະນຍາຄົດມີໂອກາດໄປກັນລອດຫຼາຍກວ່າ, ບໍ່ມີກໍ່ຊ່ວຍກັນສ້າງ ຮູ້ຈັກເກັບອອມ ລວມໄປເຖິງຕ້ອງມີເປົ້າໝາຍ ຫຼື ເບິ່ງອະນາຄົດຮ່ວມກັນ ເບິ່ງໃຫ້ດີວ່າແຟນ ຫຼື ຄູ່ຊີວິດທີ່ເຈົ້າເລືອກນັ້ນ ເຂົາຄຸ້ມຄ່າທີ່ເຈົ້າຈະລົງທຶນ ແລະ ສ້າງອະນາຄົດໄປນໍາກັນ ຫຼື ບໍ່? ເພາະເລື່ອງແບບນີ້ ເຮົາໃຊ້ສາຍຕາຢ່າງດຽວບໍ່ໄດ້ ແຕ່ຕ້ອງໃຊ້ສະໝອງນໍາ.