ອາວະສານຊີ້ນດາດ! ພົບວັດຖຸແປກປອມໃນຕ່ອນຊີ້ນໝູ ຫຼັງໄປຕັກເອງທີ່ຮ້ານບຸບເຟ່ແຫ່ງໜຶ່ງ

ອາວະສານຊີ້ນດາດ! ພົບວັດຖຸແປກປອມໃນຕ່ອນຊີ້ນໝູ ຫຼັງໄປຕັກເອງທີ່ຮ້ານບຸບເຟ່ແຫ່ງໜຶ່ງ

19th September 2020 0 By Education

ປັດຈຸບັນເອີ້ນໄດ້ວ່າພົບເຫັນຢູ່ເລື້ອຍສໍາລັບສິ່ງແປກປອມໃນອາຫານ ໂດຍສະເພາະແມ່ນປະເພດຊີ້ນ ເຊິ່ງມັນບໍ່ແມ່ນເລື່ອງແປກອີກແລ້ວ  ແຕ່ມັນກໍ່ກາຍເປັນບັນຫາໃຫຍ່ທີ່ສັງຄົມຕັ້ງຄໍາຖາມວ່າມັນເຂົ້າໄປຢູ່ໄດ້ແນວໃດ ທີ່ສໍາຄັນມັນອັນຕະລາຍຕໍ່ຜູ້ບໍລິໂພກ ຊື້ໄປກໍ່ເສຍເງິນ ແລ້ວຄວາມປອດໄພຫາໄດ້ຢູ່ໃສ ຄຸນະພາບຂອງສິນຄ້າມີບໍ່?

ມັນຢູ່ໃນຊີ້ນເປັນຕ່ອນແບບນີ້

ເລື່ອງລາວທີ່ແອັດຈະນໍາສະເໜີຕໍ່ໄປນີ້ເປັນເຫດການທີ່ເກີດຂຶ້ນຢູ່ປະເທດໄທ ແຕ່ຍ້ອນມັນເປັນເລື່ອງໃກ້ຕົວ ເພາະຄົນລາວເຮົາສ່ວນຫຼວງຫຼາຍກໍ່ລ້ວນແລ້ວແຕ່ບໍລິໂພກຊີ້ນໝູເຊັ່ນກັນ ດັ່ງນັ້ນ ແອັດຈຶ່ງຂໍຍົກເອົາເລື່ອງນີ້ມາເປັນອຸທາຫອນຝາກຖາມເຖິງຄຸນນະພາບຈາກຜູ້ຂາຍ ແລະ ຝາກເປັນອຸທາຫອນໃຫ້ຜູ້ຊື້ ຫຼື ຜູ້ກິນ ມີສະຕິລະວັງຕົວເລືອກຊື້ສິນຄ້າຈາກແຫຼ່ງທີ່ເຊື່ອຖືໄດ້ ແລະ ຖືກຫຼັກສຸຂາອະນາໄມ ໄດ້ຄຸນນະພາບ ເພື່ອສຸຂະພາບຂອງພວກທ່ານເອງ.

ຕາຢ້ານເປັນແບບນີ້ນະບໍ່ຢາກຄິດພາບຫາກກິນເຂົ້າໄປ

ໂດຍເຫດການທີ່ເກີດຂຶ້ນນັ້ນ ມີຜູ້ໃຊ້ເຟສບຸກທ່ານໜຶ່ງໂພສຂໍ້ຄວາມພ້ອມພາບເຕືອນໄວ້ວ່າ: ເຄີຍເຫັນແຕ່ໃນຂ່າວ ແຕ່ເມື່ອມາພົບກັບຕົນເອງ ເຖິງກັບບໍ່ຢາກຊີ້ນດາດໄປອີກດົນເລີຍ ເກືອບກິນໄປແລ້ວ ໂຊກດີທີ່ເຫັນກ່ອນ, ຢາກເຕືອນຜູ້ທີ່ມັກກິນຊີ້ນດາດຕັກແບບບຸບເຟ່ຢູ່ຕາມຕະຫຼາດນັດໃຫ້ລະວັງ ອັນຕະລາຍຫຼາຍ ເຊິ່ງເຫດການນີ້ເກີດຂຶ້ນທີ່ຮ້ານຊີ້ນດາດແຫ່ງໜຶ່ງໃນຕະຫຼາດນັດ ອໍາເພີປາກຊ່ອງ ປະເທດໄທ.