ແມ່ນຫຍັງນໍ້! ເຈົ້າຂອງຮ້ານເກມໂວຍ ຫຼັງເຈົ້າໜ້າທີ່ເຂົ້າປະຕິບັດໜ້າທີ່ຕາມຄໍາສັ່ງຂັ້ນເທິງ

ແມ່ນຫຍັງນໍ້! ເຈົ້າຂອງຮ້ານເກມໂວຍ ຫຼັງເຈົ້າໜ້າທີ່ເຂົ້າປະຕິບັດໜ້າທີ່ຕາມຄໍາສັ່ງຂັ້ນເທິງ

14th September 2020 0 By Education

ຮ້ານເກມອອນລາຍ ເປັນອີກໜຶ່ງກິດຈະການທີ່ລັດຖະບານຍັງບໍ່ໄດ້ອະນຸຍາດໃຫ້ເປີດບໍລິການ ຕາມແຈ້ງການຂອງຫ້ອງວ່າການສຳນັກງານນາ ຍົກລັດຖະມົນຕີ ສະບັບເລກທີ 806/ຫສນຍ, ລົງວັນທີ 29 ກໍລະກົດ 2020 ແລະ ສະບັບເລກທີ 838/ຫສນຍ, ລົງວັນທີ 07 ສິງຫາ 2020 ຢ່າງເຂັ້ມງວດ ເຊິ່ງໜຶ່ງໃນນັ້ນແມ່ນໃຫ້ສືບຕໍ່ປິດຮ້ານເກມ.

ແຕ່ຫຼ້າສຸດ ມີຄລິບເຜີຍແຜ່ອອກມາໃນສື່ອອນລາຍ ຂະນະທີ່ເຈົ້າໜ້າທີ່ກໍາລັງປະຕິບັດໜ້າທີ່ຢູ່ຮ້ານເກມແຫ່ງໜຶ່ງແຕ່ກັບຖືກຊາຍໜຸ່ມຄົນໜຶ່ງເຊິ່ງຈາກຄລິບອ້າງວ່າເປັນທະຫານຍົດພັນຕີ ເປັນເຈົ້າຂອງຮ້ານດັ່ງກ່າວ ໂວຍວາຍ, ຂັດຂວາງການປະຕິບັດໜ້າທີ່ຂອງເຈົ້າໜ້າທີ່ ພ້ອມໂຕ້ຖຽງດ້ວຍຖ້ອຍຄໍາຮຸນແຮງ.

ເຊິ່ງຄລິບເຫດການດັ່ງກ່າວ ຖືກນໍາມາແຊແຜ່ຫຼາຍໃນສື່ອອນລາຍ ແລະມີຊາວເນັດເຂົ້າມາວິພາກວິຈານໄປຕ່າງໆນາໆ ແຕ່ທັງນີ້ທັງນັ້ນ ຄວາມຈິງກ່ຽວກັບຄລິບເຫດການດັ່ງກ່າວຍັງບໍ່ມີໃຜສາມາດລະບຸໄດ້. ດັ່ງນັ້ນ ໃຫ້ທຸກຄົນລໍຖ້າຟັງຄໍາຊີ້ແຈງຈາກຄົນໃນຄລິບ ແລະ ພາກສ່ວນກ່ຽວຂ້ອງນໍາກັນ.

ແນວໃດກໍ່ຕາມ, ແອັດຂໍຍົກເອົາມາດຕະການຜ່ອນຜັນຫຼ້າສຸດ ບາງປະເດັນມາໃຫ້ທຸກທ່ານໄດ້ຮັບຮູ້ກັນອີກຄັ້ງ ໂດຍສະເພາະການສືບຕໍ່ປະຕິບັດບັນດາມາດຕະການຜ່ອນຜັນ, ມາດຕະການໃນການປ້ອງກັນ, ຄວບຄຸມ, ສະກັດກັ້ນ ແລະ ແກ້ໄຂການລະບາດ ຂອງພະຍາດໂຄວິດ-19 ໃນໄລຍະແຕ່ວັນທີ 1- 30 ກັນຍາ 2020.

ຜູ້ກ່ຽວໃນຄລິບນີ້ ທ້າທາຍ ຕໍ່ກົດລະບຽບ, ກົດຫມາຍ ບ້ານເມືອງ ໃຊ້ອຳນາດ ບາດໃຫຍ່ ເປີດຮ້ານເກມອອນລາຍໂດຍບໍ່ຢ້ານຕໍ່ຄຳສັ່ງຈາກຂັ້ນເທິງ ເປັນເຖິງທະຫານ ຊັ້ນ ພັນຕີ ຜູ້ກ່ຽວຊື່ ພອນໄຊ.

Posted by ຄຸນຄ່າລາວ on Sunday, 13 September 2020

ໂດຍເຫັນດີໃຫ້ສືບຕໍ່ປະຕິບັດ ບັນດາມາດຕະການຜ່ອນຜັນ, ມາດຕະການ ໃນການປ້ອງກັນ, ຄວບຄຸມ, ສະກັດກັ້ນ ແລະ ແກ້ໄຂການລະບາດ ຂອງພະຍາດໂຄວິດ-19 ຄືກັນກັບມາດຕະການ ທີ່ໄດ້ປະຕິບັດ ໃນເດືອນສິງຫາ 2020 ຜ່ານມາ ຕາມທີ່ໄດ້ລະບຸໃນແຈ້ງການ ຂອງຫ້ອງວ່າການສຳນັກງານນາ ຍົກລັດຖະມົນຕີ ສະບັບເລກທີ 806/ຫສນຍ, ລົງວັນທີ 29 ກໍລະກົດ 2020 ແລະ ສະບັບເລກທີ 838/ຫສນຍ, ລົງວັນທີ 07 ສິງຫາ 2020 ຢ່າງເຂັ້ມງວດ. ໃນນັ້ນ ສະເພາະມາດຕະການທີ່ສືບຕໍ່ໂຈະແອັດຂໍຍົກບາງປະເດັນທີ່ກ່ຽວຂ້ອງກັບເຫດການນີ້ຄື ໃຫ້ສືບຕໍ່ປິດບັນດາກິດຈະການຮ້ານບັນເທີງ, ຮ້ານຄາລາໂອເກະ ແລະ ຮ້ານເກມ.