ດ່ວນ! ພາຍຸມໍລະສຸມເຂດຮ້ອນ ຍົກລະດັບຄວາມຮຸນແຮງຂຶ້ນເປັນໄຕ້ຝຸ່ນ ເຕືອນກຽມຮັບມືໃຫ້ດີ

ດ່ວນ! ພາຍຸມໍລະສຸມເຂດຮ້ອນ ຍົກລະດັບຄວາມຮຸນແຮງຂຶ້ນເປັນໄຕ້ຝຸ່ນ ເຕືອນກຽມຮັບມືໃຫ້ດີ

22nd October 2020 0 By Education

ຄວາມທຸກຍາກຈາກໄພນໍ້າຖ້ວມທີ່ກໍາລັງປະເຊີນຢູ່ຍັງບໍ່ທັນໜີພົ້ນ, ອານິຈາພີ່ນ້ອງເອີຍ ພາຍຸມໍລະສຸມເຂດຮ້ອນ ທີ່ແອັດມິນແຈ້ງຂ່າວໄປມື້ວານນີ້ ຍົກລະດັບຄວາມຮຸນແຮງຂຶ້ນເປັນໂຕ່ຝຸ່ນແລ້ວ ເຕືອນພາກກາງ ແລະ ພາກໃຕ້ຂອງລາວກຽມຮັບມືໃຫ້ດີ.

ຍົກລະດັບຄວາມຮຸນແຮງກາຍເປັນໄຕ້ຝຸ່ນແລ້ວ

ພາຍຸ ມໍລະສຸມເຂດຮ້ອນ (Tropical storm) Saudel ໄດ້ຖືກຍົກລະດັບຄວາມຮຸນແຮງຂຶ້ນເປັນ ພາຍຸໄຕ້ຝຸ່ນ (Typhoon) ໂດຍສໍານັກງານ ອຸຕຸນິຍົມວິທະຍາ ຂອງປະເທດຍີ່ປຸ່ນ (Japan Meteorological Agency (JMA) ໃນຕອນເຊົ້າຂອງວັນທີ 22/10/2020 ຖືເປັນພາຍຸ ລູກທີ 7 ໃນປີ 2020 ທີ່ເກີດຂຶ້ນ ໃນມະຫາສະມຸດປາຊີຟິກ ດ້ານຕາເວັນຕົກ.

ພາຍຸໄຕ້ຝຸ່ນດັ່ງກ່າວ ກໍາລັງມຸ່ງໜ້າເຂົ້າສູ່ ພາກກາງ ຂອງ ສສ ຫວຽດນາມ  ແລະ ສປປ ລາວ  ຄາດວ່າ ຈະກໍ່ໃຫ້ເກີດຝົນຕົກໜັກ, ລົມແຮງ ແລະ ນໍ້າຖ້ວມ ເປັນບໍລິເວນກ້ວາງ ໃນລະຫວ່າງວັນທີ 25-26/10/2020 ນີ້; ຂໍໃຫ້ທຸກຄົນຈົ່ງລະມັດລະວັງ.

ທີ່ມາ: Lao Youth Radio FM 90.0 Mhz