ຍ້ອນຢາກງາມເປັນເຫດ! ສາວຖືກຈັບເຂົ້າຄຸກ 10ປີ ຫຼັງແຕ່ງຮູບໃບໜ້າເປັນແອງເຈລີນາ ໂຈລີ

ຍ້ອນຢາກງາມເປັນເຫດ! ສາວຖືກຈັບເຂົ້າຄຸກ 10ປີ ຫຼັງແຕ່ງຮູບໃບໜ້າເປັນແອງເຈລີນາ ໂຈລີ

16th December 2020 0 By Education

ຟາເຕເມ ຄິຫວານ ຫຼື ເປັນທີ່ຮູ້ຈັກກັນດີໃນຊື່ ຊາຮາ ທາບາ ຜູ້ທີ່ໂດ່ງດັງໃນອິນສະຕາແກຣມ ມີຜູ້ຕິດຕາມຫຼາຍແສນຄົນ ຫຼັງຈາກໂພສພາບໃບໜ້າຕົນເອງ ອ້າງວ່າເຮັດສັນຍະກໍາມາຫຼາຍກວ່າ 50ຄັ້ງ ເພື່ອໃຫ້ຄືກັບ ແອງເຈລີນາ ໂຈລີ ຈົນໃບໜ້າບິດບ້ຽວ ເປັນຕາຢ້ານ ກ່ອນທີ່ຈະຍອມຮັບພາຍຫຼັງວ່າໃຊ້ໂປຣແກມຕົກແຕ່ງພາບບວກກັບເທັກນິກການແຕ່ງໜ້າເຂົ້າຊ່ວຍ.

ຫຼ້າສຸດເວັບໄຊ້ ມິເຣີ ລາຍງານລະບຸວ່າ ຟາເຕເມ ຖືກທາງການອີຣານ ຕັດສິນໃຫ້ຕ້ອງຮັບໂທດຈໍາຄຸກ 10ປີ ສ່ວນໜຶ່ງຂອງການກວາດລ້າງຄົນດັງໃນໂລກອອນໄລຂອງລັດຖະບານອີຣານ ໂດຍຟາເຕເມ ຖືກຄວບຄຸມຕົວເມື່ອເດືອນຕຸລາ 2019 ທີ່ຜ່ານມາ ກ່ອນຈະຖືກຕັ້ງຂໍ້ຫາ ເຜີນແຜ່ເນື້ອຫາທີ່ບໍ່ເໝາະສົມກັບເຍົາວະຊົນ ແລະ ດູໝິ່ນລັດອິດສະລາມ.

ການຈັບກຸມຟາເຕເມ ກາຍເປັນທີ່ວິພາກວິຈານຢ່າງກວ້າງຂວາງໃນໂລກອອນໄລ ຂະນະທີ່ຟາເຕເມ ຍັງຖືກປະຕິເສດບໍ່ໃຫ້ມີການປ່ອຍຕົວຫຼັງຈາກນາງອອກມາເປີດເຜີຍວ່າຕິດເຊື້ອໂຄວິດ-19 ຂະນະຖືກຄຸມຕົວ.

ນອກຈາກນີ້ ຟາເຕເມ ຍັງຮຽກຮ້ອງໃຫ້ ແອງເຈລີນາ ໂຈລີ ນັກສະແດງຮອລລີວູດ ໄວ 45ປີ ອອກມາຮຽກຮ້ອງໃຫ້ຟາເຕເມໄດ້ຮັບການປ່ອຍຕົວດ້ວຍ.