ບໍ່ແກ້ວແຈ້ງໃໝ່ມື້ນີ້ ຕ້ອງເຄັ່ງຕໍ່ການເຂົ້າ-ອອກຫຼາຍຂຶ້ນ

ບໍ່ແກ້ວແຈ້ງໃໝ່ມື້ນີ້ ຕ້ອງເຄັ່ງຕໍ່ການເຂົ້າ-ອອກຫຼາຍຂຶ້ນ

8th December 2020 0 By Education

ມາດຕະການລັອກດາວເມືອງຕົ້ນເຜິ້ງທີ່ປະຕິບັດກັນມາແລ້ວ 3-4 ມື້ເຫັນວ່າຍັງຕ້ອງເພີ່ມຄວາມເຂັ້ມງວດຫຼາຍຂື້ນກວ່າເກົ່າ ເພື່ອອຳນວຍຄວາມສະດວກແກ່ເຈົ້າໜ້າທີ່ກວດກາເວນຍາມ ແລະຄະນະສະເພາະກິດ ຈິ່ງມີແຈ້ງການໃໝ່ຄົນໃນຫ້າມອອກຄົນນອກຫ້າມເຂົ້າ, ຫາກຄົນໃນຕ້ອງອອກຕ້ອງກຽມເຄື່ອງຂອງໄປໃຫ້ຄົບ 14 ວັນກ່ອນຈິ່ງກັບຄືນ.

ເມືອງຕົ້ນເຜີ້ງແຂວງບໍ່ແກ້ວໄດ້ປະກາດລັອກດາວເປັນເວລາ 14 ວັນ ເພື່ອປ້ອງກັນໂຄວິດ-19 ເຊິ່ງມາຮອດວັນທີ 7 ທັນວາ 2020 ຄະນະສະເພາະກິດຂອງແຂວງໄດ້ຈັດປະຊຸມກັນໃໝ່ ແລະຫຼ້າສຸດໃນວັນທີ 8 ທັນວາ 2020 ນີ້ ຫ້ອງວ່າການປົກຄອງແຂວງໄດ້ອອກແຈ້ງການເພີ່ມເຕີມອອກມາໃໝ່ ໃຫ້ປະຕິບັດມາດຕະການເຂົ້າ-ອອກຂອງພົນລະເມືອງເຂັ້ມງວດກວ່າເກົ່າ.

ໃນນັ້ນໄດ້ເນັ້ນໜັກພິເສດໄລຍະນີ້ແມ່ນບໍ່ອະນຸຍາດໃຫ້ພະນັກງານທະຫານ, ຕຳຫຼວດ ຕະຫຼອດຮອດພໍ່ແມ່ປະຊາຊົນເຂົ້າ-ອອກເມືອງຕົ້ນເຜິ້ງໂດຍເດັດຂາດ ຈົນກວ່າຈະມີແຈ້ງການໃຫ້ເຂົ້າ-ອອກໄດ້ ສ່ວນພະນັກງານທະຫານ, ຕຳຫຼວດ ຫາກມີວຽກຈຳເປັນແມ່ນໃຫ້ແກ້ໄຂສື່ສານທາງອອນລາຍເປັນຊ່ອງທາງປະສານງານ, ກໍລະນີມີວຽກຈຳເປັນຕ້ອງອອກຈາກເມືອງແມ່ນໃຫ້ກຽມເຄື່ອງໄປຢູ່ຈົນຄົບ 14 ວັນຈິ່ງກັບຄືນໄດ້.

ການຂົນສົ່ງສິນຄ້າຈຳເປັນໃນໄລຍະນີ້ແມ່ນໃຫ້ຕ້ອງແຈ້ງຊື່ ນາມສະກຸນຄົນຂັບ, ຕົຍຂັບມາປ່ຽນ ປ້າຍລົດຕ່າງໃຫ້ຄະນະສະເພາະກິດຄົ້ນຄວ້າພິຈາລະນາສາກ່ອນ ແລະອະນຸຍາດໃຫ້ຜ່ານໄດ້ໃນເວລາ 8-18:00 ໂມງເທົ່ານັ້ນ.