ນັ່ງປົດທຸກຢູ່ ຖືກງູຕອດນ້ອງຊາຍຈະໆ

ນັ່ງປົດທຸກຢູ່ ຖືກງູຕອດນ້ອງຊາຍຈະໆ

9th September 2020 0 By Education

ໜຸ່ມ 18 ນັ່ງປົດທຸກໃນຫ້ອງນ້ຳເພີນໆ ຖືກງູເຫຼືອມຕອດນ້ອງຊາຍເຂົ້າເຕັມໆ ເລືອດອອກເຕັມ ຫົວໃຈຊິວາຍຈັກຊິດັບສູນແນວເຊື້ອແດ່ເຈັບແນ່ກໍ່ປານນັ້ນ.

ເລື່ອງນີ້ເກີດຂຶ້ນທີ່ຊົນບູລີ ປະເທດໄທ ໃນວັນທີ8 ກັນຍາຜ່ານມາ ໂດຍເຈົ້າຂອງເຮືອນຫຼັງໜຶ່ງໄວ 44 ປີໄດ້ແຈ້ງຫາເຈົ້າໜ້າທີ່ກູ້ໄພບອກວ່າລູກຊາຍຂອງຕົນອາຍຸ 18 ປີຖືກງູທີ່ລີ້ຢູ່ໃນຊັກໂຄກກັດອະໄວຍະວະເພດ ໄດ້ຮັບບາດເຈັບ.

ຈາກການກວດກາພື້ນທີ່ເກີດເຫດພົບເຫັນຮອຍເລືອດຈຳນວນໜຶ່ງ ແລະພາຍໃນຫ້ອງນ້ຳງູຍັງບໍ່ໄປໃສ ເປັນງູເຫຼືອມຍາວ 1 ແມັດຢູ່ໃນຊັກໂຄກ ເຈົ້າໜ້າທີ່ກູ້ໄພຈິ່ງຊ່ວຍກັນຈັບງູໂຕນັ້ນເອົາໄວ້.

ຜູ້ເປັນພໍ່ເລົ່າວ່າຕອນທີ່ລູກຖືກງູກັດຕົນເອງກຳລັງເຮັດວຽກຢູ່ ແຕ່ລູກໂທມາບອກວ່າ ຖືກງູກັດແລ້ວ ເຮັດໃຫ້ຕົນຕົກໃຈຢ່າງແຮງແຕ່ກູ້ໄພກໍ່ໃຫ້ການຊ່ວຍເຫຼືອຢ່າງວ່ອງໄວນຳສົ່ງຕົວລູກຊາຍໄປໂຮງໝໍ ແຕ່ອະໄວຍະວະເພດຕ້ອງຖືກຫຍິບ 3 ເຂັມ ເບື້ອງຕົ້ນມີລາຍງານວ່າປອດໄພແລ້ວ.

ຜູ້ເປັນພໍ່ຍັງເລົ່າອີກວ່າແຖວນັ້ນບໍ່ມີປ່າເລີຍ ແຕ່ທີ່ງູຂຶ້ນມາຕອດລູກຊາຍນີ້ອາດແມ່ນເລືອມາຕາມທໍ່ຊັກໂຄກ ເນື່ອງຈາກບໍ່ໄດ້ປິດຝາທໍ່ລະບາຍນ້ຳ ຈິ່ງຢາກຝາກເຖິງປະຊາຊົນທຸກຄົນໃຫ້ສັງເກດໃຫ້ດີເວລາເຂົ້າຫ້ອງນ້ຳ ເນື່ອງຈາກຊ່ວງນີ້ແມ່ນລະດູຝົນແດ່ ງູອາດເລືອມາຢູ່ຕາມເຮືອນຊານ ການເຂົ້າຫ້ອງນ້ຳຕ້ອງສັງເກດໃຫ້ດີ ກັງວົນຖ້າງູມີພິດກັດຈະອັນຕະລາຍຫຼາຍຕໍ່ຜູ້ເຄາະຮ້າຍ.