ທ່ານ ບົວເງິນ ຊາພູວົງ ຮ່ວມວາງພວງມາລານັກຮ້ອງແອນ້ອຍ ນິພົນ

ທ່ານ ບົວເງິນ ຊາພູວົງ ຮ່ວມວາງພວງມາລານັກຮ້ອງແອນ້ອຍ ນິພົນ

17th September 2020 0 By Education

ທ່ານ ບົວເງິນ ຊາພູວົງ ຮອງລັດຖະມົນຕີກະຊວງ ຖວທ ໃນວັນທີ 17 ກັນຍາ 2020 ໄດ້ຮ່ວມວາງພວງມາລາ ສິນລະປິນ ແອນ້ອຍ ນິພົນໃນນາມສະມາຄົມສິລະປິນ ແລະ ໃນນາມນັກຮ້ອງຄົນໃນເວດວົງດຽວກັນ.

ວັນທີ 17 ກັນຍາ 2020 ຕ໋ອຍ ນິພົນ ເຊິ່ງເປັນ ນ້ອງຊາຍ ແອນ້ອຍ ນິພົນ ໂພສຜ່ານເຟສບຸ໊ກຂອງຕົນ ຂອບໃຈການນຳພັກລັດ ນຳໂດຍ ທ່ານ ບົວເງິນ ຊາພູວົງ ຮອງລັດຖະມົນຕີກະຊວງຖະແຫລງຂ່າວ,​ ວັດທະນະທຳ ແລະ ທ່ອງທ່ຽວ ທັງເປັນຫົວຫນ້າສະມະຄົມສິນລະປິນລາວ ທີ່ນຳພາເຫລົ່າບັນດາສິນລະປິນລາວ ເຂົ້າຮ່ວມວາງພວງມາລາສິນລະປິນ ແອນ້ອຍ ນິພົນ ທີ່ມໍລະກຳໄປ ດ້ວຍພະຍາດຂອງຜູ້ກ່ຽວ ໃນວັນທີ 16 ກັນຍາ ຜ່ານມາ ລວມອາຍຸໄດ້ 49 ປີ.

ໝູ່ເພື່ອນໃນວົງການຮ່ວມໄວ້ອາໄລ

ປັດຈຸບັນ ສົບຂອງ ທ່ານ ແອນ້ອຍ ນິພົນ ໄດ້ບຳເພັນກຸສົນຢູ່ເຮືອນຂອງເພີ່ນເອງ ບ້ານດອນໜູນ (ໜ່ວຍ 58)​ ເມືອງໄຊທານີ,​ ນະຄອນຫຼວງວຽງຈັນ ແລະ ວັນສົ່ງສະການ ຈະໄດ້ຈັດຂຶ້ນໃນວັນທີ 19 ກັນຍາ 2020​ ທີ່ວັດປ່າສັນຕິສຸກ (ດອນໜູນ).

ຖ້າມິດຮັກແຟນເພງຄົນໃດ ຢາກຮ່ວມສົ່ງເພິ່ນຂຶ້ນສະຫວັນເປັນຄັ້ງສຸດທ້າຍກໍ່ຢ່າລຶມ ໄປຮ່ວມໃນວັນດັ່ງກ່າວ ເພາະຈາກນີ້ໄປຈະເຫຼືອໄວ້ພຽງຜົນງານ ແລະ ສຽງເພງໃຫ້ພວກເຮົາໄດ້ຟັງເທົ່ານັ້ນ ບໍ່ມີອີກແລ້ວແອນ້ອຍນິພົນໃນເວທີ ສ້າງຄວາມບັນເທິງໃຫ້ຄົນທັງຫຼາຍ.