ເອົາອີກແລ້ວ! ຈັບຄົນລາວລັກລອບເຂົ້າໄທ ພົບເສຍເງິນຟຣີຈ້າງນາຍໜ້າຫຼາຍໝື່ນບາດ

ເອົາອີກແລ້ວ! ຈັບຄົນລາວລັກລອບເຂົ້າໄທ ພົບເສຍເງິນຟຣີຈ້າງນາຍໜ້າຫຼາຍໝື່ນບາດ

14th September 2020 0 By Education

ເອີ້ນໄດ້ວ່າມີມາເກືອບທຸກມື້ ສໍາລັບຂ່າວການຈັບກຸມຄົນລາວທີ່ລັກລອບເຂົ້າປະເທດໄທ, ຫຼ້າສຸດ ມີມາອີກ ຫາກໍ່ຈັບໄດ້ວານນີ້ ວັນທີ 13 ກັນຍາ 2020 ຈໍານວນ 14ຄົນ.

ເມື່ອວັນທີ13​ ກັນຍາ​ 2020 ໃນກາງເດິກທີ່ຜ່ານມາ ເຈົ້າຫນ້າທີ່ຕຳຫຼວດໄທໄດ້ສະກັດຈັບລົດຕູ້ລັກລອກຂົນແຮງງານລາວ 14​ ຄົນ​ ເປັນຜູ້ຊາຍ​ 7​ ຄົນ​ ຜູ້ຍິງ​ 7​ ຄົນ​ ພ້ອມຄົນຂັບລົດຕູ້ 1​ ຄົນ​ ເປັນຊາວໄທ ທີ່ບໍລິເວນຂ້າງຫ້າງສັບພະສິນຄ້າຊື່ດັງກາງເມືອງອຸບົນ ຊາວລາວທັງໝົດນີ້ໄດ້ລັກລອບຂ້າມແດນທາງເຮືອ (ແມ່ນ້ຳຂອງ)​ ເດີນທາງມາຈາກແຂວງຈຳປາສັກ ເສຍຄ່າໃຊ້ຈ່າຍໃຫ້ກັບນາຍຫນ້າ ຄົນ​ລະ​ 4.000​ບາດ ເພື່ອໃຫ້ນຳພາເຂົ້າໃຈກາງຂອງເມືອງໄທນັ້ນກໍ່ຄື ກຣຸງເທບມະຫານະຄອນ.

ສຸດທ້າຍໄປບໍ່ຮອດຈຸດຫມາຍຖືກເຈົ້າຫນ້າທີ່ສະກັດຈັບເອົາໄວ້ກ່ອນ​ ແລະ​ ນຳຕົວໄປກັ່ນກອງຫາໂຄວິດ-19 ແລະນຳຕົວທັງຫມົດໄປດຳເນີນຄະດີເຂົ້າເມືອງໂດຍຜິດກົດຫມາຍ.