ປາກເຊກຳລັງໜັກ ພາຍຸເຂົ້າເຊົ້າດຽວເສັ້ນທາງກາຍເປັນໜອງແລ້ວ

ປາກເຊກຳລັງໜັກ ພາຍຸເຂົ້າເຊົ້າດຽວເສັ້ນທາງກາຍເປັນໜອງແລ້ວ

18th September 2020 0 By Education

ການເຄື່ອນຕົວເຂົ້າມາປະເທດເຮົາຂອງພາຍຸໂນອືນພຽງເຊົ້າດຽວ ໃນວັນທີ 18 ກັນຍາ 2020 ໄດ້ເຮັດໃຫ້ບັນດາແຂວງພາກໃຕ້ຜະເຊີນກັບບັນຫານ້ຳຖ້ວມຕັ້ງແຕ່ເຊົ້າໆມາ ພ້ອມມີຟ້າລົມຝົນຕົກແຮງ, ບາງບ້ານມີດິນຫຼົມກໍ່ຖືກນ້ຳຊຸ, ບາງເຂດຕ່ຳຫົນທາງກາຍເປັນແມ່ນ້ຳ ສ້າງຄວາມຫຍຸ້ງຍາກບໍ່ໜ້ອຍຕໍ່ພໍ່ແມ່ປະຊາຊົນໃນການທຽວທາງໄປມາ ແລະອອກທຸລະຂ້າງນອກ.

ລາຍງານຈາກນະຄອນປາກເຊ!📌 ຫຼັງພາຍຸ ໂນອືນ ພັດເຂົ້າມາ ເຮັດໃຫ້ຝົນຕົກເກືອບ ທົ່ວປະເທດ ນີ້ແມ່ນ ສະພາບຫລ້າສຸດຈາກ ເທດສະບານ ນະຄອນປາກເຊ ໃດ້ເກີດມີນໍ້າຖ້ວມຫົນທາງແລະເຮຶອນພີ່ນ້ອງປະຊາຊົນໃນເຂດຕົວເມຶອງແລະເຮັດໃຫ້ທາງສັນຈອນມີຄວາມຍາກລຳບາກຫຼາຍພໍສົມຄວນ.

 

ໂຕນະຄອນປາກເຊ ໃນເວລາ 12:30 ນາທີມີບັນຫາການສັນຈອນຕິດຂັກ ເນື່ອງຈາກນ້ຳຂຶ້ນສູງ ບາງເຂດຕ່ຳບໍ່ສາມາດສັນຈອນໄປມາໄດ້.

ເຊັ່ນດຽວກັນກັບແຂວງສາລະວັນ ຜົນກະທົບຈາກພະຍຸໂນອຶນເຮັດໃຫ້ມີນໍ້າຖ້ວມທາງທີ່ເຂດບ້ານຕະຫຼຸງ ເມືອງຕະໂອ້ຍ ແຂວງສາລະວັນ ເວລາ09:00 ການສັນຈອນມີຄວາມຍາກລຳບາກພໍສົມຄວນ.

ຮູບລຸ່ມນີ້ ນະຄອນປາກເຊ