ເອົາແຕ່ຊິເປັນໄປ! ໜຸ່ມຂາຍໝາກໄຂ່ຫຼັງແລກຊື້ໄອໂຟນ ໂຊກຮ້າຍແຜຕິດເຊື້ອນອນຕິດຕຽງລຸກໄປໃສບໍ່ໄດ້

ເອົາແຕ່ຊິເປັນໄປ! ໜຸ່ມຂາຍໝາກໄຂ່ຫຼັງແລກຊື້ໄອໂຟນ ໂຊກຮ້າຍແຜຕິດເຊື້ອນອນຕິດຕຽງລຸກໄປໃສບໍ່ໄດ້

13th November 2020 0 By Education

ເບິ່ງຄືເປັນແບບເລື່ອງເວົ້າຫຼິ້ນແຕ່ຄວາມເປັນຈິງກໍ່ມີ ການຂາຍອະໄວຍະວະໃນຕະຫຼາດມືດ ທາງອອນໄລນ໌ ເພື່ອປ່ຽນໃຫ້ເປັນເງິນຈຳນວນຫຼາຍ ນຳໄປຊື້ເຄື່ອງໃນລາຄາແພງໆແລະນຳຍຸກສະໄໝເຊັ່ນວ່າ: ໂທລະສັບມືຖື IPhone ທີ່ມັກຈະມີສັງຄົມເວົ້າຮອດເປັນປະຈຳ ເມື່ອມີຂ່າວການເປີດໂຕລຸ່ນໃໝ່ລ່າສຸດອອກມາ.

ເລື່ອງລາວນີ້ເກີດຂຶ້ນຈິງທີ່ປະເທດຈີນໃນປີ 2011 ໃນລະຫວ່າງທີ່ IPhone 4 ອອກມາໃໝ່ໆ ຊາຍໄວລຸ່ນຊື່ວ່າ Xiao Wang ອາຍຸ 17ປີໃນຕອນນັ້ນລາວໄດ້ມີຄວາມຕ້ອງການຢາກໄດ້ມັນມາຄອບຄອງ ແຕ່ເນື່ອງຈາກສະຖານະທາງຄອບຄົວບໍ່ອຳນວຍຈຶ່ງເປັນເລື່ອງທີ່ຍາກທີ່ຈະໄດ້ມາ.

ສື່ຈີນລາຍງານວ່າ ລາວມີຄວາມຕ້ອງການ IPhone 4 ເປັນຢ່າງສູງ ເພາະທົ່ວໂຮງຮຽນຕ່າງກໍ່ມີຄົນເວົ້າເປົ່າຫູຕໍ່ໆກັນມາ ໃຜທີ່ໃຊ້ກໍ່ຈະເບິ່ງຄືວ່າເໜືອກ່ອນໝູ່ໃນໂຮງຮຽນ ແຕ່ລາວບໍ່ມີເງິນຫຼາຍພໍທີ່ຈະຊື້ລາວຈຶ່ງຊອກຫາຊ່ອງທາງໃຫ້ໄດ້ເງິນໃນເວລາສັ້ນໆ.

ຈາກການທີ່ລາວເຄີຍໄດ້ຍິນເລື່ອງເລົ່າມາວ່າມະນຸດສາມາດມີຊີວິດຢູ່ຕໍ່ໄດ້ເຖິງຈະມີໝາກໄຂ່ຫຼັງຂ້າງດຽວ ລາວຈຶ່ງໄດ້ຊອກຫາໂຮງໝໍເຖື່ອນທີ່ຮັບຊື້ໝາກໄຂ່ຫຼັງແລະເພື່ອສອບຖາມການຕີລາຄາໝາກໄຂ່ຫຼັງຂອງລາວ ສະຫຼຸບແລ້ວມູນຄ່າໝາກໄຂ່ຫຼັງຂອງລາວຕົກຢູ່ປະມານ 22,000ຢວນ ມັນຫຼາຍກ່ອນລາຄາ IPhone 4ອີກ.

ລາວຈຶ່ງບໍ່ຊັກຊ້າຮີບເດີນທາງໄປຜ່າຕັດເອົາໝາກໄຂ່ຫຼັງອອກແລະນຳເງິນຈາກການຂາຍໄປຊື້ IPhone 4ທັນທີ ໝໍທີ່ຜ່າຕັດໄດ້ບອກກັບລາວວ່າ ລາວຍັງໃຊ້ຊີວິດໄດ້ຕາມປົກກະຕິຄືເກົ່າ ຫຼັງຈາກທີ່ພັກຟື້ນປະມານ1ອາທິດຫຼັງຜ່າຕັດ ແຕ່ໂຊກຮ້າຍເພາະສະພາບແວດລ້ອມຂອງການຜ່າຕັດມັນບໍ່ມີຄວາມສະອາດ ບໍ່ປອດເຊື້ອຈຶ່ງເປັນສາເຫດທີ່ເຮັດໃຫ້ບາດແຜການຕິດເຊື້ອຢ່າງຮຸນແຮງ.

ທາງຄອບຄົວຂອງລາວຈຶ່ງຮີບນຳສົ່ງລາວໄປໂຮງໝໍ ກໍ່ພົບວ່າການເຮັດວຽກຂອງໝາກໄຂ່ຫຼັງໄດ້ຮັບຜົນກະທົບໜັກຈາກການຜ່າຕັດແລະບໍ່ສາມາດເໜັງຕີງຮ່າງກາຍໄປໃສໄດ້ຕາມປົກກະຕິ ຕ້ອງນອນເປັນຄົນປ່ວຍຕິດຕຽງຕັ້ງແຕ່ນັ້ນເປັນຕົ້ນມາ ຊ້ຳບໍ່ໜຳທາງຄອບຄົວຕ້ອງປະສົບກັບບັນຫາທາງການເງິນ ເພື່ອນຳມາໃຊ້ສຳລັບການຟອກເລືອດເພື່ອຕໍ່ຊີວິດໃນລາວຢ່າງຕໍ່ເນື່ອງ.