ຕາມນີ້ ສຳລັບຜູ້ໃດຈະຂຶ້ນທາງດ່ານ

ຕາມນີ້ ສຳລັບຜູ້ໃດຈະຂຶ້ນທາງດ່ານ

1st December 2020 0 By Education

ເນື່ອງຈາກທາງດ່ວນທີ່ຜ່ານມາບ້ານເຮົາບໍ່ເຄີຍມີ ຈິ່ງບໍ່ແປກທີ່ປະຊາຊົນລາວຕ້ອງໄດ້ຮຽນຮູ້ໃໝ່ກ່ຽວກັບກົດລະບຽບການຂຶ້ນທາງດ່ວນກ່ອນຈິ່ງຂັບລົດໄປ ເຊິ່ງບໍ່ແມ່ນເລື່ອງຍາກໜັກໜາແຕ່ກໍ່ສຳຄັນຖ້າໄດ້ຮູ້ກ່ອນການໃຊ້ບໍລິການຕົວຈີງ.

ໂດຍປະຈຸັນເສັ້ນທາງດ່ວນ ວຽງຈັນ-ວັງວຽງ”ສ້າງສຳເລັດເປັນທີ່ຮຽບຮ້ອຍແລ້ວ ເລີ່ມເປີດໃຫ້ຜູ້ໃຊ້ລົດໃຊ້ຖະໜົນໄດນຳໃຊ້ນັບແຕ່ວັນທີ 2 ທັນວາ 2020 ນີ້ ເປັນຕົ້ນໄປ ດັ່ງນັ້ນແອັດຈິ່ງນຳເອົາກົດລະບຽບການຂຶ້ນທາງດ່ວນມາໃຫ້ທຸກຄົນໄດ້ອ່ານເພື່ອເປັນຄວາມຮູ້.


ທາງດ່ວນມີ 2 ເລນ ໄປ-ກັບ ແລະ ມີເລນອີກ 1 ເລນ ດ້ານຂວາ ທີ່ທາງເສັ້ນຍາວໆໄປຄືເລນທີ່ກຽມຊິດຂວາ ເພື່ອຂື້ນ ແລະ ລົງ ທາງດ່ວນ ຫຼືເຫດສຸກເສີນ.

ສຳລັບໃຜຢາກໃຊ້ຄວາມໄວບໍ່ເກີນ 100km/h ແນະນຳໃຫ້ແລ່ນເລນຂວາ ເພື່ອເປີດທາຝໃຫ້ຜູ້ທີ່ແລ່ນໄວກວ່າ, ສຳລັບໃຜທີ່ຢາກໃຊ້ຄວາມໄວເກີນ 100km/h ຂື້ນໄປ ແນະນຳໃຊ້ເລນຊ້າຍ.


ເວລາຂີ່ລົດຢູ່ໃຫ້ທ່ານໝັ່ນສັງເຫດເບິ່ງປ້າຍຈະລາຈອນເຊັ່ນ: ຫຼຸດຄວາມໄວ, ຈຸດກຽມລົງທາງດ່ວນ , ໃກ້ຈະເຖິງດ່ານເກັບເງິນ ຫຼື ຈຸດແວ່ປ້ຳນຳ້ມັນເພື່ອພັກລົດ ພ້ອມນີ້ກໍ່ໃຫ້ຮັກສາໄລຍະຫ່າງລະຫວ່າງແຕ່ລະຄັນ 100-200 ແມັດ.

ຂໍ້ຫ້າມການນຳໃຊ້ທາງດ່ວນ
1 ຫ້າມບໍ່ໄຫ້ລົດທີ່ມີຄວາມຈຸຕຳ່ກວ່າ 350CC ຫຼື ລົດຈັກຂື້ນທາງດ່ວນ (ແລ້ວຈະມີການກວດສະພາບລົດທີ່ໄດ້ມາດຕະຖານຢູ່ທີ່ຈຸດເກັບເງິນ) .


2 ຫ້າມຈອດລົດ ຫຼື ລົງຈາກລົດໃນຂະນະທີ່ຢູ່ທາງດ່ວນ (ນອກຈາກບ່ອນທີ່ກຳນົດໄວ້).
3/ ຫ້າມລົດບັນທຸກທີ່ນຳ້ໜັກເກີນກົດໝາຍທີ່ກຳນົດໄວ້ປະມານ 10ໂຕ່ນຜ່ານທາງດ່ວນ (ເພາະມີຈຸດຊັ່ງນຳ້ໜັກ ) .