ອ້າວ! ຄໍຫວຍວ່າແນວໃດ ຈະຊື້ຕໍ່ ຫຼື ພໍສໍ່ານີ້ ຫຼັງມີແຈ້ງການຫຼຸດລາງວັນເລກ 4ໂຕລົງ

ອ້າວ! ຄໍຫວຍວ່າແນວໃດ ຈະຊື້ຕໍ່ ຫຼື ພໍສໍ່ານີ້ ຫຼັງມີແຈ້ງການຫຼຸດລາງວັນເລກ 4ໂຕລົງ

25th December 2020 0 By Education

ເອີ້ນໄດ້ວ່າສະເທືອນວົງການຄົນມັກຊື້ຫວຍໄປເລີຍກໍ່ວ່າໄດ້ ແລະ ມັນອາດກະທົບຈິດໃຈຂອງຄໍຫວຍບໍ່ໜ້ອຍ ເມື່ອມີແຈ້ງການອອກມາໃຫ້ຫຼຸດລາງວັນເລກ 4ໂຕ ແບບນີ້.

ໂດຍອີງຕາມແຈ້ງການ ສະບັບເລກທີ 1114/ຫພນ, ລົງວັນທີ 9 ພະຈິກ 2020 ເລືຶ່ອງການວາງຈໍາໜ່າຍ ແລະ ໃຫ້ເງິນລາງວັນຫວຍພັດທະນາ ເລກ 4 ໂຕ ແບບທັນສະໄໝ ໂດຍບໍລິສັດລັດ ວິສາຫະກິດ ຫວຍພັດທະນາ ໄດ້ປັບຫຼຸດການໃຫ້ລາງວັນຫວຍເລກ 4ໂຕ ແບບທັນສະໄໝ ຈາກ 60% ລົງມາເປັນ 50% ຂອງມູນຄ່າຈໍາໜ່າຍຕໍ່ຄັ້ງ.

ເຊິ່ງໃນນີ້ ເພິ່ນໄດ້ກໍານົດ ຫວຍເລກ 4ໂຕ(ຕ້ອງຊື້ ແລະ ຖືກ 4ໂຕ) ມູນຄ່າ 1.000ກີບ ຈະໄດ້ຮັບເງິນລາງວັນ 5.000.000 ກີບ(ຫ້າລ້ານກີບ) ຫຼື ເທົ່າກັບ 50% ຂອງມູນຄ່າຈໍາໜ່າຍ.

ທັ້ງນີ້ກ່ອນໜ້ານີ້, ເງິນລາງວັນຫວຍ ຫຼື ເລກ 4ໂຕ ຊື້ 1.000 ກີບ ແມ່ນຈະໄດ້ຢູ່ 6.000.000 ກີບ ແຕ່ຕາມແຈ້ງການແມ່ນຫຼຸດລົງມາເຫຼືອພຽງ 5.000.000ກີບ ເທົ່ານັ້ນ.