ວ້າວ! ເຮັດໄດ້ແນວໃດ ເອົານໍ້າເຜິ້ງປ່າ ດ້ວຍສອງມືເປົ່າ ໄຮ້ອຸປະກອນປ້ອງກັນເຜິ້ງຕອດ

ວ້າວ! ເຮັດໄດ້ແນວໃດ ເອົານໍ້າເຜິ້ງປ່າ ດ້ວຍສອງມືເປົ່າ ໄຮ້ອຸປະກອນປ້ອງກັນເຜິ້ງຕອດ

21st January 2021 0 By Education

ເມື່ອເວົ້າເຖິງນໍ້າເຜີ້ງ ແອັດເຊື່ອວ່າທຸກຄົນຈະຮູ່ຈັກແນ່ນອນ ເພາະມັນເປັນຂອງຫວານຈາກທໍາມະຊາດໂດຍແທ້ຈິງ ບໍ່ມີການປຸງແຕ່ງ ເຊິ່ງນອກຈາກມັນຈະມີລົດຊາດແຊບແລ້ວ ແນ່ນອນວ່າສັບພະຄຸນຂອງມັນມີເຫຼືອລົ້ນເກີນບັນຍາຍ ທີ່ສໍາຄັນເປັນອາຫານໃຫ້ຄົນເຮົາໄດ້ທັງນໍ້າເຜິ້ງ ແລະໂຕເຜິ້ງເອງ ເຊິ່ງມີລາຄາສູງຢູ່ພໍສົມຄວນ.

ເມື່ອເວົ້າເຖິງລາຄາແລ້ວ ແນ່ນອນຫຼາຍຄົນອາດມີຄວາມເຫັນຕ່າງກັນ ບາງຄົນອາດຄິດວ່າຖືກ, ບາງຄົນອາດຄິດວ່າແພງ ຫຼື ບາງຄົນອາດຄິດວ່າມັນສົມເຫດສົມຜົນແລ້ວ, ແຕ່ທັງນີ້ທັງນັ້ນ ບາງຄັ້ງຜູ້ຊື້ທີ່ໂຊກຮ້າຍກໍ່ອາດຖືກນໍ້າເຜິ້ງຍ້ອມແມວຂາຍ ຫຼື ບໍ່ແມ່ນຫົວນໍ້າເຜິ້ງແທ້ ແມ່ຄ້າຫົວໃຫຍ່ອາດນໍາມາປະສົມກັບນໍ້າ ເພື່ອໃຫ້ໄດ້ປະລິມານຫຼາຍຂຶ້ນ.

ແຕ່ແນວໃດກໍ່ຕາມ ການຫານໍ້າເຜິ້ງມັນບໍ່ແມ່ນເລື່ອງງ່າຍ ກວ່າຈະໄດ້ນໍ້າເຜິ້ງແກ້ວໜຶ່ງມາ ຜູ້ທີ່ເຂົ້າປ່າໄປຫາ ຕ້ອງສ່ຽງຊີວິດຫຼາຍ ເພາະເຜິ້ງເປັນສັດຊະນິດໜຶ່ງທີ່ມີພິດຮ້າຍແຮງ ການໄປເອົານໍ້າເຜິ້ງແຕ່ລະຄັ້ງຕ້ອງມີອຸປະກອນຮັບມື ຫຼື ປ້ອງກັນຕົວເອງ ແຕ່ກັບບາງຄົນພັດໃຊ້ມືເປົ່າເຂົ້າສູ້ ຫຼື ອາດມີເລື່ອງລຶກລັບກວ່ານັ້ນທີ່ເຮັດໃຫ້ເຂົາເຈົ້າສາມາດເອົານໍ້າເຜິ້ງດ້ວຍມືເປົ່າ ແອັດກໍ່ບໍ່ສາມາດຮູ້ໄດ້ ດັ່ງປະຊາຊົນຊາວເນປານ ຜູ້ມີອາຊີບຫານໍ້າເຜິ້ງປ່າ ເຊິ່ງເຂົາເຈົ້າໃຊ້ພຽງໄມ້, ຜ້າຄຸມຫົວຜືນດຽວ ແລະ ຂັ້ນໄດເຊືອກທີ່ໄຕ່ຂຶ້ນຜາສຸເອົານໍ້າເຜິ້ງມາໄດ້ແບບສະບາຍໆ.

ວ່າແລ້ວລອງມາເບິ່ງພາບເຫຼົ່ານີ້ນໍາກັນ ແອັດເຊື່ອວ່າມັນຈະຊ່ວຍອະທິບາຍສິ່ງວທີ່ແອັດເວົ້າມາໄດ້ຫຼາຍຂຶ້ນ.

ພາບເຫຼົ່ານີ້ແມ່ນ ວິທີການຫານໍ້າເຜີ້ງປ່າ ແຫ່ງປະເທດ ເນປານ ມືອາຊີບເທົ່ານັ້ນທີ່ເຮັດໄດ້

ໃຊ້ອຸປະກອນພຽງ 3ຢ່າງ ໄດ້ເຜິ້ງມາເປັນຮັງ


CR: Awesome