ວິລະບູຈັດໜັກຮື້ໝົດປ້າຍຜິດລະບຽບ ແລະຫຼັກການ

ວິລະບູຈັດໜັກຮື້ໝົດປ້າຍຜິດລະບຽບ ແລະຫຼັກການ

1st December 2020 0 By Education

ໃນທຸກປະເທດລ້ວນມີລະບຽບຂອງໃຜລາວ ແລະປະເທດເຮົາເອງກໍ່ມີກົດໝາຍວ່າດ້ວຍປ້າຍຂຶ້ນມາເພຶ່ອເປັນເຄື່ອງມືໃນການສົ່ງເສີມ ແລະຄຸ້ມຄອງການຂຶ້ນປ້າຍແລ້ວ ຈິ່ງຕ້ອງນຳໃຊ້ເຂົ້າໃນພາກປະຕິບັດຕົວຈີງຢ່າງເຂັ້ມງວດ.

ໃນຕອນເຊົ້າວັນທີ 30 ພະຈິກ 2020 ນີ້ ທາງຫ້ອງການ ຖະແຫຼງຂ່າວ,​ວັດທະນະທໍາ ແລະ ທ່ອງທ່ຽວເມືອງວິລະບູລີ ເຊິ່ງນໍາໂດຍ ທ່ານ ບົວຜັນ ວັນວິໄລ ຮອງຫົວໜ້າຫ້ອງການ ຖວທ ເມືອງ ພ້ອມດ້ວຍພະນັກງານວິຊາການໃນໜ່ວຍງານວັດທະນະທໍາ ໄດ້ລົງເກັບກູ້ປ້າຍຕາມຮ້ານຂາຍເຄື່ອງຕ່າງໆພາຍໃນເມືອງ ທີ່ພິມບໍ່ຕ້ອງຕາມຫຼັກໄວຍາກອນຂອງລາວເຮົາ ໂດຍສະເພາະກໍ່ແມ່ນປ້າຍຂອງຊາວຕ່າງປະເທດ ທີ່ບໍ່ຖືກຕ້ອງຕາມລະບຽບການ.

ພ້ອມດຽວກັນນີ້ຍັງໄດ້ແນະນໍາໃຫ້ເຂົາເຈົ້າ ໃຫ້ປະຕິບັດຕາມລະບຽບຫຼັກການຢ່າງເຂັ້ມງວດ ໃນການດໍາເນີນທຸລະກິດຢູ່ ສປປ ລາວ.

ແນ່ນອນການດຳເນີນທຸລະກິດຢູ່ທຸກປະເທດຕ້ອງເຄົາລົບລະບຽບກົດໝາຍຂອງປະເທດນັ້ນ ເຊັ່ນດຽວກັບການເຮັດປ້າຍ ຕິດປ້າຍກໍ່ຕ້ອງຜ່ານຂັ້ນຕອນການຂໍອະນຸຍາດ ແລະໄດ້ຮັບການກວດຜ່ານກ່ອນຈະນຳມາຕິດຕັ້ງ ເພື່ອຄວາມສະບາຍໃຈຂອງທຸກຝ່າຍ.


ທີ່ມາ: News Vilabouly