ເປັນຕາຢ້ານ! ໂລກຫອຍຄົນລະບາດໜັກໃນໄທ ຕອນນີ້ມີຄົນປ່ວຍແລ້ວເກືອບ 200ຄົນ

ເປັນຕາຢ້ານ! ໂລກຫອຍຄົນລະບາດໜັກໃນໄທ ຕອນນີ້ມີຄົນປ່ວຍແລ້ວເກືອບ 200ຄົນ

13th November 2020 0 By Education

ຈາກຂ່າວ ໂລກຫອຍຄັນ ກໍາລັງລະບາດໜັກຢູ່ ຈັງຫວັດສົງຂາ ປະເທດໄທ ເຮັດໃຫ້ແອັດສະດຸ້ງຂຶ້ນມາໄດ້ ເພາະບໍ່ເຄີຍເຫັນຫອນຄັນກິນຄົນຫຼາຍຂະໜາດນີ້ ຈຶ່ງຢາກຍົກເອົາມາເຕືອນສະຕິພີ່ນ້ອງຊາວໄຮ່ນາລາວເຮົາທຸ້ກຄົນໃຫ້ລະມັດລະວັງນໍາກັນແນ່.

ຂ່າວໄທລັດ ລາຍງານໃຫ້ຮູ້ວ່າ ຈາກກ່ອນໜ້ານີ້ທີ່ເກິີດມີຜູ້ປ່ວຍເປັນຕຸ່ມເຕັມແຂ່ງຂາຈໍານວນຫຼາຍສິບຄົນເຂົ້າມາພົບແພດໝໍ ເພື່ອຫາສາເຫດ ແລະ ເລັ່ງປິ່ນປົວນັ້ນ ຫຼ້າສຸດ ຜົນອອກມາແລ້ວ ຢືນຢັນວ່າເປັນໂລກພະຍາດຫອຍຄັນ⁣ (Cercarial dermatitis ຫຼື Swimmer’sitch).

ເຊິ່ງເກີດຈາກການສໍາຜັດແຫຼ່ງນໍ້າຈືດທີ່ມີໂຕອ່ອນພະຍາດໃບໄມ້ເລືອດຂອງສັດທີ່ຢູ່ໃນຫອຍຄັນ ຊຶມເຂົ້າສູ່ຜິວໜັງ ແຕ່ເຊື້ອພະຍາດນີ້ບໍ່ສາມາດຈະເລີນເຕີບໂຕໃນຄົນໄດ້ ໂຕອ່ອນຈະມີຊີວິດຢູ່ໃນຮ່າງກາຍຄົນບໍ່ເກີນ 1ຊົ່ວໂມງ ແລະ ໂລກນີ້ກໍ່ບໍ່ຕິດຕໍ່ຈາກຄົນສູ່ຄົນໄດ້.

ດ້ານອາການທີ່ພົບມີລັກສະນາເປັນຜື່ນຜິວໜັງອັກເສບທີ່ມີອາການຄັນ ຜື່ນຈະເກີດບໍລິເວນທີ່ສໍາຜັດກັບພະຍາດໂຕອ່ອນ ເກີດຈາກການຕອບສະໜອງຂອງລະບົບພູມຄຸ້ມກັນຮ່າງກາຍ ຜື່ນເກີດພາຍໃນບໍ່ເທົ່າໃດນາທີຈົນເຖິງເປັນວັນ ອາການຂອງຜື່ນເກີດປະມານ 1_2ອາທິດ ມີອາການຫຼາຍໃນຊ່ວງ 1-2 ວັນທໍາອິດ ອາການຈະຮຸນແຮງຫຼາຍຂຶ້ນ ຫາກເຄີຍເປັນມາກ່ອນແລ້ວ.

ສ່ວນການຮັກສາໃນຜູ້ປ່ວຍທີ່ມີອາການຄັນ ໃຫ້ທາຢາແກ້ຄັນ ຫາກຜູ້ທີ່ມີອາການຄັນຫຼາຍ ແລະ ມີອາການແພ້ ຕ້ອງຮີບໄປພົບແພດທັນທີ.