ວັກຊິນຕ້ານໂຄວິດອີກສອງງວດຈະຮອດລາວໄວໆນີ້

ວັກຊິນຕ້ານໂຄວິດອີກສອງງວດຈະຮອດລາວໄວໆນີ້

2nd January 2021 0 By Education

ທຸກວັນນີ້ສິ່ງໜຶ່ງທີ່ປະຊາຊົນໃຫ້ການຄອງຄອຍແມ່ນວັກຊິນຕ້ານໂຄວິດ-19 ເນື່ອງຈາກເປັນໂລກຮ້າຍທີ່ພາກຊີວິດຊາວໂລກໄປແລ້ວເກືອບ 2 ລ້ານຄົນທະຍອຍມາຮອດລາວແລ້ວຊຸດທຳອິດ ແລະລັອດຕໍ່ໄປຈະຮອດລາວຕົ້ນເດືອນນີ້ ຈາກນັ້ນຍັງມີວັກຊິນໃນສ່ວນທີ່ເປັນການຮ່ວມມືລະຫວ່າງປະເທດຈະມາຮອດລາວປະມານເດືອນເມສາ 2021 ຕາມລຳດັບ.

ຕາມລາຍງານຂ່າວຫຼ້າສຸດໃຫ້ຮູ້ວ່າປະຈຸບັນນີ້ວັກຊີນປ້ອງກັນໂຄວິດ-19 ປະຈຸບັນລາວເຮົາໄດ້ຮັບແລ້ວຈຳນວນ 2000 ໂດສ ຈາກບໍລິສັດຊິໂນຟາມແຫ່ງປະເທດຈີນ ພ້ອມດຽວກັນນີ້ໄດ້ລິເລີ່ມສັກວັກຊິນຈຳນວນນີ້ໃຫ້ກຸ່ມຜູ້ສ່ຽງແລ້ວປະມານ 200 ລາຍເປັນຕົ້ນ ບຸກຄະລາກອນທາງການແພດ ແລະອາສາສະໝັກ.

ໃນນີ້ວັກຊິນທີີທາງການລາວຈະໄດ້ຮັບມາປະກອບມີ 3 ແຫຼ່ງຄື: ບໍລິສັດຊິໂນຟາມ ຂອງ ສປ ຈີນ, ຈາກສະປຸດນິກໄຟ ຂອງຣັດເຊຍ ແລະວັກຊິນໂຄແວັກ ເຊິ່ງເປັນວັກຊິກການຮ່ວມມືລະຫວ່າງປະເທດ.

ທັງໝົດເປັນວັກຊິນທີ່ຮັບຮອງຈາກອົງການອະນາໄມໂລກໃນບັນຊີໃຊ້ພາວະສຸກເສີນ. ສໍາລັບວັກຊີນ SINOPHARM ຈາກ ສປ ຈີນ: ເປັນວັກຊິນທີ່ຜະລິດ ໂດຍ ສປ ຈີນ ທີ່ໄດ້ຈັດເຂົ້າໃນ ບັນຊີ ວັກຊິນໃຊ້ໃນພາວະສຸກເສີນ ທີ່ມີຄຸນນະພາບ, ມີຄວາມປອດໄພດີ ເພາະມີຜົນຂ້າງຄຽງນ້ອຍ, ສາມາດເກັບຮັກສາໄວ້ໃນລະບົບເຢັນ ລະຫວ່າງ 2 ຫາ 8 ອົງສາ ທີ່ສາມາດເກັບໄວ້ໃນລະບົບສາງເຢັນ ຂອງຂະແໜງການສາທາລະນະສຸກລາວເຮົາ, ໃຊ້ສັກ 2 ເຂັມ, ສາມາດສ້າງພູມຄຸ້ມກັນ ໄດ້ເຖີງ 3 ປີ. ເຊີ່ງໃນປັດຈຸບັນ ສປຈີນ ໄດ້ມີການສັກໃຫ້ປະຊາຊົນຈີນຈຳນວນຫລາຍລ້ານຄົນ ແລະເຫັນວ່າໄດ້ຮັບຜົນດີ.

