ເຕືອນໄພໃກ້ຕົວ! ແມ່ພາລູກນ້ອຍໄປພົບແພດຫຼັງເຈັບຫູແຮງ ພົບສາເຫດມາຈາກສິ່ງນີ້ ເຮືອນໃຜມີ ໃຊ້ໃຫ້ເປັນ…

ເຕືອນໄພໃກ້ຕົວ! ແມ່ພາລູກນ້ອຍໄປພົບແພດຫຼັງເຈັບຫູແຮງ ພົບສາເຫດມາຈາກສິ່ງນີ້ ເຮືອນໃຜມີ ໃຊ້ໃຫ້ເປັນ…

9th November 2020 0 By Education

ເປັນອຸທາຫອນສໍາລັບພໍ່ແມ່ຜູ້ລ້ຽງລູກນ້ອຍໄດ້ນໍາມາເປັນບົດຮຽນ ຫຼັງມີແມ່ທ່ານໜຶ່ງໄດ້ແຊປະສົບການທີ່ເກີດຂຶ້ນກັບລູກສາວ ຫຼັງຈາກທີ່ໃຊ້ໄມ້ຜັນຫູ ເຊິ່ງຫຼາຍໆເຮືອນກໍ່ຄົງໃຊ້ບໍ່ຕ່າງກັນ ແຕ່ຄັ້ງນີ້ ເຮັດໃຫ້ເດັກນ້ອຍເຈັບຫຼາຍເຖິງຂັ້ນຕ້ອງໄປພົບແພດ ເນື່ອງຈາກເກີດອາການອັກເສບຢ່າງຮຸນແຮງ.

ເລື່ອງລາວທີ່ແອັດກໍາລັງຈະກ່າວເຖິງນີ້ ແມ່ນເກີດຂຶ້ນຢູ່ປະເທດໄທ ແຕ່ຍ້ອນເຫັນວ່າມັນເປັນເລື່ອງໃກ້ຕົວຈຶ່ງຢາກຍົກເອົາມາເຕືອນເປັນອຸທາຫອນໃຫ້ກັບພໍ່ແມ່ ໄດ້ລະມັດລະວັງ ແລະ ເອົາໃຈໃສ່ເລື່ອງເລັກໆນ້ອຍໆແບບນີ້ໄວ້ ເພື່ອບໍ່ໃຫ້ເກີດມີອັນຕະລາຍກັບລູກຂອງທ່ານເອງ.

ໂດຍເຈົ້າຂອງໂພສເລື່ອງລາວດັ່ງກ່າວເຜີຍວ່າ: ເຄີຍເຫັນບັນດາແມ່ເຕືອນຢູ່ໃນກຸ່ມເຟສບຸກເລື່ອງໄມ້ຜັນຫູ ບໍ່ຄິດວ່າມື້ນີ້ມັນຈະເກີດຂຶ້ນກັບລູກສາວຂອງຕົນເອງ ເພາະຫຼັງອາບນໍ້າແມ່ຈະໃຊ້ໄມ້ຜັນຫູເຊັດອ້ອມຮອບນອກຫູ ແລະ ບາງຄັ້ງກໍ່ໃຊ້ເຂົ້າໄປປັ່ນໃນຫູລູກເພື່ອເຊັດຄາບນໍ້າ ແລະ ຂີ້ຫູ ຈົນມາ 2ວັນທີ່ແລ້ວ ລູກສາວຈົ່ມວ່າເຈັບຫູ ແມ່ສ່ອງເບິ່ງກໍ່ບໍ່ເຫັນມີຫຍັງຜິດປົກກະຕິ ແມ່ຖາມນ້ອງວ່າປວດຫຼາຍບໍ່ ນ້ອງບອກບໍ່ຫຼາຍ ແມ່ຈຶ່ງຄິດວ່ານ້ອງອາດນອນທັບຫູຕົນເອງເປັນເວລາດົນເລີຍເຮັດໃຫ້ປວດ.

ຈົນມື້ຕໍ່ມານ້ອງກໍ່ຈົ່ມວ່າເຈັບຫູອີກ ແມ່ກໍ່ສ່ອງເບິ່ງ ປາກົດວ່າທາງໃນມັນແດງໆ ແລະ ບວມ ແມ່ເລີຍພານ້ອງໄປພົບແພດ, ແພດບອກວ່າມັນເກີດຈາກທາງໃນອັກເສບ ແລະ ມີຂີ້ຫູເປັນຈໍານວນຫຼາຍຢູ້ທາງໃນ ແພດຈຶ່ງທໍາການໃຊ້ເຄື່ອງດູດດອອກ ແລະ ໃຊ້ຢາຢອດລົງໄປ ແລ້ວເອົາຜ້າປິດໄວ້.

ທັ້ງນີ້ ແພດກໍ່ໄດ້ແນະນໍາບໍ່ໃຫ້ໃຊ້ແນວຜັນຫູແຫຍ່ເຂົ້າໄປທາງໃນເດັດຂາດ ແຕ່ກໍ່ສາມາດປັ່ນອ້ອມຮອບນອກຫູໄດ້ປົກກະຕິ ເພາະອັນຕະລາຍເຖິງຂັ້ນເຮັດໃຫ້ຫູໜວກໄດ້ ຈຶ່ງຢາກຝາກເຕືອນພໍ່ແມ່ທັງຫຼາຍໃຫ້ລະວັງ ນໍາມາເປັນອຸທາຫອນນໍາກັນ.