ອຸທາຫອນ! ບີບສິວຢູ່ດັງ ເປັນເຫດໃຫ້ໃບໜ້າບວມປູດ ຈາກສາວໜ້າງາມຍິ້ມຫວານກາຍເປັນສະພາບນີ້

ອຸທາຫອນ! ບີບສິວຢູ່ດັງ ເປັນເຫດໃຫ້ໃບໜ້າບວມປູດ ຈາກສາວໜ້າງາມຍິ້ມຫວານກາຍເປັນສະພາບນີ້

10th December 2020 0 By Education

ແມຣີ ແອນ ຣີເຈີໂຊ ໄວ 17ປີ ອາໄສຢູ່ໃນເມືອງນູເອວາອີຊິຢາ ປະເທດຟີລິປິນ ຕອນນີ້ສະພາບໃບໜ້າຂອງນາງປູດບວມຈົນຜິດຮູບ ແລະ ບໍ່ເຫຼືອເຄົ້ນໂຄງໜ້າເກົ່າ ເຊິ່ງສິ່ງທີ່ເກີດຂຶ້ນທັງໝົດ ເລີ່ມມາແຕ່ປີ 2019 ຫຼັງຈາກຜູ້ກ່ຽວບີບສິວເທິງໃບໜ້າ ແລະ ບີບມັນ ຈົນເຮັດໃຫ້ໃບໜ້າຂອງນາງບວມຜິດປົກກະຕິ.

ໃນຕອນທໍາອິດທີ່ເກີດຂຶ້ນ ນາງຄິດວ່າມັນອາດເປັນພຽງບຶດດຽວແລ້ວອາດຈະຍຸບລົງ ແຕ່ກັບບໍ່ເປັນເຊັ່ນນັ້ນ ອາການບວມຂະຫຍາຍເປັນວົງກວ້າງຫຼາຍຂຶ້ນ ເປັນເວລາຫຼາຍອາທິດ ຫຼາຍເດືອນ ຈົນເປັນປີ. ທໍາອິດນາງຄິດວ່າສິວດັ່ງກ່າວເກີດຂຶ້ນຈາກບັນຫາລະດັບຮໍໂມນພາຍໃນຕົວເອງ ເພາະເມື່ອຕອນອາຍຸ 16ປີ ໃນຕອນນັ້ນ ຜູ້ກ່ຽວຫາກໍ່ໃຫ້ກໍາເນີດລູກມາ 1ຄົນ.

ອາການບບວມປະຫຼາດນີ້ເກີດຂຶ້ນຫຼັງຈາກທີ່ແມຣີ່ໄດ້ບີບສິວບໍລິເວນດັງ ຂະນະນັ້ນ ນາງຮູ້ສຶກວ່າມັນເຈັບ ແລະ ປວດຫຼາຍກວ່າປັກກະຕິ ແລະ ສອງສາມມື້ຕໍ່ຈາກນັ້ນ ອາການບວມດັ່ງກ່າວກໍ່ເລີ່ມຂຶ້ນ ແລະ ລາມໄປທົ່ວໃບໜ້າຂອງຜູ້ກ່ຽວ, ເຊິ່ງແມຣີ່ ບອກວ່າ: ຂ້ອຍຮູ້ສຶກຄືກັບປູມເປົ້າທີ່ກໍາລັງເບັງ, ໃນຕອນນີ້ອາການບວມປິດສະໜານີ້ໄດ້ປົກຄຸມເກືອບທົ່ວໃບໜ້າຂອງນາງທັງດັງ, ແກ້ມ ແລະ ໜ້າຜາກຂອງນາງ ທັ້ງຍັງສົ່ງຜົນຕໍ່ການເບິ່ງເຫັນຂອງລາວເປັນຢ່າງຫຼາຍ ເມື່ອອາການບວມລາມໄປເຖິງຫົວຕາ.

ທີ່ຜ່ານມາ ນາງພະຍາຍາມປິ່ນປົວອາການດັ່ງກ່າວດ້ວຍພູມປັນຍາພື້ນບ້ານໂດຍໃຊ້ສະໝຸນໄພຕ່າງໆ ແຕ່ກໍ່ບໍ່ປະສົບຜົນສໍາເລັດ, ສ່ວນເຫດຜົນທີ່ນາງບໍ່ໄປພົບແພດເພື່ອທໍາການປິ່ນປົວນັ້ນ ເປັນເພາະຄອບຄົວບໍ່ມີລາຍຮັບຫຼາຍພໍທີ່ຈະຈ່າຍຄ່າປິ່ນປົວ.

ແນວໃດກໍ່ຕາມ ຫຼັງນາງທົນຢູ່ກັບຄວາມເຈັບປວດມາເກືອບປີ ໃນທີ່ສຸດກໍ່ຕັດສິນໃຈໄປໂຮງໝໍ ເພື່ອກວດອາການບວມປິດສະໜາດັ່ງກ່າວ ແຕ່ໂຮງໝໍທີ່ນາງໄປ ກໍ່ບໍ່ມີອຸປະກອນທີ່ເໝາະສົມຫຼາຍພໍທີ່ຈະວິນິດໄສອາການປະຫຼາດນີ້ ເຮັດໃຫ້ແມຣີ່ຕ້ອງຍ້າຍໄປໂຮງໝໍທີ່ໃຫຍ່ ແລະ ມີອຸປະກອນພ້ອມກວ່ານີ້.