ຕາຢ້ານ! ຊາຍໜຸ່ມປ່ວຍເປັນໂລກຊຶມເສົ້າ ບໍ່ຮູ້ແມ່ນຫຍັງດົນໃຈ ກິນສິ່ງແປກປອມເຫຼົ່ານີ້ເຂົ້າໄປ ເຮັດໃຫ້ເກືອບບໍ່ລອດຊີວິດ

ຕາຢ້ານ! ຊາຍໜຸ່ມປ່ວຍເປັນໂລກຊຶມເສົ້າ ບໍ່ຮູ້ແມ່ນຫຍັງດົນໃຈ ກິນສິ່ງແປກປອມເຫຼົ່ານີ້ເຂົ້າໄປ ເຮັດໃຫ້ເກືອບບໍ່ລອດຊີວິດ

18th January 2021 0 By Education

ໂລກຊຶທເສົ້າ ແອັດເຊື່ອວ່າຫຼາຍທ່ານຈະເຄີຍໄດ້ຍິນ ຫຼື ເຄີຍຮູ້ຈັກມາແລ້ວ, ເຊິ່ງກຸ່ມຄົນທີ່ປະເຊີນກັບໂລກນີ້ແມ່ນມີຄວາມສ່ຽງສູງຫຼາຍທີ່ຈະຄິດສັ້ນ ຫວັງດັບຊີວິດຕົນເອງຢູ່ຕະຫຼອດເວລາ. ທັ້ງນີ້ ຈາກທີ່ແອັດສຶກສາມາ ຍັງຮູ້ໄດ້ວ່າກຸ່ມຄົນເຫຼ່ານີ້ຈະມີແນວຄວາມຄິດລົບ ບັ່ນທອນຈິດໃຈຕົນເອງ ເຮັດໃຫ້ບໍ່ຢາກມີຊີວິດຢູ່ໃນໂລກນີ້ຕໍ່ໄປ.

ດັ່ງກໍລະນີຫຼ້າສຸດທີ່ເກີດຂຶ້ນ ມີໜຸ່ມຊາຍຫວຽດນາມຄົນໜຶ່ງ ອາຍຸ 27ປີ ຜູ້ກ່ຽວປ່ວຍເປັນໂລກຊືຶມເສົ້າ ແລະ ມີອາການເຈັບທ້ອງມາດົນ, ພີ່ນ້ອງຈຶ່ງນໍາຕົວສົ່ງໂຮງໝໍ ແລະ ເຮັດໃຫ້ພົບຕົ້ນເຫດມີວັດຖຸແປກປອມເຕັມກະເພາະຜູ້ກ່ຽວ.

ເມື່ອວັນທີ່ 17 ເດືອນ ມັງກອນ ປີ 2021 World Forum ລາຍງານວ່າ ໂຮງໝໍໂຮຈີມິນໄດ້ເປີດເຜີຍອາການຂອງຊາຍວຽດນາມ ອາຍຸ 27 ປີ ທີ່ປ່ວຍເປັນໂລກຊືມເສົ້າມີອາການປວດທ້ອງມາໄດ້ໄລຍະໜື່ງແລ້ວເປັນເວລາ 1 ເດືອນ ເຊີ່ງຜູ້ປ່ວຍມີອາການກີນສີ່ງທີ່ບໍ່ແມ່ນອາຫານ, ມັກກີນເຫຼັກ ແລະ ຂອງແປກໆເຊັ່ນ: ໂລຫະ, ນອ໋ດ, ບວງ, ໃບມີດ ແລະ ຕະປູ ຫຼັງຈາກແພດກວດພົບສີ່ງແປກປອມໃນກະເພາະອາຫານ.

ຈື່ງສົ່ງໂຕມາຍັງໂຮງໝໍທະຫານໃນໂຮຈີມິນ ເຮັດການຜ່າຕັດເອົາສີ່ງແປກປອມອອກມາໄດ້ ເຊີ່ງໃຊ້ເວລາຜ່າຕັດເຖີງ 2 ຊົ່ວໂມງ ສີ່ງທີ່ນຳອອກມາໄດ້ມີໂລຫະ, ເຫຼັກ, ຂໍເກາະ ແລະ ໃບມີດຈຳນວນຫຼາຍ ເຊີ່ງສັ່ງນໍ້າໜັກໄດ້ເຖີງ 1 ກິໂລ ຕອນນີ້ຜູ້ປ່ວຍປອດໄພແລ້ວ ຢູ່ໃນຊ່ວງເວລາພັກຟື້ນ ແລະ ລໍຖ້າຕິດຕາມອາການ ຫວັງວ່າຫາຍດີແລ້ວ ລາວຈະບໍ່ກັບໄປກີນສີ່ງເຫຼົ່ານີ້ອີກ ເພາະລາວອາດຈະບໍ່ໂຊກດີແບບນີ້ຕະຫຼອດໄປ.