ຂໍ້ຄິດດີໆ! ເຮັດວຽກໃສ່ສູດ ຢ່າດູຖູກອາຊີບແມ່ຄ້າພໍ່ຄ້າຍູ້ລົດເຂັນຂາຍເຄື່ອງ

ຂໍ້ຄິດດີໆ! ເຮັດວຽກໃສ່ສູດ ຢ່າດູຖູກອາຊີບແມ່ຄ້າພໍ່ຄ້າຍູ້ລົດເຂັນຂາຍເຄື່ອງ

9th November 2020 0 By Education

ຄົນເຮົາທຸກຄົນເກີດມາກໍ່ໃຝາຝັນ ຢາກມີວຽກເຮັດງານທໍາທີ່ດີ ມີໜ້າມີຕາ ໃນສັງຄົມ ໄດ້ແຕ່ງຕົວດີ ມີຊຸດເທ່ໆງາມໆໃສ່ ນັ່ງເຮັດວຽກໃນຫ້ອງແອ ກັນທັງນັ້ນ, ຄົງບໍ່ມີໃຜຢາກເຮັດກວຽກໜັກ ຄ້າຂາຍເມື່ອຍກາຍ ແຕ່ງຕົວທໍາມະດາ ຮ່າງກາຍເປື້ອນເຫື່ອຢູ່ຕະຫຼອດເວລາ. ຍິ່ງໄປກວ່ານັ້ນ ອາດຖືກກຸ່ມຜູ້ແບ່ງຊົນຊັ້ນ ຢຽດອາຊີບຄົນອື່ນມາເວົ້າດູຖູກດູໝິ່ນ ອາຊີບທີ່ຄົນເຫຼົ່ານີ້ເຮັດຢູ່ ເນື່ອງຈາກຄ່ານິຍົມຫຼາຍຢ່າງທີ່ຖືກປູກຝັງມາແຕ່ດົນນານ.

ແຕ່ຄວາມຈິງແລ້ວ ທຸກອາຊີບມີກຽດເທົ່າກັນ ແລະ ບໍ່ໄດ້ແປວ່າການທີ່ແຕ່ງຕົວທໍາມະດາ ຢືນຂາຍເຄື່ອງເຫື່ອໄຫຼຖ້ວມຕົວ ຈະຕ້ອງເປັນອາຊີບຂອງຄົນທຸກຈົນເທົ່ານັ້ນ ໂດຍເຟສບຸກເພຈ ໄດ້ຄິດກໍ່ຄິດໄດ້ ໄດ້ເຜີຍເລື່ອງລາວສະທ້ອນສັງຄົມໄວ້ວ່າ: ໃນຂະນະທີ່ຄົນຂາຍໄກ່ທອດ, ເຂົ້າໜຽວຕໍາໝາກຮຸ່ງໂດຍການຍູ້ລົດເຂັນຂາຍ ຊື້ລົດຄັນລະຫຼາຍລ້ານບາດດ້ວຍເງິນສົດ ແຕ່ພະນັກງານລະດັບສູງແຕ່ງຕົວຫຼູຫຼາເປັນໜີ້ແມ້ກະທັ້ງຊື້ໂທລະສັບມືຖືໜ່ວຍດຽວ.

ບໍ່ມີວຽກໃດທີ່ຈະໝັ້ນຄົງກວ່າວຽກໃດໆ ເພາະທຸກວຽກຕ້ອງໃຊ້ແຮງກາຍແຮງໃຈເຮັດ ບໍ່ໄປເຮັດກໍ່ບໍ່ໄດ້ເງິນ ຫາຊ່ອງທາງຂອງຕົນເອງໃຫ້ເຫັນ ແລ້ວວຽກທີ່ເໝາະສົມ ແລະ ເງິນທີ່ໄດ້ຈະສ້າງຄວາມສຸກໃນການໃຊ້ຊີວິດໃຫ້ກັບຕົວເຮົາເອງ.

ແນວໃດກໍ່ຕາມ ຢ່າໄດ້ດູໝິ່ນຄົນທີ່ເຮັດອາຊີບເຫຼົ່ານີ້ ຢ່າໄດ້ດູໝິ່ນຄົນທີ່ເຄື່ອງນຸ່ງ ແລະສິ່ງທີ່ເຫັນ, ອີກຢ່າງຄົນເຫຼົ່ານີ້ບໍ່ມີດອກບັດເຄດິດ, ເຂົາເຈົ້າມີແຕ່ເງິນສົດ ເຂົາເຈົ້າຄືມະນຸດເງິນສົດ ມະນຸດເງິນລ້ານ ຖ້າບໍ່ແມ່ນຄວາມຈິງ ພວກເຂົາບໍ່ຍອມຖິ້ມໄຮ່ນາຮົ້ວສວນມາເຂັນລົດຂາຍໝາກໄມ້ໃນຕົວເມືອງໃຫຍ່ດອກ.

ຝາກໄວ້ອີກຢ່າງ ຄົນເຮົາມີຫຼາຍຫຼາຍ ອາຊີບກໍ່ເຊັ່ນກັນ ແລ້ວແຕ່ວ່າໃຜຈະເຮັດຫຍັງ ຄົນເຮົາເກີດມາ ມີຄວາມຝັນກັນທຸກຄົນ ແຕ່ທັງນີ້ທັ້ງນັ້ນ ມັນກໍ່ຂຶ້ນກັບຄວາມພໍໃຈຂອງແຕ່ລະຄົນເຊັ່ນດຽວກັນ.