ວັກຊີນ SPUTNIK V ຈາກ RUSSIA ຜະລິດຈາກ ສະຖາບັນ GAMALEYA ລັດເຊຍ ເປັນວັກຊິນທີ່ ມີຄຸນນະພາບ, ມີຄວາມປອດໄພດີ ເພາະມີຜົນຂ້າງຄຽງນ້ອຍ ແລະ ມີປະສິດທິພາບ, ສັກ 2 ເຂັມ ແລະ ສາມາດສ້າງພຸມຄຸ້ມກັນ ໄດ້ເຖີງ 2 ປີ. ສະຫະພັນ ຣັດເຊຍ ຈະໃຫ້ການຊ່ວຍເຫຼືອວັກຊີນ SPUTNIK V ເບື້ອງຕົ້ນ ໃຫ້ແກ່ ສປປ ລາວ ຈຳນວນ 500 doses ຈະມາເຖິງ ສປປ ລາວ ໃນ ວັນທີ 2 ມັງກອນ 2021.

ວັກຊິນ ທີ່ໄດ້ຈາກການຊ່ວຍເຫລືອ ຂອງ ວັກຊີນ ທີ່ ທາງ COVAX FACILITY GAVI ກະຊວງສາທາລະນະສຸກ ໄດ້ ຮ່ວມມືກັບ ກະຊວງການເງິນ ໄດ້ສົ່ງແຜນຂໍການຊ່ວຍເຫລືອ ດ້ານ ວັກຊິນ ປ້ອງກັນ ໂຄວິດ 19 ໃຫ້ COVAX FACILITY GAVI, ມາຮອດປັດຈຸບັນ ສປປ ລາວ ໄດ້ຮັບຄໍາຕອບວ່າ ໄດ້ເປັນ 1 ໃນ 92 ປະເທດ ທີ່ຈະໄດ້ຮັບການຊ່ວຍເຫຼືອລ້າ ວັກຊິນຕ້ານໂຄວິດ 19 ໃນປີ 2021 ຄາດຄະເນ ປະມານ 15 ຫາ 20% ຂອງປະຊາກອນທັງໝົດ ຫລື ເທົ່າກັບ 1.4 ລ້ານຄົນ. ຄາດວ່າຈະໄດ້ຮັບ ແລະ ເລີ້ມສັກວັກຊິນທີ່ໄດ້ຮັບຈາກ COVAX FACILITY GAVI ພາຍໃນ ເດືອນ ເມສາ 2021.

ຕໍ່ຄໍາຖາມທີ່ວ່າ: ແມ່ນໃຜແດ່ຈະໄດ້ສັກວັກຊິນ ທີ່ໄດ້ຈາກ COVAX FACILITY ໃນປີ 2021 ນີ້ທ່ານ ຮສ ດຣ ບຸນກອງ ສີຫາວົງ ກ່າວວ່າ: ຍ້ອນແມ່ນການສັກວັກຊິນແກ້ໄຂພາວະສຸກເສີນການລະບາດຂອງພະຍາດ ຈຶ່ງໄດ້ ສຸມໃສ່ກຸ່ມທີ່ມີຄວາມສ່ຽງສູງ ຫາ ປານກາງ ເຊັ່ນ: ແພດໝໍ ພະຍາບານ ທັງໝົດ ລວມທັງ ສູນກາງແລະ ທ້ອງຖິ່ນ ພາຍໃນຂະແໜງສາທາລະນະສຸກ, ໂຮງໝໍທະຫານ, ໂຮງໝໍຕໍາຫລວດ, ອາສາສະໝັກແພດບ້ານ, ອາສາສະໝັກສັງຄົມສົງເຄາະ, ຜູ້ສູງອາຍຸ, ຜູ້ມີພະຍາດປະຈຳຕົວ ແຕ່ ບໍ່ນອນໃນຂໍ້ຫ້າມສັກວັກຊິນ, ຜູ້ອອກແຮງງານເຄື່ອນຍ້າຍ, ຜູ້ເດີນທາງເຂົ້າອອກ ແລະ ແຮສຸກເສີນ.