ກູ້ໄພຊີ້ແຈງ ໜ້າທີ່ຂອງເພິ່ນ ພ້ອມຖາມກັບຕ້ອງໃຫ້ຊ່ວຍທຸກເລື່ອງຫວາ?

ກູ້ໄພຊີ້ແຈງ ໜ້າທີ່ຂອງເພິ່ນ ພ້ອມຖາມກັບຕ້ອງໃຫ້ຊ່ວຍທຸກເລື່ອງຫວາ?

10th October 2020 0 By Education

ຈາກກໍລະນີດຣາມາ ເລື່ອງການໂທຂໍຄວາມຊ່ວຍເຫຼືອຈາກກູ້ໄພ ຍ້ອນພົບເຫັນຍິງສາວເປືອຍກາຍໃນທີ່ສາທາລະນະແຕ່ໄດ້ຮັບການຕອບຮັບ ຫຼື ຊ່ວຍເຫຼືອຈາກທີມງານກູ້ໄພ ຈົນເຮັດໃຫ້ຜູ້ໂທແຈ້ງ ໂພສຂໍ້ຄວາມທີ່ສື່ເຖິງການວິຈານການປະຕິບັດໜ້າທີ່ຂອງທີມກູ້ໄພ; ຫຼ້າສຸດ ສະມາຄົມອາສາ ກູ້ໄພ ນະຄອນຫຼວງວຽງຈັນ ແຈ້ງເຫດສຸກເສີນ ໂທ 1624 ໄດ້ອອກມາໂພສຂໍ້ຄວາມຊີ້ແຈງຜ່ານເພຈແລ້ວ.

ສະມາຄົມອາສາ ກູ້ໄພ ນະຄອນຫຼວງວຽງຈັນ ແຈ້ງເຫດສຸກເສີນ ໂທ 1624 ຊີ້ແຈງວ່າ: ມື້ນີ້ຈະຂໍອອກມາເວົ້າໜ້ອຍຫນຶ່ງ ເນາະກ່ຽວກັບເລື່ອງທີ່ມີຄົນໂທມາແຈ້ງວ່າມີຄົນນັ່ງແກ້ເຄື່ອງຢູ່ໃຫ້ກູ້ໄພອອກໄປເອົາແລ້ວກູ້ໄພບໍ່ໄດ້ອອກໄປລະກະມາໂພສປະຈານວ່າກູ້ໄພບໍ່ຊ່ວຍ ວ່າກູ້ໄພຖິ້ມກັນໄປຖິ້ມກັນມາ ກໍ່ຢາກໃຫ້ຄົນທີ່ໂພສ ຫລື ຄົນອື່ນຄິດນຳກັນເບິ່ງວ່າ ກູ້ໄພ ມີຫນ້າທີ່ຫຍັງ ກູ້ໄພມີຫນ້າທີ່ຊ່ວຍຄົນເຈັບ ຄົນປ່ວຍ ຄົນທີ່ເກີດອຸປະຕິເຫດ ຫລື ປະສົບໄພຕ່າງໆ.

ແຕ່ຄົນທູກມື້ນີ້ ບໍ່ວ່າຈະເປັນເລື່ອງເລັກນ້ອຍອັນໃດ ກະໂທຫາກູ້ໄພ ລົດຕິດບໍ່ໄດ້ກະໂທຫາກູ້ໄພ ລົດນໍ້າມັນເບິດ ລົດເພ ກະໂທຫາກູ້ໄພ ຢາກໃຫ້ທຸກຄົນຄິດເບິ່ງວ່າສິ່ງທີ່ເຈົ້າໂທມາບອກໃຫ້ເຂົາໄປຊ່ວຍຫັ້ນແມ່ນຈໍາເປັນອີຫລີບໍ ເລື່ອງທີ່ເຈົ້າໂທມາແລ້ວເຂົາບໍ່ໄປຫາເຈົ້າ ຈຳເປັນບໍ່ທີ່ຈະຕ້ອງມາໂພສເວົ້າແບບນິ ບາງເທື່ອສິ່ງທີ່ເຈົ້າໂທມາເເຈ້ງ ມັນກະສຳຄັນ ແຕ່ບັງເອີນມັນມີເຫດພ້ອມກັນ ກັບ ຕອນທີ່ເຈົ້າໂທມາແຈ້ງນັ້ນ ຖ້າເຂົາເຈັບຫນັກ ຫລື ກຳລັງຈະເສຍຊີວິດ ແນ່ນອນກູ້ໄພຕ້ອງໄປຊ່ວຍຄົນທີ່ ອາການໜັກຢູ່ເເລ້ວອັນນິຕ້ອງເຂົ້າໃຈນຳກັນ ຄືແບບນີ້.

ສໍາລັບເຫດການສາວແກ້ເຄື່ອງໃນບ່ອນສາທາລະນະນັ້ນ ກູ້ໄພຊີ້ແຈງວ່າ: ເລື່ອງຄົນນັ່ງແກ້ເຄື່ອງຢູ່ກະສິໂທຫາກູ້ໄພໄປເອົາມັນກະບໍ່ແມ່ນ ເພາະກູ້ໄພໄປ ຈະຊ່ວຍລາວໄດ້ໜ້ອຍ ຫລື ບໍ່ໄດ້ເລີຍ ຢາກແນະນຳວ່າ ຖ້າເຈີ ເຫດການແບບນິ ຢາກໃຫ້ທຸກຄົນໂທຫາໜ່ວຍງານທີ່ກ່ຽວຂ້ອງເນາະ ບໍ່ແມ່ນທຸກສິ້ງຢ່າງກະໂທຫາແຕ່ກູ້ໄພ ຍາມທຸກຍາມຍາກກະໂທດແຕ່ກູ້ໄພບໍ່ຊ່ວຍ ກູ້ໄພໄປຊ້າ ລະຕອນທີ່ເຈົ້າໄປຫລິ້ນໄປມ່ວນຄືບໍ່ໂທຊວນກູ້ໄພໄປນຳແນ່ ຝາກໄວ້ໃຫ້ຄິດ.

ແຟນເພຈທີ່ຮັກແພງ ທັງໝົດນີ້ ຄືຄໍາຊີ້ແຈງຂອງໜ້ວຍກູ້ໄພ ເຊິ່ງແນ່ນອນວ່າຕ້ອງມີສຽງວິພາກວິຈານໄປຕ່າງໆນາໆອີກຮອບແນ່ນອນ ແຕ່ແນວໃດກໍ່ຕາມ ຂໍໃຫ້ທຸກຄົນອ່ານແລະໄຕ່ຕອງ ພ້ອມໃຊ້ໃຈເປັນກາງຕັດສິນເລື່ອງລາວທີ່ເກີດຂຶ້ນ ພ້ອມສະແດງຄວາມຄິດເຫັນແບເປັນກາງເປັນທໍາ ແລະ ມີເຫດມີຜົນ.