ສຸດສະລົດ! ສາວໄຕ້ຫວັນເສຍຊີວິດ ຫຼັງຫຼົກແຂ້ວມື້ດຽວ 20ເຫຼັ້ມ

ສຸດສະລົດ! ສາວໄຕ້ຫວັນເສຍຊີວິດ ຫຼັງຫຼົກແຂ້ວມື້ດຽວ 20ເຫຼັ້ມ

22nd November 2020 0 By Education

ສາວໄຕ້ຫວັນມີອາການປວດແຂ້ວຫຼາຍ ແພດຈຶ່ງທໍາການຖອນແຂ້ວໃຫ້ຜູ້ກ່ຽວ 20ເຫຼັ້ມພາຍໃນການຮັກສາຄັ້ງດຽວ ພໍຕື່ນເຊົ້າຂຶ້ນມາ ຜູ້ກ່ຽວກໍ່ສະຫຼົບ ຕ້ອງໄດ້ຫາມເຂົ້າໂຮງໝໍດ່ວນ ແລະ ກໍ່ໄດ້ເສຍຊີວິດລົງໃນທີ່ສຸດ.

ຍິງສາວຊາວໄຕ້ຫວັນ ອາຍຸ 34ປີ ມີອາການປວດແຂ້ວຫຼາຍ ຈຶ່ງຕັດສິນໃຈໄປຄລີນິກທັນທີທີ່ຢູ່ໃກ້ບ້ານ ແຕ່ເນື່ອງຈາກອາການຂອງລາວໜ້າຈະໜັກພໍປະມານ ທາງຄີນິກຈຶ່ງສົ່ງຕົວຜູ້ກ່ຽວໄປຍັງພະແນກກ່ຽວຂ້ອງເພື່ອປິ່ນປົວຕໍ່ແທນ

ພໍ່ຂອງສາວໄຕ້ຫວັນຄົນນີ້ເລົ່າວ່າ: ໄປຮອດໂຮງໝໍເວລາ 9:00 ໂມງ ໄດ້ສົ່ງຕົວລູກສາວເຂົ້າກວດ ຫຼັງຈາກກການວິນິດໄສ ແພດຕັດສິນໃຈຖອນແຂ້ວທີ່ຜຸຂອງລາວອອກ ແລະ ຂັ້ນຕອນການຫຼົກແຂ້ວສິ້ນສຸດລົງໃນເວລາ 14:00ໂມງ ໃຊ້ເວລາຖອນແຂ້ວເຖິງ 5ຊົາວໂມງ.

ແພດໄດ້ແຈ້ງໃຫ້ພໍ່ຮັບຮູ້ຫຼັງຈາກການປິ່ນປົວວ່າ ໄດ້ຫຼົກແຂ້ວລູກສາວໄປທັງໝົດ 20ເຫຼັ້ມ ເຮັດໃຫ້ພໍ່ຕົກໃຈຫຼາຍ ຈຶ່ງຖາມກັບໄປວ່າ ຈຶ່ງຫຼົກຮອດ 20ເຫຼັ້ມໃນເວລາດຽວກັນ ແພດຕອບວ່າ ຈະຫຼົກແຂ້ວ 1 ຫຼື 20ເຫຼັ້ມກໍ່ບໍ່ຕ່າງກັນ.

ຈາກນັ້ນລູກສາວກໍ່ມີອາການບໍ່ດີປານໃດ ຫຼັງຈາກກັບຮອດເຮືອນກໍ່ເປັນລົມໝົດສະຕິ ທາງຄອບຄົວຈຶ່ງຮີບນໍາຕົວສົ່ງໂຮງໝໍທັນທີ ຫຼັງຜ່ານໄປ 9ວັນ ແພດໄດ້ແຈ້ງວ່າລູກສາວມີອາການສະໝອງຕາຍ ພໍ່ແມ່ຈຶ່ງຕັດສິນໃຈໃຫ້ທ່ານໝໍຖອດເຄື່ອງຊ່ວຍຫາຍໃຈອອກດ້ວຍຄວາມເຈັບປວດ.

ແພດຜູ້ຮັບຜິດຊອບເຄສນີ້ອອກມາຊີ້ແຈງວ່າ ເຂົາໄດ້ອະທິບາຍລາຍລະອຽດການຜ່າຕັດໃຫ້ສາວໄຕ້ຫວັນຄົນນີ້ຮູ້ແລ້ວ ແລະ ໃຫ້ດົມຢາສະຫຼົບກ່ອນຜ່າຕັດ, ຫຼັງຜ່າຕັດແພດໄດ້ສັງເກດອາການຂອງນາງເປັນເວລາ 2ຊົາວໂມງ ກ່ອນທີ່ຈະອະນຸຍາດໃຫ້ກັບບ້ານ.

ດ້ານຜົນການຊັນນະສູດ ອອກມາວ່າເປັນເພາະອາການປອດບວມ ຢ່າງໃດກໍ່ຕາມ ສະມາຊິກຂອບຄົວ ໄດ້ຕັ້ງຂໍ້ສົງໃສວ່າສາເຫດການຈົບຊີວິດຂອງນາງມາຈາກການຫຼົກແຂ້ວ ເນື່ອງຈາກລູກສາວຂອງພວກກ່ຽວມີສຸຂະພາບດີມາໂດຍຕະຫຼອດ ອາການມາຊຸດລົງຫຼັງຈາກຫຼົກແຂ້ວ ທາງຄອບຄົວຈຶ່ງທໍາການຍື່ນເລື່ອງໃຫ້ມີການກວດສອບເພີ່ມເຕີມໃນເລື່ອງນີ້.

ຂອບໃຈທີ່ມາ: http://redchili21.my