ໂອ້ຍອັນຕະລາຍ! ຝົນຕົກແບບນີ້ຕ້ອງລະວັງ ກຽມຊິເຂົ້ານອນ ດຶງຜ້າຫົ່ມອອກ ຈະເອ໋ກັບງູເຫົ່າໂຕໃຫຍ່

ໂອ້ຍອັນຕະລາຍ! ຝົນຕົກແບບນີ້ຕ້ອງລະວັງ ກຽມຊິເຂົ້ານອນ ດຶງຜ້າຫົ່ມອອກ ຈະເອ໋ກັບງູເຫົ່າໂຕໃຫຍ່

3rd October 2020 0 By Education

ໜ້າຝົນແບບນີ້ມີຫຼາຍຢ່າງທີ່ຕ້ອງລະວັງນອກຈາກໄພທໍາມະຊາດ, ໄພນໍ້າຖ້ວມ ດິນເຈື່ອນ ແລະ ອື່ນໆແລ້ວ ສິ່ງສໍາຄັນອີກຢ່າງທີ່ຕ້ອງເຝົ້າລະວັງຄືງູ ເພາະຍາມນີ້ ມັນຈະຊອກຫາໄອອຸ່ນຢູ່ທຸກບ່ອນທຸກທີ່ ດັ່ງນັ້ນ ຢ່າປ່ອຍໃຫ້ເຮືອນ ແລະ ບ່ອນນອນຮົກເຮື້ອ ເພາະອາດເປັນບ່ອນລີ້ຊ່ອນໃຫ້ກັບພວກມັນໄດ້ ແລະ ທ່ານອາດເປັນຜູ້ໂຊກຮ້າຍຖືກມັນຕອດດັ່ງປ້າໂຊກຮ້າຍຄົນນີ້ກໍ່ເປັນໄດ້.

ເຫດການທີ່ແອັດກໍາລັງຈະເວົ້າເຖິງນີ້ແມ່ນເກີດຂຶ້ນທີ່ປະເທດໄທ ແຕ່ຍ້ອນເຫັນວ່າມັນເປັນເລື່ອງໃກ້ຕົວ ແລະ ຄວນແກ່ການນໍາມາເຕືອນສະຕິໃຫ້ຄົນລາວເຮົາລະມັດລະວັງຕົນເອງ ແລະ ຮັກສາຄວາມສະອາດໃຫ້ຫຼາຍຂຶ້ນ ຈຶ່ງນໍາມາເຜີຍແຜ່ໃຫ້ທຸກຄົນໄດ້ຮູ້ນໍາກັນ.

ໃນວັນທີ 2 ກັນຍາ 2020 ທີ່ຜ່ານມາ ທີ່ບ້ານສໍາໂຣງ ຕໍາບົນວັງເໜືອ ອໍາເພີບ້ານດ່ານ ຈັງຫວັດບຸລີລໍາ ເກີດເຫດແມ່ປ້າໄວ 54 ຖືກງູກັດຢູ່ບ່ອນນອນ ຫຼັງດຶງເຄື່ອງນອນທີ່ຮົກເຮື້ອອອກ ກຽມຈັດແຈງບ່ອນ ແຕ່ແລ້ວໂຊກຮ້າຍມີງູເຫົ່າໂຕໃຫຍ່ລີ້ຢູ່ ແລະຕອດຂາແມ່ປ້າແບບເຕັມໆ.

ຈາກການກວດສອບຂອງເຈົ້າໜ້າທີ່ເຫັນວ່າ ເຮືອນຫຼັງດັ່ງກ່າວ ທາງຫຼັງມີຕົ້ນໄມ້ຮົກໜາທຶບ, ກດ້ານທ້າວປັ່ນ ຜູ້ເຫັນເຫດການເລົ່າວ່າ: ຊ່ວງປະມານ 19:00ໂມງ ເຊິ່ງຝົນກໍາລັງຕົກ ຂະນະທີ່ພວກຕົນກໍາລັງນັ່ງລົມກັນຢູ່ນັ້ນໄດ້ຍິນສຽງນາງມະນີ ຜູ້ເປັນເອື້ອຍເມຍ ຮ້ອງດັງຂຶ້ນະນະກໍາລັງປູບ່ອນນອນ ພ້ອມຮ້ອງອອກມາວ່າຖືກແມງໄມ້ກັດ ຈຶ່ງຮີບແລ່ນເຂົ້າໄປເບິ່ງ ແຕ່ບໍ່ພົບຫຍັງ ຈຶ່ງສັ່ນຜ້າຫົ່ມເບິ່ງ ກໍ່ພົບວ່າເປັນງູ ຈຶ່ງເອົາດ້າມໄມ້ມາຕີງູ ແລ້ວນໍາຕົວເອື້ອຍເມຍສົ່ງໂຮງໝໍເປັນການດ່ວນ.

ແນວໃດກໍ່ຕາມ ດັ່ງທີ່ແອັດມິນ ສຶກສາ-ໄອທີກ່າວມາຂ້າງເທິງ ໃນໜ້າສຝົນແບບນີ້ ທຸກຄົນຕ້ອງລະວັງ ຢ່າປ່ອຍໃຫ້ເຮືອນຮົກເຮື້ອເດັດຂາດ ເພາະມັນຈະກາຍເປັນເປົ້າຂອງສັດມີພິດເຂົ້າມາອາໄສຢູ່.