ນະຄອນຫລວງຍັງບໍ່ປະ ມາດຕະການປັບໃໝຜູ້ມັກຖີ້ມຂີ້ເຫຍື້​ອຊະຊາຍ ໃຜລະເມີດກຽມຕົວໄວ້!

ນະຄອນຫລວງຍັງບໍ່ປະ ມາດຕະການປັບໃໝຜູ້ມັກຖີ້ມຂີ້ເຫຍື້​ອຊະຊາຍ ໃຜລະເມີດກຽມຕົວໄວ້!

21st October 2020 0 By Education

ງຽບໄປດົບເຕີບບໍເຫັນຂ່າວຄາວເລື່ອງການປັບໃໝໃສ່ໂທດພວກມັກງ່າຍລັກຖີ້ມຂີ້ເຫຍື້ອຊະຊາຍຕາມແຄມທາງຕ່າງໆໃນນະຄອນຫລວງວຽງຈັນ ແຕ່ນັ້ນບໍໄດ້ໝາຍຄວາມວ່າ ເຈົ້ານະທີ່ກ່ຽວຂ້ອງຈະຍົກເລີກລະບຽບການດັ່ງກ່າວ.​

ຫລ້າສຸດ,​ ຕອນເຊົ້າ ວັນທີ 20 ຕຸລາ 2020 ມີກຸ່ມຄົນບໍ່ດີມາລັກຖິມຂີ້ເຫຍື້ອຢູ່ເສັ້ນທາງຕັດໃຫມ່ຫນອງບືກ-ໜອງບົວທອງ ເຈົ້າໜ້າທີ່ກຳລັງດຳເນີນສືບຫາຜູ້ກະທຳຜິດມາລົງໂທດປັບໃໝ ແລະ ກ່າວເຕືອນຕາມນິຕິກຳທີ່ລະບຸໄວ້ຢ່າງເຂັ້ມງວດ.

ຄວາມຈີງການນຳຂີ້ເຫຍື້ອໄປຖີ້ມເອງເປັນສິ່ງທີ່ດີ ຖ້າຖີ້ມຖືກຈຸດບ່ອນທີ່ກຳນົດໃຫ້ ແຕ່ໃນທາງກົງກັນຂ້າມຫລາຍປີມານີ້ບໍລິສັດຍັງມີກຸ່ມຄົນສວຍໂອກາດຈຳນວນໜື່ງມັກລັກເອົາຂີ້ເຫຍື້ອທີ່ຕົນເອງໃຊ້ແລ້ວໄປຖີ້ມໃສ່ສະຖານທີ່ສາທາລະນະ ເຊິ່ງການກະທຳແບບນີ້ບໍພຽງບົ່ງບອກເຖິງການຂາດຄວາມຮັບຜິດຊອບຕໍ່ຕົນເອງເທົ່ານັ້ນ ແຕ່ຍັງຂາດຄວາມຮັບຜິດຊອບຕໍ່ສ່ວນລວມອີກດ້ວຍ.

ສັງຄົມຈະໜ້າຢູ່ ສິ່ງແວດລ້ອມຈະດີຫລື​ບໍຂື້ນຢູ່ກັບທຸກໆຄົນເປັນເຈົ້າການນຳກັນ ເປັນເຮົາບໍສາມາດປະຖີ້ມໜ້າທີ່ນີ້ໃຫ້ເຈົ້າໜ້າທີ່ກ່ຽວຂ້ອງພຽງຝ່າຍດຽວ ອີກຢ່າງຜູ້ທີ່ມັກຖີ້ມຂີ້ເຫຍື້ອບໍເປັນບ່ອນເປັນທີ່ຄວນຍອມເສຍເງິນໃຫ້ລົດຂີ້ເຫຍື້ອໄປເກັບຢູ່ໜ້າເຮືອນດີກວ່າເອົາໄປຖີ້ມໃຫ້ສັງຄົມປະນາມນໍ