ເອົາອີກແລ້ວ ລູກຄ້າສຸດງົງ! ຊື້ຊີ້ນໝູຫວັງຊິຄົວກິນແຕ່ປາດອອກມາເຫັນແລ້ວບໍ່ກ້າເຮັດຕໍ່

ເອົາອີກແລ້ວ ລູກຄ້າສຸດງົງ! ຊື້ຊີ້ນໝູຫວັງຊິຄົວກິນແຕ່ປາດອອກມາເຫັນແລ້ວບໍ່ກ້າເຮັດຕໍ່

21st September 2020 1 By Education

ກ່ອນໜ້ານີ້ແອັດເຄີຍນໍາສະເໜີຂ່າວກ່ຽວກັບຊີ້ນໝູໄປແລ້ວບໍ່ໜ້ອຍ ແຕ່ຫຼ້າສຸດມີມາອີກປະເດັນ ຮອບນີ້ສະຫຍັງກວ່າເກົ່າ ເພາະພົບຊີ້ນໝູເປັນຝີໜອງໃນຊີ້ນ ປາດອອກມາເຫັນແລ້ວບໍ່ຢາກຊີ້ນໝູໄປອີກດົນ.

ເຫດການດັ່ງກ່າວທີ່ແອັດກໍາລັງກ່າວເຖິງນີ້ແມ່ນເກີດຂຶ້ນທີ່ປະເທດໄທ ແຕ່ຍ້ອນເຫັນວ່າມັນເປັນເລື່ອງໃກ້ຕົວ ຄົນລາວເຮົາກໍ່ບໍລິໂພກຊີ້ນໝູບໍ່ໜ້ອຍ ຈຶ່ງຢາກຍົກເອົາເລື່ອງນີ້ມາເປັນອຸທາຫອນໃນການເລືອກຊື້ຊີ້ນແກ່ທຸກຄົນ.

ເຫດການນີ້ແມ່ນມີຜູ້ບໍລິໂພກໄດ້ໂພສພາບຊີ້ນມີ່ຊື້ມາຈາກຫ້າງແຫ່ງໜຶ່ງໃນອໍ່ເພີແມ່ສອດ ຈັງຫວັດຕາກ ປະເທດໄທ ຫຼັງຈາກປາດຊີ້ນອອກມາກໍ່ພົບກ້ອນເນື້ອປະຫຼາດສີຂາວຢູ່ກາງກ້ອນຊີ້ນ

ເຊິ່ງຫຼັງຈາກນັ້ນ ກໍ່ມີຜູ້ນໍາພາບດັ່ງກ່າວໄປສອບຖາມກັບ ຮສ ດຣ ເຈດສະດາ ເດັ່ນດວງບໍຣິພັນ ອາຈານປະຈໍາຄະນະວິທະຍາສາດ ຈຸລາລົງກອນມະຫາວິທະຍາໄລ ປາກົດວ່າເນື້ອໝູດັ່ງກ່າວເປັນຝີໜອງ ແນະນໍາໃຫ້ຖິ້ມຊີ້ນທັງໝົດ ຢ່າຕັດສະເພາະຝີໜອງອອກແລ້ວເອົາເນື້ອມາກິນຕໍ່ເດັດຂາດ.